Matiyu 7:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Pag ina mintu taabut llaw hukuman Tuhan, meka na sina mintu pasōng pa mman ku sambayan da halling, ‘Papuꞌ, saꞌ ba, lay na kami masampay siga umanat man Tuhan ni awon nu? Maka saꞌ ba, ni kawasa awon nu, lay na kami mapōꞌ siga seytan man jawom baran jama sampay mōꞌ siga pabuwatan kahaylan-haylan? Sangkon sapatut na, tawop du kami tabeꞌ njawom pamarinta Tuhan.’

Matiyu 7:22 ပူးပေါင်းရင်းမြစ်များ

Matiyu 10:15

Baan ta kam banahan, pag ina mintu taabut llaw hukuman Tuhan, bohat gi sina mintu mulkaꞌ njataꞌ da man ilooy ma bay katuwaꞌ ni siga jama Sodom ka Gomora.”

Matiyu 24:36

“Katakka ku ina mintu, yaꞌ kinatoonan meꞌ manusiyaꞌ bong llaw oy atawa lisag dangoy. San ga malaikat ndooy ni sulgaꞌ sampay aku, Anak Tuhan, yaꞌ du toon. Ilooy du toon yana Mmaꞌ ku.

Matiyu 25:11

“Pag takka jaꞌ siꞌ kabudjangan looy kasohean, yuk da, ‘Ū Tuwan, bukisan doꞌ kami!’

Matiyu 7:21

Maka yuk si Isa, “San ina meka jama ngawnan aku ‘Papuꞌ,’ saꞌ du baw sina mintu mimon sila tabeꞌ ni pamarinta Tuhan. Ilooy du ilay mintu tabeꞌ yana sagannap ma mean kahandak Mmaꞌ ku ni sulgaꞌ.

Lukas 10:12

Maka yuk si Isa lagi, “Baan ta kam banahan, bong luu jama daira meꞌ looy yaꞌ ngahasi kaam, pag ina mintu taabut llaw hukuman Tuhan, bohat gi sina mulkaꞌ njataꞌ da man ni siga jama daira Sodom mattoꞌ.”

Yahiya 11:51

Na bay bitsala Imam Kayapas ilay siꞌ, saꞌ pōꞌ man pamiki na dī na. Arapun pagka iya panghuluꞌ imam ni taun looy, lay jaꞌ Tuhan makoy iya man malahil ninsila ndooy song matoy na si Isa kalnaꞌ bangsa Yahudi.

1 Tesaloneka 5:4

Boꞌ kaam baw ina, siga danganakan ku, yaꞌ na kam awam meꞌ saparati jama bagagap njawom lindom. Sangkon yaꞌ du sina mintu kam kakuratan ni katakka llaw looy meꞌ hantang jama takurat meꞌ sugaru.

2 Tesaloneka 1:10

Ni llaw katakka na ina mintu, pinudji na ya sampay binuwanan kabantugan mehe meꞌ siga sukuꞌ na, yana sikamimon ma pitsayaꞌ niiya. Boꞌ tud haylan banahan mintu sila ngandaꞌ iya ni kaehe kawasa na. Kaam pun, mastiꞌ tabeꞌ na du sina kam ni siga sukuