Panagnaan 12:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Ndooy siꞌ, lay sila patiluꞌ pa daira inawnan Sekem. Takka ndooy, lay sila patagong ni bihing kayu mehe ma tanyag njawom tanaꞌ disu lalla inawnan si More. Sampay ndooy na man da bay matangge siga lumaꞌ luna da. Jaman looy siꞌ, lahat looy bay pinaglahatan meꞌ siga bangsa panubuꞌ si Kanan.

Panagnaan 12:6 ပူးပေါင်းရင်းမြစ်များ

Panagnaan 10:15

Na kuwan anak si Ham yana si Kanan, meka du anak na lalla. Anak na ma siyaka yana si Saydon, boꞌ pasunuꞌ si Hīt. Sila ilay siꞌ yana poonan duwa bangsa ma bay kinaddoꞌ man awon da.

Panagnaan 13:7

Boꞌ na, sasaꞌ-manasaꞌ na ga tukang ngipat ga hayop si Ibram ka ni si Lut. Sarī gi, ndang luu gi ndooy kahayop-hayopan bangsa Kanan ka bangsa Peris ma ndang maglahat ndooy.

Panagnaan 33:18

Na hallom maka hallom na, lay na baw ga si Yaꞌkub palakka man Sukkot maglayin pilay pa daira inawnan Sekem ndooy ni Kanan. Ni bay kalakka da man Paddan-Aram ngabut sampay katakka da pa Sekem, yaꞌ du sila bay kongoy-kongoy. Ndooy siꞌ, lay na sila matangge ga lumaꞌ luna da ni poan daira looy.

Panagnaan 34:2

Ndooy siꞌ luu du si Sekem. Iya ilay siꞌ disu subul bangsa Hīb, maka mmaꞌ na yana si Hamol, panghuluꞌ ni lahat looy. Pag lay takita si Sekem si Dayna, lay longkop na sampay lay na ga jamaan na.

Panagnaan 34:30

Pag tasayu jaꞌ meꞌ si Yaꞌkub, tud lingog kōk na, maka yuk na man si Simiyun ka si Libay, “Binasa na situ ku meꞌ bi. Sabapan bi, labba man batnaa, dugahan na niyaku bangsa Kanan ka bangsa Peris sampay soysoy na pin maglahat ni lahat tuu. Boꞌ yaꞌ san ga meka jama ku. Bong mintu kitabi bay pinagtabang-tabangan binonoꞌ meꞌ da, hansu na situ kitabi dampalūng.”

Panagnaan 35:4

Pag-anu siꞌ, lay na pa-ntan da mimon tuhan-tuhan da sampay ga anting-anting man da magjimat pa mman si Yaꞌkub. Luu jaꞌ siꞌ mman na, lay na labbong na ni diyoꞌ poon kayu mehe ndooy ni Sekem.

Yahiya 4:5

Ndooy siꞌ ni Samariya, lay na sila nakka pa bihing disu daira inawnan Saykal, tapit pa tanaꞌ ma bay ndean meꞌ Nabi Yaꞌkub ni anak na si Yusup maruhuꞌ-ruhuꞌ.

Salsila siga Rasul 7:16

Sugaꞌ mayat da bay gi du baw binoo pabeleng pa bay paglahat da ndooy ni Sekem. Pag-anu, boꞌ da kinubu ni tanaꞌ bay binalli meꞌ Boꞌ Ibrahim man ga anak si Hamol maruhuꞌ-ruhuꞌ.

Hibrani 11:9

Pag takka ga Nabi Ibrahim pa lahat looy, sabapan pangando na, pitsayaꞌ du ya ni janjiꞌ Tuhan song hallom kapaiya du lahat looy sampay ni siga panubuꞌ na. Damikiyan ilooy na du silay lahat bay janjiꞌ Tuhan ni anak Nabi Ibrahim, yana si Isahak, sampay ni mpu na si Yaꞌkub. Sugaꞌ san lay sinukuꞌ ni ga Nabi Ibrahim lahat looy, lay jaꞌ sila meꞌ karuha jama sampi ndooy tamban ni siga lumaꞌ luna.