Panagnaan 11:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Hallom maka hallom na, lay na baw palakka ga si Tera man Ul ndooy ni lahat bangsa Kaldiya. Lakka mandooy, maksud da maglayin pa Kanan. Ilooy siꞌ bay boo si Tera yana anak na si Ibram ka iwan na si Saray, sampay mpu na si Lut, yana anak si Haran. Sugaꞌ pag taabut ga si Tera daira inawnan Haran, lay na sila pasangkod ndooy.

Panagnaan 11:31 ပူးပေါင်းရင်းမြစ်များ

Panagnaan 10:19

Dari paglahat da ngabut sampay Saydon huwin pa uttaraꞌ boꞌ lay gi ngabut pa Geral ka Gasa huwin pa sātan. Huwin pa mataallaw, lay ngabut pa siga daira inawnan Sodom, Gomora, Adma, Seboyim sampay song pilay pa Lasiya.

Panagnaan 11:32

Maka ndooy na man si Tera bay matoy pag taabut duwa hatus liman taun umu na.

Panagnaan 12:4

Dari siꞌ, lay na jaꞌ si Ibram ngasip ni panohoan Tuhan sampay lay na ya palakka man Haran. Jaman looy siꞌ, pitumpuꞌ-liman taun na umu si Ibram. Pag lakka na, lay boo na nda na si Saray ka kamanakan na si Lut sampay mimon tindog na ka altaꞌ na ma bay tausaha na halloman da ndooy ni Haran. Pag-anu siꞌ, lay na sila takka pa Kanan.

Panagnaan 14:12

Si Lut pun, kamanakan si Ibram, lay du talapay binoo sabap luu du ya maglahat ndooy ni Sodom. Altaꞌ na pun, lay du kaddoꞌ da.

Panagnaan 15:7

Maka yuk Tuhan niiya, “Aku na situ Papuꞌ, yana ilooy ma bay nohoꞌ kau pitu lakka man Ul ni lahat bangsa Kaldiya supaya tadean ku kau lahat tuu.”

Panagnaan 24:10

Pag-anu, lay na ngaddoꞌ tindog looy siꞌ untaꞌ si Ibrahim sapū, boꞌ inuwanan meꞌ na altaꞌ ma hagaꞌ-hagaan jaꞌ man na nong buwan. Dari lay na ya lakka ka ga soheꞌ na song pilay pa bay paglahat si Ibrahim. Pag takka da pa Aram-Naharaim, lay sila patiluꞌ pa daira man si Nahol, yana danganakan si Ibrahim.

Panagnaan 24:15

Na yaꞌ gi san siꞌ lupus lalla looy maku duwaa, luu na pōꞌ disu budjang manangkit kibut. Awon na si Ribeka. Mmaꞌ na yana si Betuwel, anak si Nahol ka nda na si Milka. Kuwan si Nahol, yana danganakan si Ibrahim.

Panagnaan 27:43

Sangkon batnaa Toꞌ, amay-amay asipun jaꞌ ku. Deꞌ-dēꞌ na ko lahi pilay pa paglahat danganakan ku, yana Paꞌ nu Laban ndooy ni Haran.

Panagnaan 28:10

Kuwan si Yaꞌkub siꞌ tu, pag lakka na man paglahat induꞌ-mmaꞌ na ndooy ni Beel-Siba, lay na ya patiluꞌ pa Haran.

Hibrani 11:8

Damikiyan Nabi Ibrahim pun, sabapan pangando na pa Tuhan, lay jaꞌ du ya mmeꞌ ni panohoan Tuhan. Bay sohoꞌ Tuhan niiya, subay ya maglayin pa disu lahat ma bay njanjiꞌ meꞌ Tuhan pinamuwan niiya. Dari lay na jaꞌ ya ngambanan lahat na san yaꞌ gi bay tasayu na bong ninggai lahat looy man na bay tumiluꞌ.