Matiyu 9:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na supaya katoonan bi luu kapatut Anak Manusiyaꞌ muwasan dusa, pakitahan ta doꞌ kam buktiꞌ.” Dari yuk na ni lalla looy ma matoy baran na, “Nges, nangge na ko, boꞌ boonun na patulihan nu moleꞌ.”

Matiyu 9:6 ပူးပေါင်းရင်းမြစ်များ

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 8:20

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Matiyu 9:2

Pag-anu, luu na baw lalla matoy baran na lay llanggung ka patulihan na pa mman si Isa. Pag ndaꞌ si Isa meꞌ looy na basag pangando da niiya, yuk na ni lalla looy ma matoy baran na, “Daa ko susa Nges, puwas na sina dusa nu labbasakayi.”

Matiyu 9:5

Sugaꞌ subay siꞌ tabista bi pagka luu kawasa-kapatut ku ngulian jama, mastiꞌ luu du kawasa-kapatut ku muwasan dusa.

Matiyu 9:7

Dari magti du nangge lalla looy boꞌ na moleꞌ.

Malkus 2:10

Na supaya katoonan bi luu kapatut Anak Manusiyaꞌ muwasan dusa, pakitahan ta doꞌ kam buktiꞌ.” Dari yuk si Isa ni lalla looy ma matoy baran na,

Malkus 2:7

“Uy, pangka bina bitsala na! Buwat ya dī na subay ga Tuhan! Isu-isu Tuhan bina luu kapatut na muwasan dusa!”

Lukas 5:21

Pag lay jaꞌ takale bitsala na meꞌ siga guru saraꞌ agama ka ga Parisi, tud bay dugahan sila. Honaꞌ-honaꞌ da, “Uy, lalla naa la, tatammu na ga mitsala pangka pa Tuhan! Isu-isu Tuhan bina luu kapatut na muwasan dusa!”

Yahiya 10:28

Buwanan ku sila kasampulnaan nyawa ma yaꞌ luu katapusan na. Yaꞌ na sila sakkat ka Tuhan saumu maka yaꞌ luu kaagaw sila man jawom komkoman ku.

Yahiya 17:2

Lay na ku buwanan nu kapatut ni jataꞌ mimon manusiyaꞌ supaya ku kabuwan kasampulnaan nyawa ma yaꞌ luu katapusan na ni sagannap ma bay hinalap meꞌ nu niyaku.

Yahiya 5:27

Maka sabap aku Anak Manusiyaꞌ, lay na du ku buwanan Mmaꞌ ku kapatut ngahukum manusiyaꞌ.

Yahiya 5:8

Yuk si Isa niiya, “Bangun na ko Paꞌ. Pūtun na tipo nu, boꞌ nu lumān na.”

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

Salsila siga Rasul 9:34

Yuk si Pitel niiya, “Aneyas, kaulian na sina ko meꞌ si Isa Almasi. Bangun na ko, boꞌ logoran nu na tipo nu.” Dari siꞌ, lay du magti bangun si Aneyas.

2 Korin 2:10

Dari batnaa tu, bong kam ngampun lalla looy, mastiꞌ ampun ku na du ya. Maka bong bistahan bi luu dusa na niyaku, ilu na Almasi pakale-kale, mastiꞌ ampun ku na du ya kalnaꞌ kaam,

2 Korin 5:20

Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.

Kolossa 3:13

Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.