Matiyu 9:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Pag-anu, luu na baw lalla matoy baran na lay llanggung ka patulihan na pa mman si Isa. Pag ndaꞌ si Isa meꞌ looy na basag pangando da niiya, yuk na ni lalla looy ma matoy baran na, “Daa ko susa Nges, puwas na sina dusa nu labbasakayi.”

Matiyu 9:2 ပူးပေါင်းရင်းမြစ်များ

Matiyu 14:27

Sugaꞌ magti ya mitsala, yuk na, “Daa na kam ba tawu. Aku bitu. Njawom iman kam.”

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 6:12

Maka ampunun doꞌ kami ni dusa kami batan lay na du kami ngampun sagannap ma dusahan ningkami.

Matiyu 8:10

Pag takale si Isa halling na, kapajayip ya sampay yuk na ni siga jama ma ngahaboyan iya, “Baan ta kam banahan, minsan ni bangsa Israil, yaꞌ gi ku bay ngita san disu meꞌ ehe pangando kapitan tuu.”

Matiyu 8:16

Pag sangom, meka na jama sineytan bay binoo pa mman si Isa. Dari siꞌ, ni bitsala si Isa sadjaꞌ nohoꞌ siga seytan ni baran da lakka, lay du magti sila pōꞌ. Maka mimon jama ndooy ma sakihan lay na du inulian meꞌ na.

Matiyu 9:22

Pag-anu, pateleꞌ na si Isa. Pag lay jaꞌ takita na danda looy, yuk na, “Daa na ko ba Nang susa. Kaulian na sina ko sabapan pangando nu.” Dari magti du lay koleꞌ danda looy.

Matiyu 9:5

Sugaꞌ subay siꞌ tabista bi pagka luu kawasa-kapatut ku ngulian jama, mastiꞌ luu du kawasa-kapatut ku muwasan dusa.

Matiyu 9:6

Na supaya katoonan bi luu kapatut Anak Manusiyaꞌ muwasan dusa, pakitahan ta doꞌ kam buktiꞌ.” Dari yuk na ni lalla looy ma matoy baran na, “Nges, nangge na ko, boꞌ boonun na patulihan nu moleꞌ.”

Malkus 1:32

Pag taabut sumaddop llaw, meka na jama sakihan sampay sagannap ma sineytan bay binoo pa mman si Isa.

Malkus 10:49

Pag-anu siꞌ, ilooy ma lay na patagong si Isa boꞌ na halling, “Sōn bi na ba ya pitu.” Dari lay na binaan meꞌ da lalla looy siꞌ ma buta, yuk da, “Daa na ko susa. Nangge na ko. Alay na ko sohoꞌ na pilay pa mman na.”

Malkus 5:34

Dari yuk si Isa ni danda looy, “Nang, ilooy ilay siꞌ man nu lay na kasay sabapan pangando nu. San ko moleꞌ na. Pasannangun na atay nu. Lay na du lakka saki nu.”

Malkus 6:50

sinawan niiya. Sugaꞌ magti mitsala si Isa ninsila, yuk na, “Daa kam ba tawu. Aku bitu la. Njawom iman teꞌ kam ba.”

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 2:25

San yaꞌ na ya binaan pasal tabiat da batan ndang tasayu na du bong oy njawom atay manusiyaꞌ.

Yahiya 21:5

Pag-anu siꞌ, lay na ya nginganan sila, yuk na, “Ū siga anak, luu du takoleꞌ bi?” Pag tampung da siꞌ, “Niyaꞌ la luu.”

Salsila siga Rasul 14:9

Iya ilay siꞌ luu na pin ndooy pakale ni umanat si Pol. Pag ndaꞌ si Pol pa mman na, tabistu na na lalla looy manganna taulian ya meꞌ Papuꞌ Isa.

Salsila siga Rasul 19:12

Minsan ga saputangan sadjaꞌ atawa sammek ma bay purut si Pol, bong pinatappak ni baran jama sakihan, sarunduun du sila kaulian. Bong jama sineytan, magti pōꞌ siga seytan man baran da.

Salsila siga Rasul 23:11

Na pag sangom, luu na baw Papuꞌ Isa nammuhan si Pol, nangge ni bihing na. Yuk Papuꞌ niiya, “Pahallotun na pin ba tawakka nu. Yana meꞌ nu bay masaplag kabanahan pasal aku ntuu ni Jerusalem, subay du meꞌ naa meꞌ nu buwat pag mintu ndooy ni Rom.”

Suwat si Pol pa mman Baanan Sukuꞌ si Isa ndooy ni Rom 5:11

Dari gāk na situ kitabi banahan batan lungbid na kitabi ka Tuhan sabapan pabuwatan Papuꞌ tabi si Isa Almasi. Isu-isu iya poonan man tabi mahap na pa Tuhan.

Yaꞌkub 2:18

Na adakala luu na baw halling, “Yaꞌ bina sibuꞌ pamiki jama. Kasohean mista sukup na basta pitsayaꞌ jaꞌ kitabi ni si Isa, boꞌ kasohean mista subay du luu tabeꞌ pabuwatan mahap.” Na bong aku bay soheꞌ na magbitsala, yuk ku niiya, “Pooy meꞌ ku toon mattan ko pitsayaꞌ bong yaꞌ luu buktiꞌ na ni tangge-tingkōꞌ nu? Boꞌ aku itu, tapakitahan ta ko buktiꞌ ku pitsayaꞌ ni tangge-tingkōꞌ ku.”