Panagnaan 17:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Batnaa tu, masi gi ko jama sampi ntuu ni Kanan, sugaꞌ bbos-bbos lahat tuu labbasakayi dean ku na kau sampay na ga panubuꞌ nu. Kaam na sina mintu dapu saumu. Maka aku du sina mintu Tuhan ma mangatas ningkaam.”

Panagnaan 17:8 ပူးပေါင်းရင်းမြစ်များ

Panagnaan 12:7

Pag-anu siꞌ, tinammuhan na baw si Ibram meꞌ Tuhan, yuk na, “Ituu na situ lahat ma pamuwan ku ga panubuꞌ nu bbos-bbos.” Pag-anu, lay nambak si Ibram batu binuwat pangulbanan man na ngulban pa Tuhan batan ndooy man na bay tinammuhan meꞌ Tuhan.

Panagnaan 13:15

Dean ku na sina mintu ningkau sampay na ga panubuꞌ nu mimon lahat tuu. Sagannap tanaꞌ ma takita nu satapus-tapus mata, kapakaam na sina mintu saumu.

Panagnaan 13:17

Dawnun sa kaluhān lahat tuu sampay tahaꞌ na batan dean ku na sina mintu ningkau labbasakayi.”

Panagnaan 23:4

Takka jaꞌ siꞌ ya, yuk na ninsila, “Meꞌ aku jama sampi ni lahat bi, maku doꞌ ku paltimbangan. Bong siꞌ kadarihan ningkaam, ballihan bi doꞌ ku tanaꞌ bi man ku jaꞌ ngubu nda ku.”

Panagnaan 26:24

Pag takka da ndooy, sangom na. Maka sangom looy du, lay na baw si Isahak tinammuhan meꞌ Papuꞌ, yuk na, “Aku na situ Tuhan mmaꞌ nu si Ibrahim. Daa na ko tawu ni oy maka oy na. Itu du ku ngunungan kau. Supaatan ta sa ko maka buwanan ta ko panubuꞌ paeka sabapan bay janjiꞌ ku ni ata ku si Ibrahim.”

Panagnaan 28:4

Kamura-murahan labuꞌ pa kau na sampay ga panubuꞌ nu bay supaat njataꞌ Boꞌ nu Ibrahim mari kapakaam na paglahat tuu man tabi sampi. Ndang-ndang lay du situ njanjiꞌ leꞌ Tuhan tanaꞌ tuu ndean Boꞌ nu Ibrahim.”

Panagnaan 35:27

Pag-anu siꞌ, lay na palanja ga si Yaꞌkub pa lumaꞌ mmaꞌ na si Isahak ndooy ni Mamre, tapit pa Kiriyat-Alba, yana daira ma pinag-awnan Hebron ni batnaa. Maka ndooy na du silay man Boꞌ na Ibrahim bay maglahat.

Panagnaan 37:1

Na kuwan si Yaꞌkub siꞌ tu, lay na jaꞌ tamban ndooy ni Kanan, lahat man mmaꞌ na bay magsampihan.

Panagnaan 48:4

Yuk na niyaku, ‘Buwanan ta ko panubuꞌ paeka, maka bbuwat ta kam disu bangsa balkanan sampay tabeꞌ na jinisan bangsa ningkaam.’ Maka yuk Tuhan niyaku, ‘Dean ku na sina mintu tanaꞌ Kanan ni siga panubuꞌ nu, boꞌ sila na dapu pangkat-mamangkat saumu.’ ”

Salsila siga Rasul 7:5

Jaman looy ilay, yaꞌ gi bay buwanan Tuhan Boꞌ Ibrahim san dahakka tanaꞌ ni lahat tuu. Sugaꞌ ndang lay baw ya njanjian meꞌ Tuhan sampay na ga panubuꞌ na binuwanan mimon paglahat tuu san yaꞌ gi luu anak na.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

Siga Pakaradjaan bay Pinalahil 21:7

Na sagannap ma kanaalla mmeꞌ niyaku tanne-pasuꞌ, pusakahan ku ka ilooy mimon ma bay sabbut ku siꞌ. Aku na Tuhan da maka anak ku na sila.