Panagnaan 15:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na si Ibram siꞌ tu, lay na jaꞌ pitsayaꞌ ni palman Tuhan. Pag ndaꞌ Tuhan meꞌ looy, lay si Ibram initung meꞌ na intong.

Panagnaan 15:6 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 4:11

Na danan na ilay bay sinohoꞌ ngislam mari luu sipat ni baran na ndang lai na ya initung intong sabap meꞌ na bay pitsayaꞌ ni palman Tuhan. Dari poonan man salsila Nabi Ibrahim, tahati tabi na kon jama initung intong, sabap meꞌ da pitsayaꞌ, saꞌ ga sabap meꞌ da bay inislam. Sangkon binilang na Nabi Ibrahim mmaꞌ mimon ma pitsayaꞌ ni Almasi, bay inislam atawa niyaꞌ. Batan saliꞌ-saliꞌ na du sila ngikut Nabi Ibrahim pitsayaꞌ.

Suwat si Pol pa mman Baanan Sukuꞌ si Isa ndooy ni Rom 4:9

Na ni hāl supaat njataꞌ jama ma lay pinuwasan dusa da, tilaw ta teꞌ kam, tuwaꞌ pa bangsa ma bay inislam sadjaꞌ kilay, atawa sampay pa siga bangsa ma yaꞌ bay inislam? Bong yaꞌ katoonan bi, supaat looy ilay para ni bangsa sikamimon. Mindoga jaꞌ kam ni salsila Nabi Ibrahim. Meꞌ bay halling sambat ku na siꞌ, kon na bay initung intong sabap meꞌ na bay pitsayaꞌ,

2 Korin 5:19

Dari meꞌ tuu situ umanat bay sohoꞌ Tuhan pinasampay ningkitabi: Njataꞌ kapatoy Almasi, ilooy na man Tuhan muwanan sikamimon manusiyaꞌ lawang man da mahap na niiya sampay yaꞌ na initung meꞌ na dusa da.

Hibrani 11:8

Damikiyan Nabi Ibrahim pun, sabapan pangando na pa Tuhan, lay jaꞌ du ya mmeꞌ ni panohoan Tuhan. Bay sohoꞌ Tuhan niiya, subay ya maglayin pa disu lahat ma bay njanjiꞌ meꞌ Tuhan pinamuwan niiya. Dari lay na jaꞌ ya ngambanan lahat na san yaꞌ gi bay tasayu na bong ninggai lahat looy man na bay tumiluꞌ.

Yaꞌkub 2:23

Ilooy ilay siꞌ hatiyan suwat looy njawom kitab, ilooy ma yuk na, “Lay pitsayaꞌ si Ibrahim ni palman Tuhan sampay ilooy na man na bay initung meꞌ Tuhan intong.” Boꞌ lay gi ya ginalla bagay Tuhan.