Matiyu 8:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Dari siꞌ, tud bay haylan siga mulit na sampay yuk da, “Uy la! Jama oy doꞌ tu meꞌ tuu? Sampay baliyu ka lamba ngasip jaꞌ niiya!”

Matiyu 8:27 ပူးပေါင်းရင်းမြစ်များ

Matiyu 14:33

Pag-anu, ilooy ma lay si Isa sinumba meꞌ siga mulit na, yuk da, “Tud bana-bana du kau Anak Tuhan.”

Matiyu 15:31

Pag takita leꞌ baanan jama ndooy ga jama bay umaw kabitsala na, ma pengkol ka tongkaꞌ kapalān na paayad, maka jama buta ngita na, tud bay haylan sila. Dari lay na ga sila mudji Tuhan. Yuk da, “Pudji tabi Tuhan bangsa Israil.”

Matiyu 8:10

Pag takale si Isa halling na, kapajayip ya sampay yuk na ni siga jama ma ngahaboyan iya, “Baan ta kam banahan, minsan ni bangsa Israil, yaꞌ gi ku bay ngita san disu meꞌ ehe pangando kapitan tuu.”

Matiyu 8:26

Yuk si Isa, “Ongoy subay na pin kam tawu? Tud kulang bitu pangando bi pa Tuhan.” Dari siꞌ, lay na ya bangun sambayan na nohoꞌ baliyu looy ka siga lamba na patagong. Pag ndaꞌ da, taddoꞌ na lahat saꞌ alang-alang.

Matiyu 8:28

Pag takka da pa dambilaꞌ danaw, lay sila parungguꞌ ni lahat jama Gadara. Ndooy siꞌ, luu na baw pasōng pa mman si Isa duwa lalla sineytan. Man da tamban, ndooy ni tagan kakubuhan sadjaꞌ. Tud kamula sila sampay yaꞌ na ga luu jama nawakka pingkaꞌ mandooy.

Malkus 1:27

Ni kahaylan ga jama ndooy, yuk da padangan-padangan, “Kapatut oy doꞌ ina meꞌ naa? Ilmuꞌ bahau na baw bitu pinōꞌ meꞌ na. Sampay siga seytan ngasip jaꞌ bong iya nohoꞌ!”

Malkus 6:51

Pag-anu, lay na ya dutai pa taꞌ kumpit da sampay sarunduun du lay patagong baliyu looy. Dari tud bay kahimattaan sila.

Malkus 7:37

Dari siꞌ, sagannap ma bay kaaka, biddaꞌ na haylan da sampay yuk da, “Mimon ma pabuwat na, yaꞌ luu saꞌ yaꞌ mahap. Minsan jama ma yaꞌ kale atawa yaꞌ kabitsala, kaulian na du meꞌ na.”