Matiyu 8:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Matiyu 8:20 ပူးပေါင်းရင်းမြစ်များ

Matiyu 12:32

Damikiyan, soysoy ina mitsala pangka ni kapasal Anak Manusiyaꞌ, taampun gi du meꞌ Tuhan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan saumu-umu.”

Matiyu 12:40

Batan yana meꞌ iya tallum bahangi tallu ngallaw bay njawom battong daying mehe, boꞌ na pōꞌ, damikiyan Anak Manusiyaꞌ pun itu mintu, tallum bahangi tallu ngallaw du njawom kubu, boꞌ na pōꞌ du.

Matiyu 12:8

Boꞌ na, ni hāl Llaw Pahali ina, meꞌ aku itu Anak Manusiyaꞌ, luu kapatut ku magbayaꞌ bong oy pataꞌ pinabuwat atawa niyaꞌ ni Llaw Pahali.”

Matiyu 13:37

Tampung si Isa, “Jama looy ilay siꞌ ma naburan bani mahap yana aku, Anak Manusiyaꞌ.

Matiyu 16:13

Pag-anu, lay na baw pawus ga si Isa pa bihing daira inawnan Sesariya Pilipi. Sasang da ndooy, tilaw si Isa ni ga mulit na, “Na kuwan aku, Anak Manusiyaꞌ, bong ni bitsala jama, soy tu ku?”

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 17:9

Na sasang da palūd man taꞌ punu looy, ilooy ma lay sila sinupali meꞌ si Isa, yuk na, “Daa kam māꞌ ni soysoy bong oy bay tasakup bi ngkod-ngkoran yaꞌ gi ku, yana Anak Manusiyaꞌ, bay pinakallum pabalik.”

Matiyu 19:28

Yuk si Isa, “Baan ta kam banahan, pag ina mintu pinabahauwan na junyaꞌ, Anak Manusiyaꞌ itu mintu ningkōꞌ na ni tingkoan man na magsultan ni kaehe kawasa na. Kaam pun, siga mulit ku, pinatingkōꞌ na du kam mintu ni sapu-duwa tingkoan marintahan mimon panubuꞌ lakka man siga anak si Israil sikasapu-duwa.

Malkus 8:38

“Jama ni angkat-angkatan batnaa ina tinagi buwat dusa. Yaꞌ sila kanaalla pa Tuhan. Sugaꞌ indanan bi. Soysoy ina iyaꞌ mangaku mmeꞌ niyaku atawa pun iyaꞌ mōꞌ tōꞌ ku, malaingkan iyaꞌ du ku mangaku iya sukuꞌ ku pag beleng ku, yana Anak Manusiyaꞌ, ddas ka kabantugan Mmaꞌ ku ka siga malaikat man sulgaꞌ.”

Lukas 12:8

Yuk si Isa lagi, “Baan ta kam banahan, soysoy ina mangaku ni awpan manusiyaꞌ mmeꞌ ya niyaku, yana Anak Manusiyaꞌ, malaingkan mangaku du sina ku mintu sukuꞌ ku ya ni awpan siga malaikat Tuhan.

Lukas 18:8

Gam pin, baan ta kam banahan, tabangan na gi sina sila pasiglaꞌ. Sugaꞌ san ina meꞌ naa na timbang Tuhan ninsila, pag beleng ku, yana Anak Manusiyaꞌ, luu gi kilay mintu jama pitsayaꞌ niyaku?”

Lukas 2:12

Ndaun bi teꞌ pilay. Meꞌ tuu meꞌ bi ngila iya: Pag mintu kam nammu anak-anak akket gi bay binarung, lay pinabāk jawom tuung man makan hayop, iya na silay.”

Lukas 2:16

Dari siꞌ, lay na sila pilay deꞌ-dēꞌ sampay tatammu da na si Mariyam ka si Yusup. Maka meꞌ bay halling sambat malaikat looy du siꞌ, takita da na anak-anak looy lay bay pinabāk njawom tuung man makan hayop.

Lukas 21:36

Sangkon, subay kam wā saddiya. Maka maku na pin kam duwaa mari taggu iman bi natasan mimon katiksaan ma bay sabbut ku siꞌ. Maka maku na pin kam duwaa, kamura-murahan yaꞌ du luu meꞌ bi hinaꞌ pag taabut bi ngawpan aku, yana Anak Manusiyaꞌ, bbos-bbos.”

