Panagnaan 12:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Pag-anu siꞌ, tinammuhan na baw si Ibram meꞌ Tuhan, yuk na, “Ituu na situ lahat ma pamuwan ku ga panubuꞌ nu bbos-bbos.” Pag-anu, lay nambak si Ibram batu binuwat pangulbanan man na ngulban pa Tuhan batan ndooy man na bay tinammuhan meꞌ Tuhan.

Panagnaan 12:7 ပူးပေါင်းရင်းမြစ်များ

Panagnaan 12:8

Paddus mandooy, lay na baw ga si Ibram pilay pa kabuntuꞌ-buntuan huwin pa mataallaw ni sallangan duwa kawum inawnan Betel ka Eyay. Ndooy siꞌ, lay du si Ibram nambak batu binuwat pangulbanan, boꞌ na numba Tuhan.

Panagnaan 13:15

Dean ku na sina mintu ningkau sampay na ga panubuꞌ nu mimon lahat tuu. Sagannap tanaꞌ ma takita nu satapus-tapus mata, kapakaam na sina mintu saumu.

Panagnaan 13:17

Dawnun sa kaluhān lahat tuu sampay tahaꞌ na batan dean ku na sina mintu ningkau labbasakayi.”

Panagnaan 13:18

Na yaꞌ gi siꞌ hallom, lay na baw maglayin ga si Ibram pa Hebron ni bihing siga poon kayu mehe njawom tanaꞌ si Mamre. Takka ndooy, lay du si Ibram nambak batu binuwat pangulbanan man na ngulban pa Tuhan.

Panagnaan 13:4

Boꞌ ndooy na silay man si Ibram bay nambak batu binuwat pangulbanan maruhuꞌ. Dari ndooy siꞌ lay du si Ibram numba Tuhan pabalik.

Panagnaan 15:18

Maka ni waktu looy du siꞌ, lay na baw Tuhan bay nganjanjiꞌ ni si Ibram, yuk na, “Dean ku na sina mintu siga panubuꞌ nu mimon lahat tuu, labba man sōng ni bihing panggaan Ejip ngabut sampay pa Sōng Yupretes.

Panagnaan 17:1

Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Panagnaan 17:3

Pag takale si Ibram palman looy, lay ya sujud. Pag-anu yuk Tuhan niiya,

Panagnaan 17:8

Batnaa tu, masi gi ko jama sampi ntuu ni Kanan, sugaꞌ bbos-bbos lahat tuu labbasakayi dean ku na kau sampay na ga panubuꞌ nu. Kaam na sina mintu dapu saumu. Maka aku du sina mintu Tuhan ma mangatas ningkaam.”

Panagnaan 18:1

Na disu llaw, jaman si Ibrahim maglahat ndooy ni bihing siga poon kayu mehe ni tanaꞌ si Mamre, lay na baw ya tinammuhan meꞌ Tuhan pabalik. Meꞌ tuu silay salsila na: Sasang si Ibrahim pahali-hali ni behe lawang lumaꞌ luna na ga tangngaꞌ llaw,

Panagnaan 22:9

Pag takka da pa lugar man na bay sohoꞌ Tuhan, lay na si Ibrahim nambak batu binuwat pangulbanan, boꞌ lay na susun-susun na ga kayu looy njataꞌ na. Pag-anu siꞌ, lay na ingkotan na si Isahak boꞌ na pinatannaꞌ taꞌ ga kayu looy.

Panagnaan 24:7

batan tanaꞌ tuu itu yaꞌ taambanan. Lay na situ sapahan Tuhan ma magbayaꞌ ni sulgaꞌ ndean aku sampay ga panubuꞌ ku. Boꞌ iya silay mismu bay nohoꞌ aku pitu lakka man lahat lūng-kampung ku. Pag pilay nu ina mintu, Tuhan sa nampulnaꞌ palanan nu. Luu du sina mintu malaikat sohoꞌ Tuhan paruhuꞌ man kau. Iya sa nabangan kau mari tatammu nu danda man mahandān anak ku.

Panagnaan 26:25

Dari ilooy ma lay si Isahak nambak batu binuwat pangulbanan ndooy, boꞌ na numba Tuhan. Maka ndooy na du man ga si Isahak bay matangge siga lumaꞌ luna da. Sampay ndooy na du man siga tindog na bay ngali tagaꞌ bahau.

Panagnaan 26:3

Batnaa, ntuu na jaꞌ doꞌ ko maglahat. Unungan ta du sina ko maka supaatan ta sa ko. Dean ku sa kau sampay ga panubuꞌ nu lahat tuu labbasakayi. Batan bay janjiꞌ ku ma bay sapahan ku ni mmaꞌ nu labuꞌ pa kau na sina.

Panagnaan 28:13

Maka takita na na Papuꞌ nangge ni jataꞌ ni bihing kōk haron looy magpalman, yuk na, “Aku na situ Papuꞌ, yana Tuhan Boꞌ nu Ibrahim ka Tuhan mmaꞌ nu si Isahak. Tanaꞌ tuu man nu pabāk pamuwan ku na situ kau sampay na ga panubuꞌ nu bbos-bbos.

Panagnaan 28:4

Kamura-murahan labuꞌ pa kau na sampay ga panubuꞌ nu bay supaat njataꞌ Boꞌ nu Ibrahim mari kapakaam na paglahat tuu man tabi sampi. Ndang-ndang lay du situ njanjiꞌ leꞌ Tuhan tanaꞌ tuu ndean Boꞌ nu Ibrahim.”

