Panagnaan 17:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Supaatan ku sa ya supaya kam anakan na lalla. Maka pabuwat ku si Sara bboꞌ jinisan bangsa. Boꞌ luu gi sina mintu siga sultan pōꞌ man siga panubuꞌ na.”

Panagnaan 17:16 ပူးပေါင်းရင်းမြစ်များ

Panagnaan 1:28

Pag-anu siꞌ, lay na baw sila supaatan Tuhan, yuk na, “Hanak-balanak na kam supaya lataꞌ na junyaꞌ meꞌ panubuꞌ bi. Kaam na magbayaan mimon taꞌ babaw junyaꞌ sampay ga daying ni dilawut ka ga manuk-manuk sampay mimon balnyawa mehe-dikiꞌ taꞌ junyaꞌ.”

Panagnaan 12:2

Buwanan ta sa ko panubuꞌ paeka. Siga panubuꞌ nu ina mintu dari bangsa balkanan. Supaatan ta sa ko maka patanyag ku du awon nu. Kau na sina mintu poonan supaat ni jama.

Panagnaan 15:4

Pag tampung Tuhan, “Saꞌ du bilay iya kapusakahan altaꞌ nu bbos-bbos, batan anakan na du sina mintu ko lalla. Boꞌ iya na du sina mintu koleꞌ pusaka nu.”

Panagnaan 17:15

Maka yuk Tuhan lagi man si Ibrahim, “Kuwan nda nu, daa na awnan nu si Saray. Labba man batnaa, awon na si Sara na.

Panagnaan 17:19

“Ohoꞌ ba,” yuk Tuhan, “sugaꞌ meꞌ halling ku na siꞌ, luu du sina mintu anak bi ka si Sara. Pag pōꞌ na, awnan nu si Isahak. Iya na sina mintu sampay na ga panubuꞌ na ma pasunuꞌ ngantanan pagsulutan ta ma yaꞌ tabaluba saumu.

Panagnaan 17:6

Kau ina mintu meꞌ karuha poon anggul kalap buwaꞌ na, batan tud meka sina mintu panubuꞌ dean ku kau. Ga panubuꞌ nu ina mintu dari siga bangsa balkanan. Maka luu du sina mintu siga sultan pōꞌ man panubuꞌ nu.

Panagnaan 21:1

Na song hallom, lay na tinuman meꞌ Tuhan bay janjiꞌ na ni si Sara

Panagnaan 24:60

Pag-anu, lay gi si Ribeka pinakuhan supaat meꞌ mimon jama lumaꞌ na, yuk da, “Kamura-murahan Nang binuwanan du ko meꞌ Tuhan laksaꞌ-laksaan panubuꞌ. Maka kamura-murahan man tabang Tuhan, ā jaꞌ mimon banta da meꞌ da.”

Panagnaan 25:23

Pag-anu siꞌ, lay na magpalman Tuhan niiya, yuk na, “Anak bi ina kamba. Sila ina yana poonan duwa bangsa ma magsaggaꞌ. Kuwan disu, mas basag gi kawasa na man ilooy disu. Ilooy ilay mintu ma siyaka pinagbayaan meꞌ ilooy ma siyali.”

Panagnaan 35:11

Maka yuk Tuhan niiya, “Aku na situ Tuhan Sangat Kawasa. Buwanan ta sina ko panubuꞌ lipat man lipat. Batan kau na sina mintu poonan disu bangsa balkanan sampay tabeꞌ na jinisan bangsa ningkaam. Maka luu du sina mintu siga sultan pōꞌ man siga panubuꞌ nu.”

Panagnaan 36:31

Na halloman siꞌ yaꞌ lagi luu panubuꞌ si Israil bay dari sultan, ndang meka na bangsa sarī bay pingkaꞌ magsultan ndooy ni Edom.

Galatiya 4:23

Kuwan anak Nabi Ibrahim ka ata na, bay pinamaddihan meꞌ kabiyasahan mimon danda du. Boꞌ anak na ka nda na ma saꞌ ata, tud kahaylan-haylan meꞌ na bay pinamaddihan. Iya bay pinamaddihan man Tuhan bay numan janjiꞌ na ni Nabi Ibrahim.

1 Pitel 3:6

Disu danda meꞌ looy ilay yana bay jaman Sitti Sara. Saꞌ ba, ngasip jaꞌ ya ni lla na, yana Nabi Ibrahim, sampay bay gi bilang na subay ga papuꞌ na? Na kaam karandahan ni batnaa, bong kam pauru ni hāp arat-tabiat Sitti Sara sampay yaꞌ kam kuhi takawum leꞌ tawu, malaingkan binilang na sina kam siga anak Sitti Sara.