Panagnaan 1:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Pag-anu, magpalman na baw Tuhan, yuk na, “Subay situ luu jinisan balnyawa taꞌ gumi, yana kahayop-hayopan ma inipat ka ga sattuwa tawun sampay siga balnyawa ma palele taꞌ gumi.” Dari siꞌ, lai du magjatu.

Panagnaan 1:24 ပူးပေါင်းရင်းမြစ်များ

Panagnaan 1:23

Pag bay pingkaꞌ sangom, pag taabut sayu, ilooy na ni kalima ngallaw na.

Panagnaan 2:19

Sugaꞌ halloman Tuhan yaꞌ gi bay mapayak lalla looy ka limbang na siꞌ, ndang lay na ya muta tanaꞌ binuwat baran mimon jinisan sattuwa sampay kahayop-hayopan ka ga manuk-manuk. Na pag luu jaꞌ siꞌ lalla looy bay pinapayak, mimon jinisan balnyawa looy siꞌ lay na baw boo Tuhan pa mman na, boꞌ nohoꞌ inawnan jinisan da saliꞌ-saliꞌ. Honaꞌ-honaꞌ Tuhan, “Oy-oy man lalla looy ngawon, ilooy na awon jinisan da.”

Panagnaan 6:20

Pōꞌ du sina mintu pa mman nu dampasangan jawom danjinis mimon kahayop-hayopan ka sattuwa sampay ga manuk-manuk ka mimon balnyawa ma palele taꞌ gumi mari yaꞌ lungay jinisan da.

Panagnaan 8:19

Maka lay na du pōꞌ mimon jinisan ga kahayop-hayopan ka siga balnyawa ma palele taꞌ gumi sampay ga manuk-manuk. Sila siꞌ bay pōꞌ kaniya-kaniya ka jinisan pasangan da.