Panagnaan 17:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

^1-2 Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Panagnaan 17:1 ပူးပေါင်းရင်းမြစ်များ

Panagnaan 12:1

Pag-anu, lay na baw magpalman Tuhan ni si Ibram, yuk na, “Mbanan nu na lahat nu ka ga kampung nu ka mimon jama lumaꞌ imuwa mmaꞌ nu. Pilay na ko pa lahat ma song pakitahan ku kau.

Panagnaan 12:7

Pag-anu siꞌ, tinammuhan na baw si Ibram meꞌ Tuhan, yuk na, “Ituu na situ lahat ma pamuwan ku ga panubuꞌ nu bbos-bbos.” Pag-anu, lay nambak si Ibram batu binuwat pangulbanan man na ngulban pa Tuhan batan ndooy man na bay tinammuhan meꞌ Tuhan.

Panagnaan 16:16

Jaman looy siꞌ, mag-umu na si Ibram umpuꞌ-nnom taun.

Panagnaan 18:1

Na disu llaw, jaman si Ibrahim maglahat ndooy ni bihing siga poon kayu mehe ni tanaꞌ si Mamre, lay na baw ya tinammuhan meꞌ Tuhan pabalik. Meꞌ tuu silay salsila na: Sasang si Ibrahim pahali-hali ni behe lawang lumaꞌ luna na ga tangngaꞌ llaw,

Panagnaan 18:14

Ongoy kanna bi, luu kina tunmanūn pa Tuhan? Baan ta kam banahan, pag beleng ku ina pitu ni taun tuu ma sinōng, ni buwan tuu du, ndang anakan na sina si Sara lalla.”

Panagnaan 24:40

“Pag tampung tuwan ku, ‘Daa ko susa. Luu du sina Tuhan ma inisbat meꞌ ku nabangan kau. Nohoꞌ du sina ya malaikat na duhuꞌ man kau nampulnaꞌ maksud nu.’ Maka yuk tuwan ku, ‘Nammu du sina ko danda ni kakampungan mmaꞌ ku man nu mahandān anak ku.

Panagnaan 26:2

Ndooy siꞌ, lay si Isahak tinammuhan meꞌ Tuhan, yuk na, “Daa na ko pawus pa Ejip. Nnoy-nnoy man nu sohoꞌ ku, nnaa na jaꞌ ko maglahat.

Panagnaan 28:3

Kamura-murahan sinupaatan du ko meꞌ Tuhan Sangat Kawasa supaya meka panubuꞌ nu. Maka kamura-murahan siga panubuꞌ nu dari poonan jinisan kabangsa-bangsahan.

Panagnaan 35:11

Maka yuk Tuhan niiya, “Aku na situ Tuhan Sangat Kawasa. Buwanan ta sina ko panubuꞌ lipat man lipat. Batan kau na sina mintu poonan disu bangsa balkanan sampay tabeꞌ na jinisan bangsa ningkaam. Maka luu du sina mintu siga sultan pōꞌ man siga panubuꞌ nu.”

Panagnaan 43:14

Kamura-murahan pinaluuy du lalla looy ningkaam meꞌ Tuhan Sangat Kawasa supaya pinapoleꞌ du si Simiyun sampay si Benjamin. Pasal aku, bong sipais bay kongoy-kongoy anak ku, san biddaꞌ na kasusahan ku, pooy-pooy na.”

Panagnaan 46:3

Yuk Tuhan, “Aku na situ Tuhan, ilooy ma bay sinumba meꞌ mmaꞌ nu. Daa na ko hanggaw pilay pa Ejip. Buwanan ta sa kam panubuꞌ paeka ngabut sampay man bi dari bangsa mehe ndooy.

Panagnaan 48:15

Pag-anu siꞌ, lay na si Israil makuhan ga anak si Yusup supaat, yuk na, “Ū Tuhan ku, kau ma bay inisbat meꞌ Boꞌ ku Ibrahim ka mmaꞌ ku si Isahak, kamura-murahan sinupaatan du ga anak-anak tuu meꞌ nu. Yana meꞌ nu bay nabang aku sampay bay ngunungan aku man kadikiꞌ ku sampay batnaa, kamura-murahan meꞌ looy du mintu meꞌ nu buwat sila.

Panagnaan 48:3

Pag-anu siꞌ, yuk si Yaꞌkub ni si Yusup, “Toꞌ, jaman ku ni Luz ndooy ni Kanan, lay ku tinammuhan meꞌ Tuhan Sangat Kawasa, boꞌ lay gi ku supaatan na.

Panagnaan 5:22

Paddus si Metusela bay pinamaddihan, lay gi pasampun umu si Idris tallu hatus taun sampay luu gi anak na sarī, danda-lalla. Na si Idris siꞌ tu, yaꞌ na bakkat meꞌ na lungbid ka Tuhan njawom tallu hatus taun looy.

Panagnaan 6:9

Na ituu batnaa yana salsila si Nū ka paglūng na. Iya ilay anakan tallu lalla, yana ga si Sem, si Ham, ka si Japet. Si Nū ilay jama intong, boꞌ lungbid lagi ka Tuhan. Ni mimon manusiyaꞌ taꞌ junyaꞌ jaman looy, isu-isu iya yaꞌ luu sutsutan njataꞌ na.

Matiyu 19:26

Pag-anu siꞌ, ilooy ma lay si Isa ngandaꞌ ninsila sambayan na halling, “Ndang tunmanūn sina meꞌ manusiyaꞌ nalamat dī da, sugaꞌ bong Tuhan, yaꞌ luu tunmanūn niiya.”

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Lukas 1:6

Ga si Jakariya siꞌ tu ka nda na intong ni mata Tuhan. Mmeꞌ jaꞌ sila ni siga saraꞌ ka panohoan Tuhan labbasakayi maka yaꞌ luu sutsutan njataꞌ da.

Salsila siga Rasul 23:1

Na luu jaꞌ siꞌ si Pol, lay doꞌ ya ngandaꞌ pa mman baanan Sanhidrin looy, boꞌ na mitsala ninsila, yuk na, “Siga mbuwaꞌ danganakan, labba man sibuwa ngabut sampay batnaa, yaꞌ situ ku bay buwat oy maka oy na bong bistahan ku maat ni mata Tuhan.”

Salsila siga Rasul 24:16

Sangkon sabuli-buli ku situ buwat mahap supaya tallak njawom honaꞌ-honaꞌ ku yaꞌ luu sutsutan njataꞌ ku pa Tuhan sampay ni pagkahi ku manusiyaꞌ.

Epesus 3:20

Pudji tabi Tuhan batan biddaꞌ na situ ehe kawasa na ni kaallum tabi. Ni kaehe kawasa na, takaya na nganduwan san labi gi man oy-oy paku tabi atawa oy-oy tapiki tabi.

Pilipi 4:13

batan man sabapan Papuꞌ Isa nganggaosan aku, yaꞌ luu saꞌ yaꞌ takaya ku.

Hibrani 12:28

Sangkon, pagka Tuhan bay matabeꞌ kitabi ni pamarinta na ma yaꞌ tajogjog, subay kitabi magsuku niiya sampay kinanna meꞌ tabi ehe aseꞌ na ningkitabi. Maka sumba tabi ya ni lanan magpataꞌ niiya, hati na, ni kaehe maltabat tabi ka tawu tabi niiya.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.