Matiyu 8:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Pag takale si Isa halling na, kapajayip ya sampay yuk na ni siga jama ma ngahaboyan iya, “Baan ta kam banahan, minsan ni bangsa Israil, yaꞌ gi ku bay ngita san disu meꞌ ehe pangando kapitan tuu.”

Matiyu 8:10 ပူးပေါင်းရင်းမြစ်များ

Panagnaan 43:33

Na ga danganakan si Yusup siꞌ tu tud bay jayip pag taabut da pinatingkōꞌ ni lamisahan. Batan pag ndaꞌ da, lay sila bay tinalitib lakka man siyaka lūd pa siyali.

Matiyu 15:28

Yuk si Isa ni danda looy, “Nang, biddaꞌ na baw bitu basag pangando nu. Duwan ta na ko.” Dari paddus na pin halling na, magti du kaulian anak na.

Matiyu 8:11

Maka yuk si Isa, “Bbos-bbos, meka sina jama pōꞌ man sika-mpat pidju alam siharung-harung mangan ka ga Nabi Ibrahim, Nabi Isahak ka Nabi Yaꞌkub ni pamarinta Tuhan.

Matiyu 8:9

Aku tu, tahati ku hāl kapatut, batan aku disu ndiyoan kapatut panghuluꞌ kami; damikiyan, luu du siga sundalu ndiyoan kapatut ku. Dari bong sohoꞌ ku dangan pilay, pilay du. Bong sohoꞌ ku disu pitu, pitu du. Maka bong sohoꞌ ku tindog ku buwat, buwat du. Labi na saꞌ subay inasip bong kau na bay nohoꞌ. Sangkon, tatantu ku bong ko bay jaꞌ ngabtang mantuu, mastiꞌ kaulian jaꞌ tindog ku.”

Lukas 5:20

Pag ndaꞌ si Isa meꞌ looy na basag pangando da niiya, yuk na ni lalla looy ma matoy baran na, “Nges, puwas na sina dusa nu labbasakayi.”

Lukas 7:50

Sugaꞌ gam pin ndarahan gi meꞌ si Isa halling na ni danda looy, yuk na, “Salamat na sina ko sabapan pangando nu niyaku. San ko moleꞌ na. Maka pasannangun na atay nu.”

Lukas 7:9

Pag takale si Isa bitsala da siꞌ, kapajayip ya sampay lay ya paawop pa baanan jama ma ngahaboyan iya, boꞌ na halling, “Baan ta kam banahan, ni sikaliput Israil, yaꞌ gi ku bay ngita san disu Yahudi meꞌ basag pangando kapitan looy.”

Salsila siga Rasul 2:7

Ni kajayip da, yuk da padisu-padisu, “Pooy lay la meꞌ da kapabuwat meꞌ looy? Siga jama naa bina labbasakayi jama man Jalil sadjaꞌ ntuu ni Israil.