Panagnaan 2:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Na meꞌ Tuhan bay mapayak manusiyaꞌ meꞌ tuu: Lay ya ngaddoꞌ tanaꞌ, boꞌ pinuta meꞌ na binuwat baran lalla. Pag lupus, boꞌ pinahuwa meꞌ Tuhan napas na pa jawom sammo lalla looy binuwanan nyawa. Dari ilooy ma llum du lalla looy.

Panagnaan 2:7 ပူးပေါင်းရင်းမြစ်များ

Panagnaan 1:27

Dari ilooy ma lay na Tuhan mapayak manusiyaꞌ meꞌ limbagan na du. Bay pinapayak meꞌ na lalla ka danda.

Panagnaan 2:6

Sugaꞌ san yaꞌ gi luu uwan taꞌ junyaꞌ, ndang luu na baw boheꞌ pōꞌ man jawom gumi maseꞌ kuwit tanaꞌ.

Panagnaan 3:19

Basta yaꞌ na sina ko koleꞌ balanjaꞌ bong yaꞌ doꞌ bay pingkaꞌ tumpa songot nu paeka ngabut sampay ko llabbong. Bay ko pinapayak ka tanaꞌ. Bbos-bbos padari tanaꞌ du sina ko pabalik.”

Panagnaan 3:23

Dari lay na sila pinōꞌ meꞌ Tuhan man tinanom-tinanom looy ni Eden. Maka lai na si Adam sinohoꞌ buwat pa tanaꞌ ma bay man mapayak iya.

Yahiya 20:22

Pus na halling meꞌ looy, lay na ya mahuwa napas na ninsila, boꞌ na halling, “Timaun bi na Rū Sutsiꞌ.

Salsila siga Rasul 17:25

Yaꞌ gunahan niiya tabang manusiyaꞌ batan ndang langkap na ya. Gam pin iya ya muwan nyawa ka napas ni manusiyaꞌ sikamimon sampay na mimon kulang-kabus da.

Suwat si Pol pa mman Baanan Sukuꞌ si Isa ndooy ni Rom 9:20

Sugaꞌ soy doꞌ baw kam ina subay na pin ngusiat Tuhan? Kaam bina, dangoy na, lay jaꞌ kam pinapayak. Yaꞌ kam pataꞌ ngusiat ilooy ma bay mapayak kaam atawa nilaw, “Ongoy ku bay pabuwat nu meꞌ tuu?”

1 Korin 15:45

Baran biyasa ina, ilooy ma luu isi na ka lahaꞌ na, luu bay sinuwatan njawom kitab bong pooy meꞌ na bay pinapayak. Baran sibuwa ina yana tanaꞌ bay pinabuwat meꞌ Tuhan lalla, boꞌ na bay pinakallum. Boꞌ ilooy na silay Boꞌ Adam ma ginalla Adam Sibuwa lakka man tanaꞌ junyaꞌ. Sugaꞌ hallom maka hallom na, luu na baw bay lahil Adam ni kaduwa, ginalla Adam Dambuli yana Almasi lakka man sulgaꞌ. Boꞌ luu gi sina pagbiddaan da mehe, batan Adam Sibuwa ilay bay binuwanan kaallum. Boꞌ Adam Dambuli, lay ya dari Rū ma muwan kaallum ma natas saumu-umu. Sangkon, ndang mastiꞌ luu doꞌ duhuꞌ baran ma mandang ni hāl junyaꞌ, boꞌ pasunuꞌ baran ma mandang ni hāl Tuhan.

2 Korin 4:7

Kami itu meꞌ sapantun kibut ma mura jaꞌ passaꞌ bay inisihan altaꞌ hagaan saꞌ alang-alang. Altaꞌ ma awnan ku ilay siꞌ yana ladjikiꞌ ningkami bay kawakilan masaplag umanat mahap. Kami itu bay peneꞌ Tuhan san yaꞌ luu kawasa kami supaya oy-oy pabuwat kami, tumatandaꞌ man kawasa na, saꞌ ga lakka man kawasa kami.

2 Korin 5:1

Na baran tabi itu meꞌ sapantun lumaꞌ sandaꞌ-sandaꞌ jaꞌ man tabi pahantiꞌ halloman tabi taꞌ junyaꞌ. Maka katoonan tabi du, bong lay na langkat, mastiꞌ luu du gantiꞌ na lumaꞌ bahau ndooy ni sulgaꞌ. Intong na, baran bahau. Boꞌ lumaꞌ looy ilay mintu saꞌ na meꞌ hantang lumaꞌ ma pinabuwat meꞌ manusiyaꞌ, batan lakka man Tuhan ka natas saumu-umu.

1 Timuti 2:13

Minsan bay jaman manusiyaꞌ bohoꞌ bay pinapayak, duhuꞌ du lalla bay pinapayak, yana Boꞌ Adam, boꞌ pasunuꞌ Sitti Hawa, binuwat limbang na ka tatabang na.

Hibrani 12:9

Bistahun bi doꞌ, san ina siga mmaꞌ tabi ntuu ni junyaꞌ bong ngadjal kitabi, pagmaltabatan tabi du. Labi na saꞌ kitabi subay lillaꞌ ni adjalan Mmaꞌ tabi ni sulgaꞌ mari sampulnaꞌ nyawa tabi.