Panagnaan 15:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Maka ni waktu looy du siꞌ, lay na baw Tuhan bay nganjanjiꞌ ni si Ibram, yuk na, “Dean ku na sina mintu siga panubuꞌ nu mimon lahat tuu, labba man sōng ni bihing panggaan Ejip ngabut sampay pa Sōng Yupretes.

Panagnaan 15:18 ပူးပေါင်းရင်းမြစ်များ

Panagnaan 12:7

Pag-anu siꞌ, tinammuhan na baw si Ibram meꞌ Tuhan, yuk na, “Ituu na situ lahat ma pamuwan ku ga panubuꞌ nu bbos-bbos.” Pag-anu, lay nambak si Ibram batu binuwat pangulbanan man na ngulban pa Tuhan batan ndooy man na bay tinammuhan meꞌ Tuhan.

Panagnaan 13:15

Dean ku na sina mintu ningkau sampay na ga panubuꞌ nu mimon lahat tuu. Sagannap tanaꞌ ma takita nu satapus-tapus mata, kapakaam na sina mintu saumu.

Panagnaan 2:14

Senga ni katallu na yana Sōng Tigris ngaliyud huwin pa mataallaw man Asyul. Kuwan ilooy ma ni ka-mpat, Sōng Yupretes.

Panagnaan 24:7

batan tanaꞌ tuu itu yaꞌ taambanan. Lay na situ sapahan Tuhan ma magbayaꞌ ni sulgaꞌ ndean aku sampay ga panubuꞌ ku. Boꞌ iya silay mismu bay nohoꞌ aku pitu lakka man lahat lūng-kampung ku. Pag pilay nu ina mintu, Tuhan sa nampulnaꞌ palanan nu. Luu du sina mintu malaikat sohoꞌ Tuhan paruhuꞌ man kau. Iya sa nabangan kau mari tatammu nu danda man mahandān anak ku.

Panagnaan 26:4

Buwanan ta sa ko panubuꞌ meꞌ eka potean taꞌ langit. Maka dean ku sa sila mimon paglahat tuu. Bbos-bbos ina mimon kabangsa-bangsahan sinupaatan man sabapan panubuꞌ nu.

Panagnaan 28:4

Kamura-murahan labuꞌ pa kau na sampay ga panubuꞌ nu bay supaat njataꞌ Boꞌ nu Ibrahim mari kapakaam na paglahat tuu man tabi sampi. Ndang-ndang lay du situ njanjiꞌ leꞌ Tuhan tanaꞌ tuu ndean Boꞌ nu Ibrahim.”

Panagnaan 35:12

Maka yuk Tuhan, “Lahat tuu ma bay janjiꞌ ku ni Boꞌ nu Ibrahim ka mmaꞌ nu si Isahak, dean ku sina mintu ningkau sampay ga panubuꞌ nu.”

Panagnaan 50:24

Na tapit jaꞌ siꞌ kapatoy si Yusup, tugun na ni ga danganakan na, “Aku tu, yaꞌ na hallom matoy, sugaꞌ yaꞌ du sina kam pinabiya meꞌ Tuhan. Bbos-bbos binoo du sina ga panubuꞌ bi meꞌ Tuhan pa Kanan, lahat looy ma bay janjiꞌ Tuhan ni Boꞌ Ibrahim, Boꞌ Isahak, sampay ni Simmaꞌ.”

Salsila siga Rasul 7:5

Jaman looy ilay, yaꞌ gi bay buwanan Tuhan Boꞌ Ibrahim san dahakka tanaꞌ ni lahat tuu. Sugaꞌ ndang lay baw ya njanjian meꞌ Tuhan sampay na ga panubuꞌ na binuwanan mimon paglahat tuu san yaꞌ gi luu anak na.

Hibrani 13:20

Tuhan ina poonan kasannangan. Ni kaehe kawasa na, lay ya makallum Papuꞌ tabi si Isa. Dari si Isa na sina numbul satu tukang ngipat kitabi ma awnan na siga bili-bili na. Man sabapan lahaꞌ na bay tumpa, inaa na kasāhan ni pagsulutan bahau ma yaꞌ luu katapusan na antaraꞌ Tuhan ka sukuꞌ na.

Siga Pakaradjaan bay Pinalahil 9:14

Yuk suwara looy ni malaikat looy siꞌ ni ka-nnom ma bay niyup tabuliꞌ na, “Paddusan nu na malaikat looy sika-mpat ma pinusas ndooy ni bihing Sōng Yupretes.”