Lukas 8:3

Maka luu gi bay mmeꞌ si Jowanna, yana nda si Kusa ma tukang magmalim ni astanaꞌ Gubnul Herod. Maka luu gi si Susana sampay meka gi karandahan bay du mmeꞌ. Sila ilay bay nganggastusan si Isa ka ga mulit na ka sīn da dī da.

Lukas 9:58

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku itu, yana Anak Manusiyaꞌ, yaꞌ san luu lumaꞌ man ku tuli.”

Yahiya 12:34

Pag-anu siꞌ, tilaw kasohean ni baanan jama ndooy, yuk da, “Tuwan, pasal bay halling nu siꞌ talpaksaꞌ Anak Manusiyaꞌ inangkat taꞌ tehang, soy lay la Anak Manusiyaꞌ looy ma bay awnan nu siꞌ? Bong iya na Almasi, pooy meꞌ nu kabāꞌ pinapatoy ya inangkat taꞌ tehang? Batan pamāꞌ kitab, inawnan Almasi, llum saumu-umu.”

Yahiya 13:31

Paddus jaꞌ bukut si Judas, yuk si Isa, “Yaꞌ na situ hallom takita ehe kawasa-kapatut Anak Manusiyaꞌ. Maka takita na du njataꞌ na ehe kawasa-kapatut Mmaꞌ na Tuhan.

Yahiya 3:13

Boꞌ ni hāl sulgaꞌ ilay, yaꞌ luu toon sabap yaꞌ luu bay dutai pilay. Ilooy du toon aku, yana Anak Manusiyaꞌ, batan aku bay duwai lakka mandooy.”

Yahiya 3:14

Maka yuk si Isa, “Bay jaman Nabi Musa ka bangsa tabi ndooy ni lahat lau-lau yaꞌ maglumaꞌ, meka sila bay pinagtinduk meꞌ siga sō latsunan. Maka katoonan nu du, bbuwatan Nabi Musa, lay buwat sō tumbagaꞌ, boꞌ siniitan ni tōng tigablok. Pag-anu, boꞌ inangkat meꞌ na pa jataꞌ. Dari soysoy bay tininduk, bong sila ngahangad sō tumbagaꞌ looy, mastiꞌ kaulian jaꞌ sila. Damikiyan Anak Manusiyaꞌ pun, talpaksaꞌ du sina mintu inangkat taꞌ tehang ni mayran

Yahiya 6:27

Sugaꞌ tinapay meꞌ looy ilay yaꞌ natas. Gam na balanjaꞌ ma natas saumu pagtuyuan bi, ma kasampulnaꞌ ni nyawa bi labba man junyaꞌ sampay pa ahirat. Balanjaꞌ looy ilay dari ndean meꞌ ku, yana Anak Manusiyaꞌ, ningkaam batan aku bay binuwanan kapatut meꞌ Mmaꞌ ku Tuhan.”

Yahiya 6:53

Mangkin yuk si Isa ninsila, “Baan ta kam banahan, yaꞌ sina kam koleꞌ kasampulnaan nyawa bong kam yaꞌ bay mangan isi Anak Manusiyaꞌ ka nginum lahaꞌ na.

Yahiya 6:62

Marean ta pitsayaꞌ du kam ni bitsala ku bong mintu takita bi na Anak Manusiyaꞌ, yana aku, nuwi-nuwi pa jataꞌ pa bay limpaꞌ man ku maruhuꞌ.

Salsila siga Rasul 7:56

Dari yuk si Esteben, “Ndaun bi doꞌ ba! Takita ku na lawang sulgaꞌ bukaꞌ! Alay na Anak Manusiyaꞌ nangge ni bihing Tuhan huwin pa kawnan!”

2 Korin 8:9

Ngaddoꞌ jaꞌ kam pamintangan ni Papuꞌ tabi si Isa Almasi. Katoonan bi na du ehe aseꞌ na ningkitabi. San ya dayahan ni sulgaꞌ, lay na ga ya pitu pa junyaꞌ niksaꞌ dī na njawom miskin supaya luu na lawang man tabi koleꞌ ladjikiꞌ ma natas saumu-umu.