Matiyu 9:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Pag-anu siꞌ, dutai na ga si Isa taꞌ kumpit, boꞌ da pabeleng pa kawum na ni dambilaꞌ danaw.

Matiyu 9:1 ပူးပေါင်းရင်းမြစ်များ

Matiyu 4:13

Ndooy siꞌ, yaꞌ du ya bay humallom. Lay na baw ya maglayin pa Kapelniyum ndooy ni bihing Danaw Jalil ni lahat siga panubuꞌ ga si Zebulun ka si Naptali.

Matiyu 7:6

Yuk si Isa lagi, “Daa pasensengan bi waktu bi masaplag umanat Tuhan ni jama ma amu-amu madiyoꞌ kabanahan. Batan bong ina kam amu-amu mitsala lagi, sibuꞌ du karuha bi ka nongan bbuwatan sutsiꞌ ni siga idoꞌ. Atawa sibuꞌ du kam ka nongan siga mutsaꞌ bi ni siga bawi. Yaꞌ du sina kaddoꞌ da, gam pin giniok-giok gi. Boꞌ na, kineket gi kam.

Matiyu 8:18

Na pag ndaꞌ si Isa yaꞌ na taambat manusiyaꞌ ngaliput iya, yuk na ni ga mulit na, “Palintas doꞌ kitabi pa dambilaꞌ danaw.”

Matiyu 8:23

Pag-anu siꞌ, lay na dutai si Isa ka ga mulit na taꞌ kumpit.

Malkus 5:21

Pag-anu, lay na baw balik ga si Isa palintas pa dambilaꞌ danaw. Pag duwai da ni tapiyan, yaꞌ na baw taambat manusiyaꞌ nampang iya.

Lukas 8:37

Sugaꞌ bbuwatan jama sikamimon ni sikaliput Gerasa, lay maku luuy nohoꞌ si Isa lakka man lahat da sabap tawu sila. Dari siꞌ lay na ga si Isa dutai taꞌ kumpit da song palakka.

Lukas 8:40

Pag beleng ga si Isa pa dambilaꞌ danaw, ndang meka na jama ngagad nampang iya.

Siga Pakaradjaan bay Pinalahil 22:11

Kuwan sagannap ma nabiat buwat kalaatan ka kasabuhan, pabiyahun bi na jaꞌ sila amu-amu maabak kalaatan da ka kasabuhan da. Kuwan sagannap ma buwat kaintongan, subay bogbogan da lagi kaintongan da. Damikiyan sagannap ma sutsiꞌ, subay du bogbogan da kasutsian da.”