Panagnaan 18:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² pag ndaꞌ na, luu na tallu lalla nangge lawak-lawak gi dangkitiꞌ. Pag-anu, magti ya sonse pa mman da, boꞌ na sujud ni awpan da.

Panagnaan 18:2 ပူးပေါင်းရင်းမြစ်များ

Panagnaan 17:3

Pag takale si Ibram palman looy, lay ya sujud. Pag-anu yuk Tuhan niiya,

Panagnaan 18:16

Pag lupus da mangan, ilooy ma lay na ga bisita looy sikatallu palanja song pa Sodom. Kuwan si Ibrahim siꞌ tu, lay gi ngahaboyan sila ngabut sampay takita da na Sodom ni katāhan.

Panagnaan 18:22

Pus Tuhan mitsala, lay na lakka ga soheꞌ na ilooy siꞌ ma duwa pilay pa Sodom. Kuwan iya, lay na doꞌ patamban man si Ibrahim.

Panagnaan 18:3

Yuk na ni ilooy disu, “Papuꞌ, bong siꞌ ku la kaasean nu meꞌ aku disu ata nu, pahās doꞌ kam man lumaꞌ kami.

Panagnaan 19:1

Na pag taabut deꞌ kohap, takka na siga lalla looy ma duwa sasang si Lut ningkōꞌ ni behe lawang kutaꞌ ma ngaliput Sodom. Ni sabana na, sila ilay siꞌ sikaduwa tud malaikat bay manyalupa meꞌ dagbos manusiyaꞌ. Takita jaꞌ siꞌ sila meꞌ si Lut, magti ya pasōng nampang sila, boꞌ na sujud ni awpan da.

Panagnaan 23:12

Sugaꞌ kuwan si Ibrahim baw siꞌ tu, lay doꞌ pakokoꞌ pabalik magpadiyoꞌ ni awpan ga jama ndooy.

Panagnaan 23:7

Pag-anu, ilooy ma lay doꞌ pakokoꞌ si Ibrahim magpadiyoꞌ ni awpan ga bangsa Hīt looy

Panagnaan 24:63

Na pag takka ga si Ribeka pa lahat si Isahak, song lindom na lahat. Kuwan si Isahak baw siꞌ tu, luu na pin luman-lumān ngalangan-langan lassa na ni kahayangan. Sasang na ndooy, ngita na ya baanan untaꞌ song pa mman na. Dari lay ya pilay nampang sila.

Panagnaan 32:24

Kuwan iya, lay na doꞌ patamban ndooy ni bay kampu da. Sasang na ndooy dangan-dangan na, luu na takka disu lalla. Ndooy siꞌ, lay sila sibogod ngabut sampay deꞌ sayu.

Panagnaan 42:6

Na si Yusup siꞌ tu, pagka iya panghuluꞌ gubnul ni sikaliput Ejip ngantanan kapatut maballi balanjaꞌ ni jama, talpaksaꞌ iya du man ga danganakan na patiluꞌ. Dari siꞌ, pag takka da pilay, lay na sila pasōng pa mman na boꞌ da sujud labbasakayi ni awpan na.

Panagnaan 43:26

Takka jaꞌ siꞌ si Yusup, lay na songan da ga barang looy niiya, boꞌ da sujud ni awpan na.

Panagnaan 43:28

Pag tampung da, “Mmaꞌ kami Tuwan Gubnul, yaꞌ luu oy-oy na. Masi mahap parasahan na.” Pag-anu, lay na baw sila pakokoꞌ ni awpan na.

Panagnaan 44:14

Takka ga si Juda ka ga danganakan na pa lumaꞌ si Yusup, masi gi ya ndooy. Dari bbuwatan da, lay nimbagan dī da saliꞌ-saliꞌ taꞌ tanaꞌ ni awpan na.

Panagnaan 48:12

Pag-anu siꞌ, lay doꞌ siyahan si Yusup ga anak na man bihing tuut bboꞌ da, boꞌ na sujud ni awpan mmaꞌ na.

Suwat si Pol pa mman Baanan Sukuꞌ si Isa ndooy ni Rom 12:13

Maka bong pagkahi tabi sukuꞌ Tuhan kabus, subay tulung tabi. Maka daa kitabi paalang ngahulmat jama bong sila pa lumaꞌ tabi.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.

1 Pitel 4:9

Bong luu pagkahi bi sukuꞌ si Isa pahās pa lumaꞌ bi, hulmatun bi. Daa kam magdubdub.