Matiyu 9:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Pag takita leꞌ baanan jama lundooy, takkahan tawu na sila sampay mudji na ga sila Tuhan sabap meꞌ na bay muwanan manusiyaꞌ kapatut meꞌ looy siꞌ.

Matiyu 9:8 ပူးပေါင်းရင်းမြစ်များ

Matiyu 12:23

Pag ndaꞌ siga baanan jama ndooy pabuwatan si Isa, ilooy ma tud inu-inu sila labbasakayi sampay yuk dangan-padangan, “Batiꞌ ta iya na panubuꞌ Sultan Daud ilooy ma bay njanjiꞌ meꞌ Tuhan pinapitu.”

Matiyu 15:31

Pag takita leꞌ baanan jama ndooy ga jama bay umaw kabitsala na, ma pengkol ka tongkaꞌ kapalān na paayad, maka jama buta ngita na, tud bay haylan sila. Dari lay na ga sila mudji Tuhan. Yuk da, “Pudji tabi Tuhan bangsa Israil.”

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Matiyu 9:7

Dari magti du nangge lalla looy boꞌ na moleꞌ.

Malkus 2:12

Dari magti du nangge lalla looy boꞌ na mūt patulihan na sampay lay na pōꞌ ni pag-awpan da labbasakayi. Mimon siꞌ ndooy tud bay haylan sampay mudji na ga sila Tuhan, maka yuk da, “Yaꞌ gi kitabi la bay pingkaꞌ ngita meꞌ tuu!”

Malkus 7:37

Dari siꞌ, sagannap ma bay kaaka, biddaꞌ na haylan da sampay yuk da, “Mimon ma pabuwat na, yaꞌ luu saꞌ yaꞌ mahap. Minsan jama ma yaꞌ kale atawa yaꞌ kabitsala, kaulian na du meꞌ na.”

Lukas 17:15

Kuwan disu ninsila, pag ndaꞌ na kaulian na ya, lay doꞌ magti pabeleng sambayan na sigi-sigi ngahowap muwan pudji pa Tuhan.

Lukas 17:18

Ongoy itu lalla tuu sa bay pabeleng pitu muwan pudji pa Tuhan? Boꞌ saꞌ gi ga ya bangsa Yahudi!”

Lukas 18:43

Dari siꞌ, sarunduun du ya ngita sampay lay na ya mmeꞌ ni ga si Isa sambayan na mudji Tuhan. Pag ndaꞌ baanan jama ndooy meꞌ looy, lay na du sila mmeꞌ mudji Tuhan.

Lukas 2:20

Pag-anu, lay na pabeleng ga tukang ngipat bili-bili looy siꞌ pa baanan ipatan da. Lān da siꞌ pilay, bbuwatan da maehe Tuhan ka mudji iya sabapan mimon ma bay tasakup da. Mimon ilay siꞌ ma bay takita da, sikatuwaꞌ jaꞌ banahan ka bay umanat malaikat looy siꞌ.

Lukas 23:47

Na pag takita kapitan sundalu bangsa Rom meꞌ looy bay kadari si Isa, kapamudji na ga ya Tuhan, maka yuk na, “Tud bana du la lalla tuu yaꞌ magdusa.”

Lukas 7:16

Pag takita leꞌ baanan jama ndooy, takkahan tawu na sila labbasakayi sampay mudji na ga sila Tuhan, yuk da, “Luu na bitu Tuhan pitu nabang kitabi sukuꞌ na. Batan luu na bay papitu na disu nabi biddaꞌ na ehe kawasa na pa mman tabi.”

Yahiya 15:8

Bong ina kam buwat kahandak Mmaꞌ ku, malaingkan sibuꞌ du karuha bi ka engas buwaꞌ paeka. Boꞌ na, kaboo gi kam kabantugan mehe niiya, maka tumatandaꞌ na kaam siga mulit ku.

Salsila siga Rasul 11:18

Pag bay takale meꞌ siga Yahudi looy tuntut si Pitel, bohoꞌ da lay na patagong nahawi. Pag-anu, boꞌ da mudji Tuhan. Maka yuk da, “Bong bilay meꞌ looy, lay na du hati buwanan Tuhan ga bangsa saꞌ Yahudi lawang man da nawbatan dusa da supaya sila koleꞌ na du kasampulnaan nyawa saumu-umu.”

Salsila siga Rasul 21:20

Pag lay jaꞌ takale ga si Yaꞌkub tuntut si Pol, lay na sila mudji Tuhan. Sugaꞌ yuk da ni si Pol, “Mbuwaꞌ danganakan, katoonan nu na du libuhan na pagkahi tabi Yahudi pitsayaꞌ na ni Papuꞌ Isa. Sugaꞌ mimon sila masi basag banahan mogbogan saraꞌ Nabi Musa.

Salsila siga Rasul 4:21

Kuwan siga pa-mmean looy baw siꞌ tu, amu-amu lagi nanggupan si Pitel ka si Yahiya. Sugaꞌ song hallom, lay du sila llabbahan. San sila doman midjalaꞌ ga si Pitel, hanggaw du sila, taggahaꞌ hiluhalaꞌ na baw baanan ga jama ndooy. Batan mimon jama ndooy muwan na pudji pa Tuhan sabapan pabuwatan kahaylan-haylan looy siꞌ bay tasakup da.

2 Korin 9:13

Batan pag ina mintu takita siga danganakan tabi ndooy ni Yahudiya hāp arat bi bay basag nulung ninsila sampay ni mimon jama, mudji na sila Tuhan. Boꞌ ilooy na silay mintu buktiꞌ mehe ninsila tud bana-bana du kam mean umanat mahap pasal Almasi.

Galatiya 1:24

Dari sabap habal looy siꞌ, lay na ga sila mudji Tuhan sabapan ku.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.