Panagnaan 19:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na pag taabut deꞌ kohap, takka na siga lalla looy ma duwa sasang si Lut ningkōꞌ ni behe lawang kutaꞌ ma ngaliput Sodom. Ni sabana na, sila ilay siꞌ sikaduwa tud malaikat bay manyalupa meꞌ dagbos manusiyaꞌ. Takita jaꞌ siꞌ sila meꞌ si Lut, magti ya pasōng nampang sila, boꞌ na sujud ni awpan da.

Panagnaan 19:1 ပူးပေါင်းရင်းမြစ်များ

Panagnaan 13:12

Ga si Ibram siꞌ tu masi tamban ndooy ni Kanan. Kuwan ga si Lut, lay na maglayin pa Labbak Juldan sampay ndooy na sila bay matangge siga lumaꞌ luna da ni bihing daira Sodom.

Panagnaan 18:16

Pag lupus da mangan, ilooy ma lay na ga bisita looy sikatallu palanja song pa Sodom. Kuwan si Ibrahim siꞌ tu, lay gi ngahaboyan sila ngabut sampay takita da na Sodom ni katāhan.

Panagnaan 18:22

Pus Tuhan mitsala, lay na lakka ga soheꞌ na ilooy siꞌ ma duwa pilay pa Sodom. Kuwan iya, lay na doꞌ patamban man si Ibrahim.

Panagnaan 19:10

Sugaꞌ magti binukaꞌ meꞌ ga malaikat looy lawang sambayan da ngahelaꞌ si Lut pa jawom, boꞌ lay na tambo da pabalik.

Panagnaan 19:2

Pag-anu, yuk si Lut ninsila, “Ga Tuwan, meꞌ aku disu ata bi, pahās doꞌ kam ni lumaꞌ kami. Luu du boheꞌ ndooy man ngosoan battis bi maka ndooy na doꞌ kam tuli. Sumawung sayu sa, boꞌ bi palanja ni palanan bi.” Iya tampung da baw siꞌ tu, “Daa na doꞌ ba. Ndē jaꞌ kami tuli ni plasa.”

Panagnaan 23:12

Sugaꞌ kuwan si Ibrahim baw siꞌ tu, lay doꞌ pakokoꞌ pabalik magpadiyoꞌ ni awpan ga jama ndooy.

Panagnaan 48:12

Pag-anu siꞌ, lay doꞌ siyahan si Yusup ga anak na man bihing tuut bboꞌ da, boꞌ na sujud ni awpan mmaꞌ na.

Lukas 17:28

“Damikiyan, meꞌ looy du silay bay kadari jama ni bay jaman si Lut maglahat ndooy ni Sodom. Yaꞌ du bay taingat da ga luu balaꞌ song takka pa mman da. Dari bbuwatan da meꞌ ndang kabiyasahan da du, nginum ka mangan sampay maglitu ka tanom-tanom ka buwat lumaꞌ, meꞌ naa, meꞌ naa.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.