Panagnaan 1:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Dari ilooy ma lay na Tuhan mapayak manusiyaꞌ meꞌ limbagan na du. Bay pinapayak meꞌ na lalla ka danda.

Panagnaan 1:27 ပူးပေါင်းရင်းမြစ်များ

Panagnaan 2:18

Pus meꞌ looy siꞌ, yuk Tuhan, “Yaꞌ situ mahap bong lalla tuu dangan-dangan na du. Sangkon buwatan ku doꞌ ya limbang ma sikatawop ka iya ma katabang niiya.”

Panagnaan 2:7

Na meꞌ Tuhan bay mapayak manusiyaꞌ meꞌ tuu: Lay ya ngaddoꞌ tanaꞌ, boꞌ pinuta meꞌ na binuwat baran lalla. Pag lupus, boꞌ pinahuwa meꞌ Tuhan napas na pa jawom sammo lalla looy binuwanan nyawa. Dari ilooy ma llum du lalla looy.

Matiyu 19:4

Tampung si Isa ninsila, “Ongoy, yaꞌ kam kina bay matsa jawom kitab jaman Tuhan bay mapayak manusiyaꞌ? Lay silay ya buwat disu lalla ka disu danda.

Malkus 10:6

Sugaꞌ bong siꞌ bay intom bi, jaman Tuhan mapayak mimon-mimon, meꞌ na bay mapayak manusiyaꞌ disu lalla ka disu danda supaya sila sitampu.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 4:24

Sangkon ni hāl pagkajama bi ma bahau, ndang lay na du kam binaan, bong ibaratan badjuꞌ sutsiꞌ, patukun bi na. Batan lay na kam buwanan Tuhan kaallum bahau supaya kam meꞌ karuha iya na du sabana-bana intong ka sutsiꞌ.

Kolossa 1:15

Na Tuhan ina yaꞌ takita, sugaꞌ man sabapan si Isa Almasi, sibuꞌ na du ka takita tabi arat-tabiat Tuhan ka kawasa na. Batan si Isa ina pulnaꞌ limbagan Tuhan. Maka ginalla du ya Anak Siyaka sabap iya ngantanan kawasa-kapatut njataꞌ mimon ma bay pinapayak.

Kolossa 1:26

Umanat Tuhan ina, yana pasal ladjikiꞌ ma bay llimbuhan man manusiyaꞌ ni siga angkat-angkatan maruhuꞌ. Sugaꞌ pag batnaa, luu na bay pinalahil ni sukuꞌ Tuhan.

Kolossa 3:10

sampay lay na saynan bi ka pagkajama bahau. Dari mangkin pasōng pangahati bi ni ilooy ma bay mapayak kaam, mangkin magsasōng na pin meꞌ arat-tabiat bi hinalin ngkod-ngkoran yaꞌ gi taabut bi arat-tabiat na.