Panagnaan 13:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Ndang-ndang luha du paglahat tuu. Gam na kita sakkat. Meneꞌ na ko. Bong ko pa saddopan, aku pa mataallaw. Bong ko pa mataallaw, aku pa saddopan.”

Panagnaan 13:9 ပူးပေါင်းရင်းမြစ်များ

Panagnaan 13:10

Pag-anu, ilooy ma ngaliling na si Lut pa dambilaꞌ pa dambilaꞌ. Pag awop na pa kaluhān Labbak Juldan huwin pa daira inawnan Soal, ndaꞌ na mahap sambuhan katumbu-tumbuhan ndooy. Maka takita na na sukup boheꞌ lahat looy. Ni lilingan na subay ga tinanom-tinanom Tuhan atawa tanaꞌ ayad ni bihing Sōng Nayil ndooy ni Ejip. (Jaman looy ilay siꞌ, yaꞌ gi bay hinansu meꞌ Tuhan Sodom ka Gomora, yana siga daira ni labbak lahat looy.)

Panagnaan 13:8

Dari yuk si Ibram ni si Lut, “Toꞌ, kita itu anak-sipahanak. Daa subay na pin kita sasaꞌ. Yaꞌ sina sikatuwaꞌ wā sasaꞌ-manasaꞌ siga tindog ta meꞌ tuu.

Panagnaan 20:15

Pag lupus, yuk Sultan Abimalik man si Ibrahim, “Mamooy-mamooy katanaman nu man nu maglahat ni lahat tuu, meneꞌ jaꞌ ko, batan labbasakayi tanaꞌ lahat tuu, aku du dapu.”

Panagnaan 34:10

supaya njawom kasannangan jaꞌ kam maglahat ka kami ntuu ni lahat kami. Meneꞌ jaꞌ kam nnoy-nnoy katanaman bi maglahat. Pag-anu, boꞌ bi ngusaha na ntuu sampay malli tanaꞌ.”

Suwat si Pol pa mman Baanan Sukuꞌ si Isa ndooy ni Rom 12:18

Pagbuli-bulihan bi mogbogan kasalassayan ka mimon jama.

1 Korin 6:7

Baan ta kam banahan, bila kam sipalkalaꞌ-palkalaꞌ, tarang-tarang lay na sina kam takoleꞌ meꞌ sasat Ibilis. Sangkon, bong pagkahi bi buwat maat ningkaam atawa ngalupig kaam, pabiyahun bi sadjaꞌ. Gam na kam kuhi llupig.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.