Panagnaan 17:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

^23-27 Na ni llaw looy du siꞌ, lay du asip si Ibrahim bay palman Tuhan niiya. Lay na islam na si Ismail ka ga mimon kalallahan ni lumaꞌ na. Maka lay na du patabeꞌ na ga ata na ma ndang bay pinamaddihan ndooy sampay na sagannap ma bay binalli ni poan. Si Ibrahim pun lay na du inislam. Na jaman si Ibrahim bay inislam, mag-umu na ya siyampuꞌ-siyam taun. Kuwan anak na si Ismail, sapu-tallun taun na umu na.

Panagnaan 17:23 ပူးပေါင်းရင်းမြစ်များ

Panagnaan 14:14

Pag taaka si Ibram lay tabeꞌ tasungkub kamanakan na, ilooy ma lay ya magti patuhut kawu-kawu tatabang na ga si Lut. Iya siꞌ tu bay pilay, lay ya moo kalallahan ma bay sulig njawman na ma ndang alistu sibonoꞌ. Eka da siꞌ, tallu hatus sapu-wawuꞌ. Dari lay onse da ga Sultan Kerolamel ka ga gapiꞌ na sampay lay na taabut da ndooy ni Dan.

Panagnaan 17:9

Maka yuk Tuhan ni si Ibrahim, “Ni pagsulutan ta, labba man kau sampay na ga panubuꞌ nu pangkat mamangkat, subay bean bi mimon njawom pagsulutan ta. Disu sukuꞌ bi, labba man kau sampay na mimon panubuꞌ nu subay inislam sagannap kalallahan.

Panagnaan 18:19

Iya itu jama bay peneꞌ ku supaya iya na noan ga anak-mpu na mmeꞌ ni kahandak ku ka buwat mahap sampay nanggehan kaintongan. Na bong ina mintu ngasip du siga anak-mpu na ni kahandak ku, mastiꞌ tinuman jaꞌ sina mimon ma bay janjiꞌ ku niiya.”

Panagnaan 34:24

Dari mimon pa-mmean ndooy lay na du nganduwan paku si Hamol ka si Sekem, sampay lay na sila inislam sikamimon sagannap kalallahan ni daira looy.

Salsila siga Rasul 16:3

Dari karomanan si Pol mmeꞌ na si Timuti ni palanan da masaplag umanat mahap. Sugaꞌ pagka katoonan jama mimon mmaꞌ si Timuti bangsa Greek, lay doꞌ si Timuti inislam meꞌ si Pol. Maksud na bay ngislam mari yaꞌ luu sangdanan man si Timuti yaꞌ hinasi meꞌ siga Yahudi ni siga lahat ma tiluꞌ da.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Galatiya 6:15

Meꞌ kitabi itu mmeꞌ ni Almasi, yaꞌ na puntukan bong kitabi bay inislam atawa niyaꞌ. Ilooy ya puntukan bong luu na pagkajama tabi bahau.