Panagnaan 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ni panagnaan, lay pinapayak meꞌ Tuhan junyaꞌ ka langit.

Panagnaan 1:1 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Malkus 13:19

Batan biddaꞌ na silay mintu kamalasahiyan ma labuꞌ taꞌ manusiyaꞌ pag taabut meꞌ looy. Kamalasahiyan meꞌ looy ilay mintu, yaꞌ gi luu manusiyaꞌ bay ngissa labba man jaman Tuhan bay mapayak junyaꞌ tuu sampay batnaa. Kahapan yaꞌ na du baw lay kabalikan saumu.

Salsila siga Rasul 14:15

“Kaam sikamimon, ongoy kam magtuhan ningkami? Kami itu manusiyaꞌ jaꞌ meꞌ kaam du. Kami itu pitu masaplagan kaam jaꞌ umanat mahap pasal Tuhan sabanna ma llum saumu-umu. Iya na silay bay mapayak gumi ka langit sampay dilawut ka mimon-mimon isi da. Kahandak na ina, tikutan bi na siga tuhan bi. Ndang-ndang yaꞌ du silay luu kawasa da nabang kaam.

Salsila siga Rasul 17:24

Iya na sina Tuhan ma bay mapayak junyaꞌ sampay mimon isi na pa jawom, pa poan. Iya na Magbayaꞌ ni mimon-mimon taꞌ babaw junyaꞌ sampay ni sulgaꞌ. Yaꞌ ya maglumaꞌ ni siga langga ma bay jaꞌ pinabuwat meꞌ manusiyaꞌ.

Salsila siga Rasul 4:24

Lay jaꞌ siꞌ sila katuntutan, ilooy ma lay sila kumpo maku duwaa pa Tuhan, yuk da, “Papuꞌ, Sangat Kawasa, ma bay mapayak gumi ka langit sampay na dilawut ka mimon-mimon njawom da,

Suwat si Pol pa mman Baanan Sukuꞌ si Isa ndooy ni Rom 11:36

Kon na ilay meꞌ looy batan mimon-mimon lakka man Tuhan. Maka iya magbayaan labbasakayi. Maksud mimon-mimon bay pinapayak supaya labbasakayi kaboo kabantugan niiya. Sangkon, subay ya pinudji saumu-umu. Amin.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

Epesus 3:9

Boꞌ lay gi ku sinohoꞌ meꞌ ilooy ma bay mapayak mimon-mimon, yana Tuhan, mahatiyan jama garaꞌ na ma bay llimbuhan maruhuꞌ.

Hibrani 1:10

Maka luu gi bay halling njawom kitab pasal Anak Tuhan, ilooy ma yuk na, “Papuꞌ, ndang katoonan ku kau bay mapayak junyaꞌ ka mimon taꞌ langit ka tangan nu.

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.

Hibrani 3:4

Yaꞌ sina luu lumaꞌ bong yaꞌ luu tukang matangge. Damikiyan, yaꞌ du luu oy maka oy na bong saꞌ Tuhan bay mapayak ka palman na.

2 Pitel 3:5

Sugaꞌ siga pangaludjum meꞌ looy ilay, tahadjaꞌ da lupa. Ndang katoonan da du ngkon luu langit sabap Tuhan bay magpalman. Damikiyan, katoonan da du ngkon gumi bay mantuk sampay timbul man jawom boheꞌ man sabapan palman Tuhan du.

1 Yahiya 1:1

Itu suwat ku ningkaam pasal si Isa Almasi, yana Palman Tuhan ma nampulnaꞌ nyawa manusiyaꞌ saumu-umu. Yaꞌ gi luu oy maka oy na, ndang luu na ya mman Mmaꞌ na Tuhan. Pag-anu, lay ya dari manusiyaꞌ sampay bay maglahat ntuu ni junyaꞌ. Maka lay gi ya takita kami ka mata kami ma duwa. Damikiyan, lay du ya takale kami mitsala. Maka lay gi ya tapurut kami ka tangan kami mismu.

Siga Pakaradjaan bay Pinalahil 10:6

napa, yuk na, “Sapahan ku ni awon Tuhan sabanna ma llum saumu-umu, ma bay mapayak gumi, langit, ka dilawut sampay mimon njawom da, basta yaꞌ na situ llantan garaꞌ Tuhan magjatu na.

Siga Pakaradjaan bay Pinalahil 14:7

Dari lay ya ngahowap, yuk na, “Isbatun bi Tuhan maka pudjihun bi ya, batan taabut na situ waktu man na ngahukum mimon manusiyaꞌ. Meꞌ iya bay mapayak gumi ka langit, dilawut ka mimon poon boheꞌ langngin, sumbahun bi ya.”

Siga Pakaradjaan bay Pinalahil 21:6

Maka yuk na lagi, “Magjatu na situ mimon ma bay ginantaꞌ meꞌ ku. Aku itu Alpa ka Omega, yana panagnaan ka katapusan mimon-mimon. Soysoy tohoꞌ kallong na, painum ku boheꞌ man poon boheꞌ looy ma muwan kaallum ma yaꞌ luu katapusan na. Boꞌ boheꞌ looy ilay libre jaꞌ, san yaꞌ na luu bayad na.

Siga Pakaradjaan bay Pinalahil 22:13

Aku itu Alpa ka Omega. Aku na situ ilooy ma duhuꞌ-duhuꞌ ka ilooy ma dambuli banahan. Aku yana panagnaan ka katapusan ni mimon-mimon.

Siga Pakaradjaan bay Pinalahil 3:14

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Leyodisiya. Bong ko nuwat, yuk nu meꞌ tuu, “Bitsala tuu lakka man ilooy ma ginalla Amin, yana ilooy ma kanaalla maka taasahan masampay kabanahan pasal Tuhan. Iya na sina man Tuhan bay mapayak mimon-mimon. Yuk na meꞌ tuu,

Siga Pakaradjaan bay Pinalahil 4:11

“Kau ina Papuꞌ kami maka Tuhan kami. Tawop ko binuwanan pudji ka kabantugan mehe. Kau Sangat Kawasa batan kau bay mapayak mimon-mimon. Yaꞌ luu oy maka oy na bong saꞌ man kahandak nu.”