Panagnaan 11:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

^3-4 Song hallom, lay na baw sila isun, yuk da, “Buwat teꞌ la tabi daira mehe ddas ka disu lumaꞌ langkaw banahan gantaꞌ ngabut sampay pa taꞌ langit. Meꞌ looy ilay, tanyag na awon tabi ni sikaliput junyaꞌ. Boꞌ yaꞌ na kitabi magkanatan ni sikaliput junyaꞌ. Anu kam, ngaddoꞌ tabi pesak boꞌ pinasuꞌ man buwat halo-blak paeka. Lahat tuu tu, kulang eka batu man tabi buwat.” Dari siꞌ, yaꞌ na taambat halo-blak bay pabuwat da. Meꞌ da bay nangon, lay kinanjiꞌ ka kitlan palikot.

Panagnaan 11:3 ပူးပေါင်းရင်းမြစ်များ

Panagnaan 11:7

Anu kam, duwai doꞌ kitabi ngahalin pallun da mari meka na jinisan pallun da. Meꞌ looy ilay, yaꞌ na sila sikahati-kahati.”

Panagnaan 14:10

Na ni Labbak Siddim ilay siꞌ, meka lowang pannoꞌ leꞌ kitlan. Dari pag magsonsehan ga siga sundalu ga sultan man Sodom ka Gomora song pa kapunu-punuhan, kasohean lay labuꞌ pa jawom siga lowang kitlan ndooy. Sugaꞌ kuwan kasohean, lay baw bay kapassut pa kapunu-punuhan.

Hibrani 10:24

Sarī man naa siga danganakan, subay kitabi basag sipaintom-paintom mari pasōng na pin meꞌ tabi sikaaseꞌ-kaaseꞌ sampay buwat kaayaran.

Hibrani 3:13

Sangkon llaw pa dangallaw, padpad luu gi waktu, sipaintom-paintom na pin kam supaya kam yaꞌ tadupang meꞌ napsu bi sampay man bi kapagdusa. Ilagan bi dī bi taggahaꞌ patohas na baw kōk bi sampay man bi yaꞌ na kuhi mean kahandak Tuhan.

Yaꞌkub 4:13

Na adakala mintu ngabbu na baw kam pasal kaadaan bi ni sinōng. Pakale doꞌ kam. Kasohean ina, yuk da, “Sumawung atawa murambuwaꞌ lome doꞌ kami pa disu daira ngusaha. Ndooy na doꞌ kami dantaun maglitu, boꞌ kami magkadayahan.”

Yaꞌkub 5:1

Na kuwan kaam ma dayahan ma mumpung altaꞌ para ni dī bi sadjaꞌ, ituu bitsala ku ningkaam. Subay kam magtangisan sampay mag-ulawi sabapan kamalasahiyan ma song takka pa mman bi bbos-bbos.