Panagnaan 19:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Sugaꞌ hangat si Lut amu-amu ngalogos sila nohoꞌ mmeꞌ niiya pa lumaꞌ na, song hallom lay du sila kuhi. Pag takka jaꞌ sila pilay, lay si Lut buwat jinisan makanan mahap-mahap jaꞌ sampay tinapay ma yaꞌ luu pasulig na. Pag-anu siꞌ, lay na sila mangan.

Panagnaan 19:3 ပူးပေါင်းရင်းမြစ်များ

Panagnaan 19:2

Pag-anu, yuk si Lut ninsila, “Ga Tuwan, meꞌ aku disu ata bi, pahās doꞌ kam ni lumaꞌ kami. Luu du boheꞌ ndooy man ngosoan battis bi maka ndooy na doꞌ kam tuli. Sumawung sayu sa, boꞌ bi palanja ni palanan bi.” Iya tampung da baw siꞌ tu, “Daa na doꞌ ba. Ndē jaꞌ kami tuli ni plasa.”

Panagnaan 21:8

Na mehe-mehe jaꞌ siꞌ si Isahak sampay pag ndaꞌ nneꞌ na yaꞌ na ya duruꞌ, ni llaw looy du, lay si Ibrahim ballang mehe.

Panagnaan 24:31

Dari yuk na ni tindog si Ibrahim, “Ū Langaꞌ, kau bina sinupaatan meꞌ Tuhan. Ongoy taggahaꞌ ntuu jaꞌ kam nangge-nangge ni poan? Tu kam. Yaꞌ na du lawak lumaꞌ kami maka luu du bilik ndooy ndang lay na patimmos ku tahan bi sa tuli. Maka luu du lugar man ngannaꞌ untaꞌ bi.”

Panagnaan 26:30

Dari siꞌ, lay du kuhi si Isahak sampay lay na sohoꞌ na ga tindog na manyap man da ballang. Tahak jaꞌ siꞌ mimon makanan, lay na sila siharung-harung nginum-mangan.

Lukas 11:8

“Sugaꞌ baan ta kam, san ilay sawpama jama looy yaꞌ doman bangun muwan, bong kam amu-amu maku, mastiꞌ bangun jaꞌ sina ya sampay muwanan kaam oy-oy paku bi sabap bagay kam.

Lukas 14:23

“Pag-anu yuk bōs na, ‘Batnaa pilay na baw ko pa kadilehan. Lataan nu na siga lān mehe-dikiꞌ ndooy man nu miha jama. Pagbuli-bulihan nu mogos sila nohoꞌ mmeꞌ pitu mari pannoꞌ na lumaꞌ ku.

Lukas 5:29

Na song hallom, lay na baw si Libay ballang mehe ni lumaꞌ na man na ngalak si Isa. Ndooy siꞌ, meka du tukang ninga sukay ka ga jama sarī bay mmeꞌ paharung mangan.

Yahiya 12:2

Takka jaꞌ sila, lay ballang jama lahat looy man da ngalak si Isa. Si Malta pun luu du ndooy motangan sila. Si Lasarus pun luu du ndooy tabeꞌ ni baanan jama mmeꞌ paharung ni si Isa.

1 Korin 5:8

Sangkon daa na takupan tabi kapatoy si Isa kalnaꞌ kitabi. Tikutan tabi na mimon kalaatan ka pabuwatan ma makaat pagkahi tabi manusiyaꞌ. Bogbogan tabi na kasutsian tabi. Maka subay kitabi wā mitsala kabanahan.

2 Korin 5:14

Ngkon kami itu magtuyuꞌ kalnaꞌ Almasi sabap tabista kami ehe aseꞌ na ni manusiyaꞌ. Inaa sina muwansangan kami masaplag. Tandaꞌ ehe aseꞌ Almasi, lay na ga ya nongan umu na gantiꞌ manusiyaꞌ sikamimon. Dari meꞌ tabi ngingat, mimon kitabi lay na du tabeꞌ matoy niiya.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.