Panagnaan 2:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Sugaꞌ luu baw silay disu poon kayu yaꞌ dari kinakan buwaꞌ na. Buwaꞌ na kabuwan pangahati nilang mahap-maat, sugaꞌ tinagga baw sina ningkau. Bong ina ko bay kakakan, basta matoy jaꞌ sina ko.”

Panagnaan 2:17 ပူးပေါင်းရင်းမြစ်များ

Panagnaan 2:9

Na ndooy ni tinanom-tinanom looy siꞌ, luu na du jinisan kakayu-kayuhan bay pinatomoꞌ meꞌ Tuhan. Kagak-gāk jaꞌ inandaꞌ boꞌ mahap gi lassa buwaꞌ da labbasakayi. Ndooy siꞌ ni tangngaan tinanom looy, luu duwa poon kayu sarī jinisan da man ilooy kasohean. Disu, bong jama bay kakakan buwaꞌ na, llum ya saumu-umu. Kuwan ilooy disu, bong jama bay kakakan buwaꞌ na, pandoy na ya nilang mahap-maat.

Panagnaan 20:7

Batnaa, papoleun na danda looy pa mman lla na. Lla na ilay nabi. Pakuhan na sa ko duwaa supaya ko yaꞌ matoy. Sugaꞌ bong ina yaꞌ papoleꞌ nu danda looy, mastiꞌ papatoy ta jaꞌ sina ko sampay na mimon raayat nu.”

Panagnaan 3:11

Yuk Tuhan, “Pooy baw tu meꞌ nu kasayu ga nantang ko? Lay na kina ko kakakan buwaꞌ kayu looy ma bay bandaan ku yaꞌ nohoꞌ kinakan?”

Panagnaan 3:17

Pag-anu, yuk Tuhan na baw ni lalla looy, “Pagka lay jaꞌ ko kuhi tagayu meꞌ nda nu nohoꞌ mangan buwaꞌ kayu looy ma bay tinagga meꞌ ku, sumpaan ku na sina tanaꞌ sabapan nu. Labba man batnaa, halloman nu llum, malasahi sina ko miha balanjaꞌ.

Panagnaan 3:19

Basta yaꞌ na sina ko koleꞌ balanjaꞌ bong yaꞌ doꞌ bay pingkaꞌ tumpa songot nu paeka ngabut sampay ko llabbong. Bay ko pinapayak ka tanaꞌ. Bbos-bbos padari tanaꞌ du sina ko pabalik.”

Suwat si Pol pa mman Baanan Sukuꞌ si Isa ndooy ni Rom 1:32

San katoonan da na njawom siga panohoan Tuhan ga jama ma buwat meꞌ looy tawop pinapatoy, amu-amu gi du sila maabak kalaatan. Boꞌ ilooy gi kagakan da bong sila ngita siga pagkahi da ngakig sila.

Suwat si Pol pa mman Baanan Sukuꞌ si Isa ndooy ni Rom 6:16

Bong yaꞌ katoonan bi, soysoy ina duwan ta, inaa na sina papuꞌ ta. Sangkon bong ina kita nganduwan napsu ta buwat dusa, malaingkan dusa yana papuꞌ ta mahata kita. Pag toklas na, tiksaꞌ nyawa ta. Sugaꞌ bong ina inaa ya duwan ta kahandak Tuhan, malaingkan Tuhan yana Papuꞌ ta. Kuwan kita yana ata na. Pag toklas na, intong na jaꞌ kawul-piil ta.

Suwat si Pol pa mman Baanan Sukuꞌ si Isa ndooy ni Rom 6:23

Dan jinis meꞌ halling, bong ina jama buwat dusa, mastiꞌ luu jaꞌ ka hisab na, yana katiksaan nyawa labba man junyaꞌ sampay pa ahirat. Boꞌ sagannap ma tibuuk ka Papuꞌ tabi si Isa Almasi, mastiꞌ binuwanan jaꞌ sina meꞌ Tuhan ladjikiꞌ, yana kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 8:2

Lagiꞌ na, pag lay jaꞌ kitabi tibuuk ka si Isa Almasi, lay na kitabi binuwanan meꞌ Rū Sutsiꞌ kaallum bahau. Batan lay na kitabi paddusan Rū Sutsiꞌ man kawasa napsu tabi buwat dusa. Sangkon yaꞌ na tiksaꞌ nyawa tabi.

