Matiyu 9:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Ndooy siꞌ, lay na baw si Isa takita meꞌ siga Parisi. Dari yuk da ni siga mulit si Isa, “Ongoy doꞌ ilay guru bi kuhi paharung mangan ni siga tukang ninga sukay ka ga pagkahi da baldusa?”

Matiyu 9:11 ပူးပေါင်းရင်းမြစ်များ

Matiyu 11:19

Pag sunuꞌ ku, Anak Manusiyaꞌ, sukat ku palamud nginum-mangan ni siga tukang ninga sukay ka siga pagkahi da baldusa, baꞌ-bāꞌ jama, lagak na baw ku, boꞌ na, palalango lagi ku. Sugaꞌ biyahun na luu. San du ina pooy meꞌ jama nuwak tōꞌ kami ka si Yahiya, tumatandaꞌ du sina mintu bong soy ngantanan pamiki tuwaꞌ.”

Matiyu 5:46

Daa kam mista luu tungbas ayad man Tuhan ngagad kaam bong ilooy du kaasean bi isu-isu sagannap ma maasean kaam. Minsan ina siga tukang ninga sukay ma tanyag baldusa maaseꞌ du ni sagannap ma maaseꞌ ninsila.

Matiyu 9:10

Pag-anu siꞌ, lay na baw boo si Matiyu si Isa ka ga mulit na pa lumaꞌ na mangan. Ndooy siꞌ, meka du bay paharung mangan siga tukang ninga sukay ka ga pagkahi da baldusa.

Malkus 2:16

Pag tasayu siga guru saraꞌ agama ma tabeꞌ ni palhimpunan siga Parisi lay si Isa mangan ndooy, tilaw da ni siga mulit na, “Ongoy doꞌ ilay guru bi kuhi paharung mangan ni siga tukang ninga sukay ka ga pagkahi da baldusa?”

Lukas 19:7

Sugaꞌ pag ndaꞌ baanan ga jama ndooy meꞌ looy, buwatan da magdubdub, yuk da, “Uy la, iya lluruk meꞌ na induꞌ-induꞌ baldusa!”

Lukas 5:30

Pag tasayu siga Parisi ka ga guru saraꞌ agama, lay sila nahawi siga mulit si Isa, yuk da, “Ongoy doꞌ ilay kam kuhi paharung nginum-mangan ni siga tukang ninga sukay ka ga pagkahi da baldusa?”

Salsila siga Rasul 11:3

“Ongoy taggahaꞌ ko bay paasok pa jawom lumaꞌ jama ma yaꞌ san bay inislam? Boꞌ lay gi ko mmeꞌ paharung mangan ninsila.”

Galatiya 2:15

Maka yuk ku gi niiya, “Nges, meꞌ kita itu turunan bangsa Yahudi, kanna ta maruhuꞌ intong gi kita man kabangsa-bangsahan saꞌ Yahudi sukat bangsa ta ngantanan saraꞌ Tuhan. Boꞌ na, nabiat lagi bangsa ta ngawnan sagannap ma saꞌ Yahudi, siga baldusa.

Hibrani 5:2

Maka panghuluꞌ imam ina, takissa na parasahan siga raayat na bong luu bay magsiꞌ ni kaawam da, batan iya pun luu du salla na.

2 Yahiya 1:10

Na bong luu jama pilu pa mman bi nōꞌ sarī man tōꞌ Almasi, daa na padutaihun bi maka daa san gallakun bi.