Matiyu 9:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Dari siꞌ lay na pōꞌ si Isa seytan na sampay kabitsala na ga ya pabalik. Pag ndaꞌ siga baanan jama ndooy meꞌ looy, tud bay inu-inu sila sampay yuk da, “Uy la, halloman tabi llum, yaꞌ gi kitabi bay pingkaꞌ ngita meꞌ naa ntuu ni Israil.”

Matiyu 9:33 ပူးပေါင်းရင်းမြစ်များ

Matiyu 8:10

Pag takale si Isa halling na, kapajayip ya sampay yuk na ni siga jama ma ngahaboyan iya, “Baan ta kam banahan, minsan ni bangsa Israil, yaꞌ gi ku bay ngita san disu meꞌ ehe pangando kapitan tuu.”

Matiyu 9:32

Paddus jaꞌ bukut ga lalla looy siꞌ ma duwa, luu na baw disu lalla umaw binoo pa mman si Isa. Kon na umaw sabap lay ya inasok meꞌ seytan.

Malkus 2:12

Dari magti du nangge lalla looy boꞌ na mūt patulihan na sampay lay na pōꞌ ni pag-awpan da labbasakayi. Mimon siꞌ ndooy tud bay haylan sampay mudji na ga sila Tuhan, maka yuk da, “Yaꞌ gi kitabi la bay pingkaꞌ ngita meꞌ tuu!”

Lukas 11:14

Na luu disu llaw, lay si Isa sitammu ka disu lalla ma yaꞌ na kabitsala sabap sineytan ya. Dari lay na papōꞌ si Isa seytan man jawom baran lalla looy sampay kabitsala na ya pabalik. Pag ndaꞌ ga baanan jama ndooy meꞌ looy, tud bay haylan sila.

Lukas 7:9

Pag takale si Isa bitsala da siꞌ, kapajayip ya sampay lay ya paawop pa baanan jama ma ngahaboyan iya, boꞌ na halling, “Baan ta kam banahan, ni sikaliput Israil, yaꞌ gi ku bay ngita san disu Yahudi meꞌ basag pangando kapitan looy.”