1 Korin 15:22

Dan jinis meꞌ halling, yana meꞌ tabi sikamimon matoy sabap meꞌ tabi panubuꞌ Boꞌ Adam, damikiyan, pinakallum du kitabi pabalik sabap meꞌ tabi tibuuk na ka Almasi.

1 Korin 15:56

Na kon ilay manusiyaꞌ matoy sabapan dusa. Ilooy man da yaꞌ kailag buwat dusa sabapan saraꞌ. Batan tiyap-tiyap luu saraꞌ, mastiꞌ tomoꞌ jaꞌ napsu manusiyaꞌ ngalangga.

Galatiya 3:10

Boꞌ sagannap ma mangasa ni hulas-sangsāꞌ da mogbogan saraꞌ man da initung intong, yaꞌ sina sila koleꞌ supaat. Ilooy du takoleꞌ da mulkaꞌ batan yaꞌ tabogbog da labbasakayi. Boꞌ magbēꞌ du bana ka suwat njawom kitab, ilooy ma yuk na, “Njawom mulkaꞌ soysoy yaꞌ mogbogan mimon saraꞌ njawom kitab.”

Epesus 5:14

Yaꞌ sina luu oy maka oy na tumampak bong yaꞌ luu dantaꞌ. Sangkon indanan bi palman, ilooy ma yuk na, “Matiꞌ na teꞌ kam. Ddong na kam tuli-tuli buwat dī bi subay ga mayat. Bangun na teꞌ kam boꞌ bi karantaan na meꞌ Almasi.”

Kolossa 2:13

Maruhuꞌ ilay, matoy kam ni mata Tuhan sabapan dusa bi. Bay jaꞌ kam pinagmundaan meꞌ napsu bi buwat kalaatan. Lipara batnaa, lay na kam binuwanan kaallum bahau sabap lay na kam tabeꞌ ni Almasi pinakallum. Maka lay na kam inampun meꞌ Tuhan ni mimon dusa bi.

1 Timuti 5:6

Sugaꞌ kuwan siga bawu danda ma yaꞌ luu kainagon da sarī man nganduwan dī da ka oy-oy kinanapsuhan meꞌ da, san daa na tulungun bi. Ga bawu danda meꞌ looy ilay, minsan sila llum, sibuꞌ du sila ka matoy bong ni bandingan Tuhan.

Yaꞌkub 1:15

Bong ina duwan da napsu da buwat kalaatan, malaingkan dari dusa ninsila. Maka bong kala meꞌ da buwat dusa, pag toklas na, tiksaꞌ nyawa da.

1 Yahiya 5:16

Na katapusan bitsala ku, bong kita ngita disu danganakan ta sukuꞌ si Isa buwat dusa, subay ya pakuhan ta duwaa supaya ya pinanimbangan meꞌ Tuhan sampay sinampulnaꞌ nyawa na pabalik. Sugaꞌ bong baw dusa na yana ilooy disu ma katiksaꞌ ni nyawa saumu-umu, san kita yaꞌ na mahusaan dī ta makuhan iya duwaa.

Siga Pakaradjaan bay Pinalahil 2:11

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan niyaꞌ na ya lumingkaꞌ njawom katiksaan nalkaꞌ ma ginalla kapatoy ni kaduwa.”

Siga Pakaradjaan bay Pinalahil 20:14

Dari sagannap ma yaꞌ bay tasuwat awon da njawom Būk Kaallum, lay na hiniyakan pa jawom danaw looy ma pannoꞌ leꞌ api. Na ilooy ilay siꞌ inawnan kapatoy ni kaduwa na. Kapatoy pun sampay tahanan jama matoy, lai na du hiniyakan pa jawom danaw looy. Dari labba mandooy ilay mintu, yaꞌ na luu kapatoy maka tahanan jama matoy.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”