Panagnaan 12:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

^4-5 Dari siꞌ, lay na jaꞌ si Ibram ngasip ni panohoan Tuhan sampay lay na ya palakka man Haran. Jaman looy siꞌ, pitumpuꞌ-liman taun na umu si Ibram. Pag lakka na, lay boo na nda na si Saray ka kamanakan na si Lut sampay mimon tindog na ka altaꞌ na ma bay tausaha na halloman da ndooy ni Haran. Pag-anu siꞌ, lay na sila takka pa Kanan.

Panagnaan 12:4 ပူးပေါင်းရင်းမြစ်များ

Panagnaan 11:31

Hallom maka hallom na, lay na baw palakka ga si Tera man Ul ndooy ni lahat bangsa Kaldiya. Lakka mandooy, maksud da maglayin pa Kanan. Ilooy siꞌ bay boo si Tera yana anak na si Ibram ka iwan na si Saray, sampay mpu na si Lut, yana anak si Haran. Sugaꞌ pag taabut ga si Tera daira inawnan Haran, lay na sila pasangkod ndooy.

Panagnaan 13:5

Kuwan si Lut siꞌ tu ma bay mmeꞌ ni si Ibram padisu-padisu lahat, meka du baanan ga bili-bili na, ga kambing na, sampay ga sapiꞌ na. Maka meka na du lumaꞌ luna na para anak-nda na sampay mimon tindog na.

Panagnaan 16:16

Jaman looy siꞌ, mag-umu na si Ibram umpuꞌ-nnom taun.

Panagnaan 16:3

Sampay lai na pa-ntan si Saray ata na ni lla na nohoꞌ binuwat nda. Ilooy siꞌ bay magkadarihan meꞌ looy luu na sapun taun bay pingkaꞌ halloman ga si Ibram bay maglahat ndooy ni Kanan.

Panagnaan 25:7

Na pag taabut dahatus pitumpūꞌ taun umu si Ibrahim, lay na ya patuhut ni kabboꞌ-bboan na ndooy ni ahirat. Sangkad na toa na, maka iya ilay bay matoy njawom kasannangan atay.

Panagnaan 28:10

Kuwan si Yaꞌkub siꞌ tu, pag lakka na man paglahat induꞌ-mmaꞌ na ndooy ni Beel-Siba, lay na ya patiluꞌ pa Haran.

Salsila siga Rasul 7:4

“Dari lay na mbanan ga Boꞌ Ibrahim lahat bangsa Kaldiya sampay lay na sila maglayin pa Haran. Na lay jaꞌ siꞌ matoy mmaꞌ Boꞌ Ibrahim ndooy, lay na Boꞌ Ibrahim pinapawus meꞌ Tuhan pitu pa lahat man tabi maglahat batnaa.

Hibrani 11:8

Damikiyan Nabi Ibrahim pun, sabapan pangando na pa Tuhan, lay jaꞌ du ya mmeꞌ ni panohoan Tuhan. Bay sohoꞌ Tuhan niiya, subay ya maglayin pa disu lahat ma bay njanjiꞌ meꞌ Tuhan pinamuwan niiya. Dari lay na jaꞌ ya ngambanan lahat na san yaꞌ gi bay tasayu na bong ninggai lahat looy man na bay tumiluꞌ.

Hibrani 6:15

Dari siꞌ, pagka yaꞌ bay kuhi jamu Nabi Ibrahim pitsayaꞌ san ya bay hallom ngagad, lay du bay takoleꞌ na ilooy ma bay njanjiꞌ niiya.