Panagnaan 18:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na disu llaw, jaman si Ibrahim maglahat ndooy ni bihing siga poon kayu mehe ni tanaꞌ si Mamre, lay na baw ya tinammuhan meꞌ Tuhan pabalik. Meꞌ tuu silay salsila na: Sasang si Ibrahim pahali-hali ni behe lawang lumaꞌ luna na ga tangngaꞌ llaw,

Panagnaan 18:1 ပူးပေါင်းရင်းမြစ်များ

Panagnaan 12:7

Pag-anu siꞌ, tinammuhan na baw si Ibram meꞌ Tuhan, yuk na, “Ituu na situ lahat ma pamuwan ku ga panubuꞌ nu bbos-bbos.” Pag-anu, lay nambak si Ibram batu binuwat pangulbanan man na ngulban pa Tuhan batan ndooy man na bay tinammuhan meꞌ Tuhan.

Panagnaan 13:18

Na yaꞌ gi siꞌ hallom, lay na baw maglayin ga si Ibram pa Hebron ni bihing siga poon kayu mehe njawom tanaꞌ si Mamre. Takka ndooy, lay du si Ibram nambak batu binuwat pangulbanan man na ngulban pa Tuhan.

Panagnaan 14:13

Lipara luu disu jama man Sodom bay kapatangkaw. Dari lay ya pilay pa mman si Ibram mahati lay tasungkub si Lut. Na si Ibram ilay, meꞌ jama ngawnan iya, “bangsa Hibrani looy.” Jaman looy siꞌ, maglahat ya ndooy ni tagan siga poon kayu mehe ni tanaꞌ si Mamre. Na si Mamre ilay bangsa Amol, magdanganakan ka si Eskol ka si Anel. Boꞌ sila ilay siꞌ ndang gapiꞌ ka si Ibram.

Panagnaan 15:1

Na paddus meꞌ looy, yaꞌ gi hallom, lay na baw si Ibram tinammuhan meꞌ Tuhan. Njawom pandapat na, yuk Tuhan niiya, “Ū Ibram, daa ko tawu ni oy maka oy na. Luu na pin situ ku ngagpangan kau. Maka buwanan ta du sina ko ladjikiꞌ mehe.”

Panagnaan 17:22

Lupus jaꞌ siꞌ Tuhan bay magpalman ni si Ibrahim, lay na pabeleng pa jataꞌ.

Panagnaan 18:22

Pus Tuhan mitsala, lay na lakka ga soheꞌ na ilooy siꞌ ma duwa pilay pa Sodom. Kuwan iya, lay na doꞌ patamban man si Ibrahim.

Panagnaan 20:1

Na ga si Ibrahim siꞌ tu, lay na baw lakka man tanaꞌ si Mamre maglayin pilay pa Negeb ndooy ni sallangan Kades ka Siyul. Yaꞌ gi siꞌ sila bay hallom ndooy, lay na baw halin pa Geral.

Panagnaan 26:2

Ndooy siꞌ, lay si Isahak tinammuhan meꞌ Tuhan, yuk na, “Daa na ko pawus pa Ejip. Nnoy-nnoy man nu sohoꞌ ku, nnaa na jaꞌ ko maglahat.

Panagnaan 35:27

Pag-anu siꞌ, lay na palanja ga si Yaꞌkub pa lumaꞌ mmaꞌ na si Isahak ndooy ni Mamre, tapit pa Kiriyat-Alba, yana daira ma pinag-awnan Hebron ni batnaa. Maka ndooy na du silay man Boꞌ na Ibrahim bay maglahat.

Panagnaan 48:3

Pag-anu siꞌ, yuk si Yaꞌkub ni si Yusup, “Toꞌ, jaman ku ni Luz ndooy ni Kanan, lay ku tinammuhan meꞌ Tuhan Sangat Kawasa, boꞌ lay gi ku supaatan na.

Salsila siga Rasul 7:2

Pag tampung si Esteben, “Siga mbuwaꞌ danganakan ka ga induꞌ-mmaꞌ ku, daa busung, pakale doꞌ kam niyaku. Paintoman ta doꞌ kam salsila kabboꞌ-bboan tabi. Maruhuꞌ-ruhuꞌ bboꞌ tabi Nabi Ibrahim bay tinammuhan meꞌ Tuhan Sangat Kawasa ndooy ni Mesopotamiya. Jaman looy ilay siꞌ, yaꞌ gi bay maglayin Boꞌ Ibrahim pa Haran.

Hibrani 11:9

Pag takka ga Nabi Ibrahim pa lahat looy, sabapan pangando na, pitsayaꞌ du ya ni janjiꞌ Tuhan song hallom kapaiya du lahat looy sampay ni siga panubuꞌ na. Damikiyan ilooy na du silay lahat bay janjiꞌ Tuhan ni anak Nabi Ibrahim, yana si Isahak, sampay ni mpu na si Yaꞌkub. Sugaꞌ san lay sinukuꞌ ni ga Nabi Ibrahim lahat looy, lay jaꞌ sila meꞌ karuha jama sampi ndooy tamban ni siga lumaꞌ luna.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.