Matiyu 8:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Sabap meꞌ looy, lay na binakbul ilooy ma bay tinunaꞌ meꞌ Nabi Isaya maruhuꞌ-ruhuꞌ, ilooy ma yuk na, “Lay tinanggung meꞌ na kasusahan tabi sampay lay ulian na siga saki tabi.”

Matiyu 8:17 ပူးပေါင်းရင်းမြစ်များ

Panagnaan 22:6

Pag-anu, kinaddoꞌ na meꞌ si Ibrahim kayu looy halliꞌ man nunu kulban, boꞌ lay sohoꞌ na pinanangkit ni si Isahak. Kuwan iya, lay moo koray ka kalangkapan man malakkot api. Pag-anu siꞌ, lay na sila pawus.

Matiyu 1:22

Na pagka si Mariyam bay battong man kawasa Rū Sutsiꞌ, lay na binakbul palman Tuhan ni Nabi Isaya maruhuꞌ-ruhuꞌ, ilooy ma yuk Tuhan,

Matiyu 2:15

Dari siꞌ, lay na doꞌ sila maglahat ndooy ni Ejip ngabut sampay lay na matoy Sultan Herod. Na pag taabut da lay na pabeleng pa bay lahat da, lay na binakbul palman ma bay sinuwatan meꞌ Nabi Hoseya, ilooy ma yuk Tuhan, “Lay na linganan ku Anak ku nohoꞌ lakka man Ejip.”

Matiyu 2:23

Pag takka da ndooy, lay sila maglahat ni disu kawum inawnan Nasaret. Na sabap meꞌ looy, lay na binakbul bay tunaꞌ kanabi-nabihan pasal Almasi, ilooy ma yuk da, “Iya inawnan jama man Nasaret.”

Malkus 1:32

Pag taabut sumaddop llaw, meka na jama sakihan sampay sagannap ma sineytan bay binoo pa mman si Isa.

Lukas 4:40

Na tapit jaꞌ siꞌ sumaddop llaw, meka na jama lay moo pagkahi da ma sakihan pilay pa mman si Isa. Dari san gi oy saki da, pag lay jaꞌ tinappak meꞌ si Isa bumbunan da saliꞌ-saliꞌ, lay du sila kaulian labbasakayi.

2 Korin 12:10

Sangkon, magsuku na du ku san yaꞌ luu kawasa ku ni dī ku, san ku pinadiyoꞌ, nilaugan, sampay njawom katiksaan kalnaꞌ Almasi. Batan mangkin yaꞌ luu kawasa ku, mangkin na takka kawasa Almasi njataꞌ ku.

1 Pitel 2:24

Boꞌ lay gi paglillaꞌ na baran na llansang taꞌ tehang bong pin tatanggung na jaꞌ dusa tabi. Kon na buwat meꞌ looy supaya patagong na kitabi buwat dusa boꞌ tabi makutuꞌ meꞌ buwat kaintongan. Dari meꞌ halling njawom kitab, “Man sabapan siga bakat bisa ni baran na, kaulian na kitabi.”