Matiyu 7:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ “Oy-oy kulang bi, maku jaꞌ kam pa Tuhan. Binuwanan jaꞌ sina kam. Oy-oy gunahan ningkaam, miha kam pa Tuhan. Nammu jaꞌ sina kam. Tuktuk gunahan ningkaam tulung, tugtugun bi jaꞌ lawang Tuhan, boꞌ bi binukisan.

Matiyu 7:7 ပူးပေါင်းရင်းမြစ်များ

Panagnaan 26:32

Pus meꞌ looy, ni llaw looy du, luu na baw takka ga tindog si Isahak maan iya, yuk da, “Bohean na la tagaꞌ looy ma bahau jaꞌ bay kalihan kami!”

Matiyu 18:19

Maka luu gi bāꞌ ku ningkaam. Bong luu san lasa duwa jaꞌ kam ma mmeꞌ niyaku magbēꞌ pikilan pasal oy-oy paku bi man Mmaꞌ ku ni sulgaꞌ, nduwan jaꞌ sina kam.

Matiyu 21:22

Oy-oy paku bi njawom duwaa bi pa Tuhan, nduwan jaꞌ sina kam basta kam pitsayaꞌ jaꞌ.”

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Matiyu 7:11

Na bong kaam manusiyaꞌ ma ndang dusahan pandoy muwan pabuwatan ayad ni anak bi, labi na Mmaꞌ bi Tuhan ni sulgaꞌ saꞌ pandoy muwan ga pakaradjaan ayad ni sagannap ma maku niiya.

Matiyu 7:8

Batan sagannap ina ma maku pa Tuhan, mastiꞌ binuwanan jaꞌ. Sagannap ma miha, mastiꞌ nammu jaꞌ. Maka sagannap ma nugtug, mastiꞌ binukisan jaꞌ sina lawang ninsila.

Malkus 11:24

Sangkon ituu jaꞌ meꞌ ku ka kaam: Bila kam maku duwaa pa Tuhan, oy-oy paku bi, subay kam manganna lai na takoleꞌ bi. Bong siꞌ ilay meꞌ looy jaꞌ pangando bi, mastiꞌ nduwan jaꞌ sina kam.

Lukas 13:25

Pag mintu taabut waktu jama ma dapu lumaꞌ ngunsiꞌ lawang, bong kam masi ni poan, yaꞌ na luu dapat bi paasok. Tarasaw na kam. Bbuwatan bi ina mintu ngingan, yuk bi, ‘Papuꞌ, junjung kami na ningkau, bukisan nu na kami lawang.’ “Iya tampung na ina mintu, ‘Yaꞌ bina kam takila ku. Yaꞌ katoonan ku bong jama man ninggai kam.’

Lukas 18:1

Pag-anu, lay na baw si Isa muwan pamintangan ni siga mulit na supaya tahati da subay sila wā maku duwaa pa Tuhan. Maka subay sila yaꞌ jamu ngaholat duwaa da kinabbul.

Yahiya 15:16

Na kitabi itu bagay, saꞌ man kaam bay meneꞌ aku. Arapun aku ya bay meneꞌ kaam. Sampay bay gi kam inuwakilan meꞌ ku ngalataan lahat buwat kaayaran ka masaplag pasal aku. Meꞌ looy ilay, sibuꞌ du karuha bi ka kayu mahap jaꞌ buwaꞌ na. Boꞌ buwaꞌ bi ina natas sampay pa ahirat. Sangkon oy-oy paku bi man Mmaꞌ ku ni awon ku, nduwan jaꞌ sina kam.

Yahiya 15:7

Sugaꞌ basta kam langkit ka aku boꞌ kanna bi du bitsala ku, oy-oy paku bi man Mmaꞌ ku, basta nduwan jaꞌ du sina kam.

Yahiya 4:10

Pag tampung si Isa baw siꞌ tu niiya, “Bong siꞌ ina bay tasayu nu ladjikiꞌ ma pamuwan Tuhan, maka bong siꞌ tasayu nu bong soy tu ituu ma nohoꞌ pinainuman ningkau, gam pin kau gi siꞌ bay duhuꞌ maku inuman mman ku, boꞌ nu buwanan ku boheꞌ ma llum.”

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 3:11

Yaꞌ luu ngantanan pangahati tuwaꞌ pasal Tuhan. Damikiyan, yaꞌ du luu miha bong pooy meꞌ da tapit ka Tuhan.

Hibrani 11:6

Na bong inawnan nulut ni kahandak Tuhan, tunmanūn meꞌ jama kasulut niiya bong yaꞌ luu pangando da niiya. Sarī man naa, soysoy doman patapit pa Tuhan subay pitsayaꞌ luu ya. Maka subay ya pitsayaꞌ Tuhan nupaatan sagannap ma magkainagon lungbid ka iya.

Yaꞌkub 5:15

Na bong ina tud mangando du siga pa-mmean bi pa Tuhan ngabbul duwaa da, malaingkan kaulian jaꞌ sina jama looy ma saki. Maka pinabalik na sina anggawtaꞌ na meꞌ Papuꞌ. Maka bong luu dusa na lay na akuhan na ni pag-awpan da, inampun na du sina ya meꞌ Papuꞌ.

1 Yahiya 3:22

Boꞌ na, oy-oy paku tabi pa Tuhan, nduwan jaꞌ sina kitabi batan asip tabi jaꞌ siga panohoan na maka pabuwat tabi ilooy ma kasulut niiya.