Panagnaan 13:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Na yaꞌ gi siꞌ hallom, lay na baw maglayin ga si Ibram pa Hebron ni bihing siga poon kayu mehe njawom tanaꞌ si Mamre. Takka ndooy, lay du si Ibram nambak batu binuwat pangulbanan man na ngulban pa Tuhan.

Panagnaan 13:18 ပူးပေါင်းရင်းမြစ်များ

Panagnaan 13:4

Boꞌ ndooy na silay man si Ibram bay nambak batu binuwat pangulbanan maruhuꞌ. Dari ndooy siꞌ lay du si Ibram numba Tuhan pabalik.

Panagnaan 14:13

Lipara luu disu jama man Sodom bay kapatangkaw. Dari lay ya pilay pa mman si Ibram mahati lay tasungkub si Lut. Na si Ibram ilay, meꞌ jama ngawnan iya, “bangsa Hibrani looy.” Jaman looy siꞌ, maglahat ya ndooy ni tagan siga poon kayu mehe ni tanaꞌ si Mamre. Na si Mamre ilay bangsa Amol, magdanganakan ka si Eskol ka si Anel. Boꞌ sila ilay siꞌ ndang gapiꞌ ka si Ibram.

Panagnaan 18:1

Na disu llaw, jaman si Ibrahim maglahat ndooy ni bihing siga poon kayu mehe ni tanaꞌ si Mamre, lay na baw ya tinammuhan meꞌ Tuhan pabalik. Meꞌ tuu silay salsila na: Sasang si Ibrahim pahali-hali ni behe lawang lumaꞌ luna na ga tangngaꞌ llaw,

Panagnaan 22:9

Pag takka da pa lugar man na bay sohoꞌ Tuhan, lay na si Ibrahim nambak batu binuwat pangulbanan, boꞌ lay na susun-susun na ga kayu looy njataꞌ na. Pag-anu siꞌ, lay na ingkotan na si Isahak boꞌ na pinatannaꞌ taꞌ ga kayu looy.

Panagnaan 23:2

lay na ya matoy. Iya siꞌ bay makkat, ndooy ni Kiriyat-Alba yana daira ma pinag-awnan batnaa Hebron ndooy ni Kanan. Si Ibrahim baw siꞌ tu, nangis na jaꞌ maglinduhan iya.

Panagnaan 26:25

Dari ilooy ma lay si Isahak nambak batu binuwat pangulbanan ndooy, boꞌ na numba Tuhan. Maka ndooy na du man ga si Isahak bay matangge siga lumaꞌ luna da. Sampay ndooy na du man siga tindog na bay ngali tagaꞌ bahau.

Panagnaan 35:27

Pag-anu siꞌ, lay na palanja ga si Yaꞌkub pa lumaꞌ mmaꞌ na si Isahak ndooy ni Mamre, tapit pa Kiriyat-Alba, yana daira ma pinag-awnan Hebron ni batnaa. Maka ndooy na du silay man Boꞌ na Ibrahim bay maglahat.

Panagnaan 37:14

Tugun mmaꞌ na siꞌ, “Ndaun doꞌ bong mahap du kahalan ga siyaka nu ka ga baanan hayop tabi. Pag-anu, boꞌ nu moleꞌ maan aku.” Dari lay na ya lumān lakka man lumaꞌ da ni Labbak Hebron song pa Sekem.

Panagnaan 8:20

Pag-anu, lay na baw si Nū nambak batu binuwat pangulbanan boꞌ na numbaliꞌ disu njawom danjinis mimon manuk-manuk ka kahayop-hayopan ma halal, boꞌ da tinunu sinongan pa Tuhan.

1 Timuti 2:8

Na nnoy-nnoy jaꞌ man sukuꞌ si Isa kumpo-kumpo numba Tuhan, tugun ku ni kalallahan, subay tatantu da sutsiꞌ na kawul-piil da boꞌ angkat da tangan da maku duwaa. Subay yaꞌ luu lasu da atawa laat atay da ni jama.

Hibrani 11:9

Pag takka ga Nabi Ibrahim pa lahat looy, sabapan pangando na, pitsayaꞌ du ya ni janjiꞌ Tuhan song hallom kapaiya du lahat looy sampay ni siga panubuꞌ na. Damikiyan ilooy na du silay lahat bay janjiꞌ Tuhan ni anak Nabi Ibrahim, yana si Isahak, sampay ni mpu na si Yaꞌkub. Sugaꞌ san lay sinukuꞌ ni ga Nabi Ibrahim lahat looy, lay jaꞌ sila meꞌ karuha jama sampi ndooy tamban ni siga lumaꞌ luna.