Panagnaan 32:30

Yuk si Yaꞌkub, “Uy la, bay ku sitammu ka Tuhan balharapan, boꞌ masi gi ku bitu llum!” Dari lay awnan na lahat looy Peniyel, hatiyan na, “luwa Tuhan.”

Panagnaan 33:20

Ndooy siꞌ, lay na baw si Yaꞌkub nambak batu binuwat pangulbanan, boꞌ lay inawnan meꞌ na El Elohe Israil, hatiyan na, “Tuhan yana Tuhan ma sinumba meꞌ si Israil.”

Panagnaan 35:12

Maka yuk Tuhan, “Lahat tuu ma bay janjiꞌ ku ni Boꞌ nu Ibrahim ka mmaꞌ nu si Isahak, dean ku sina mintu ningkau sampay ga panubuꞌ nu.”

Panagnaan 35:7

Ndooy siꞌ, lay na du ya nambak batu binuwat pangulbanan. Sampay lay na baw awnan na lugar looy El Betel, batan ndooy na man Tuhan bay nammuhan iya jaman na bay malahiyan kakaꞌ na.

Panagnaan 50:24

Na tapit jaꞌ siꞌ kapatoy si Yusup, tugun na ni ga danganakan na, “Aku tu, yaꞌ na hallom matoy, sugaꞌ yaꞌ du sina kam pinabiya meꞌ Tuhan. Bbos-bbos binoo du sina ga panubuꞌ bi meꞌ Tuhan pa Kanan, lahat looy ma bay janjiꞌ Tuhan ni Boꞌ Ibrahim, Boꞌ Isahak, sampay ni Simmaꞌ.”

Panagnaan 8:20

Pag-anu, lay na baw si Nū nambak batu binuwat pangulbanan boꞌ na numbaliꞌ disu njawom danjinis mimon manuk-manuk ka kahayop-hayopan ma halal, boꞌ da tinunu sinongan pa Tuhan.

Salsila siga Rasul 7:5

Jaman looy ilay, yaꞌ gi bay buwanan Tuhan Boꞌ Ibrahim san dahakka tanaꞌ ni lahat tuu. Sugaꞌ ndang lay baw ya njanjian meꞌ Tuhan sampay na ga panubuꞌ na binuwanan mimon paglahat tuu san yaꞌ gi luu anak na.

Suwat si Pol pa mman Baanan Sukuꞌ si Isa ndooy ni Rom 9:8

Na si Isahak ilay man na bay dari anak Nabi Ibrahim poonan janjiꞌ Tuhan. Bay halling Tuhan ni Nabi Ibrahim, “Taun tuu ma sinōng, magkulang-labi ni buwan tuu, pabeleng du ku pitu. Pag taabut waktu looy ilay mintu, ndang anakan na sina si Sara lalla.” Na yana meꞌ si Isahak bay dari anak Nabi Ibrahim poonan janjiꞌ Tuhan, damikiyan sagannap ma initung anak Tuhan, meꞌ da bay dari anak na, sabapan janjiꞌ Tuhan du. Sangkon tahati tabi na saꞌ usuwan jama poonan man da initung anak Tuhan.

Galatiya 3:16

Meꞌ naa du sina karuha bay pagsulutan Tuhan ka Nabi Ibrahim. Yaꞌ du dari sinampunan atawa kinulangan. Hati na, janjiꞌ Tuhan ni pagsulutan da ka Nabi Ibrahim yaꞌ du tasampunan ka saraꞌ Nabi Musa ma bay pasunuꞌ paddus mpat hatus tallumpūꞌ taun. Na bong ina lay na baw sinampunan ka saraꞌ, malaingkan yaꞌ na sā pagsulutan Tuhan ka Nabi Ibrahim. Na njawom janjiꞌ Tuhan ni Nabi Ibrahim, yuk na, “Bbos-bbos mimon kabangsa-bangsahan sinupaatan man sabapan panubuꞌ nu.” Na jaman Tuhan ilay bay halling, “man sabapan panubuꞌ nu,” saꞌ silay ga panubuꞌ Nabi Ibrahim ma meka bay awnan Tuhan, arapun tuwaꞌ pa disu du panubuꞌ na, yana Almasi.

Galatiya 4:28

Na siga danganakan, kitabi itu lay dari anak Tuhan man sabapan janjiꞌ Tuhan bay kinapitsayaan meꞌ tabi. Sibuꞌ du karuha tabi ka si Isahak ma bay pinamaddihan man sabapan janjiꞌ Tuhan bay kinapitsayaan meꞌ Nabi Ibrahim.

Hibrani 11:13

Na ga Nabi Ibrahim ilay ka ga anak-mpu na mangando na pin pa Tuhan ngabut sampay da bay matoy san yaꞌ gi bay takoleꞌ da ilooy ma bay njanjiꞌ meꞌ Tuhan ninsila. Sugaꞌ gāk baw sila batan tabista da bbos-bbos takoleꞌ da ilooy ma bay agad da. Sangkon meꞌ da ngingat, jama sampi sadjaꞌ sila pahās jaꞌ ni junyaꞌ tuu.

Hibrani 11:8

Damikiyan Nabi Ibrahim pun, sabapan pangando na pa Tuhan, lay jaꞌ du ya mmeꞌ ni panohoan Tuhan. Bay sohoꞌ Tuhan niiya, subay ya maglayin pa disu lahat ma bay njanjiꞌ meꞌ Tuhan pinamuwan niiya. Dari lay na jaꞌ ya ngambanan lahat na san yaꞌ gi bay tasayu na bong ninggai lahat looy man na bay tumiluꞌ.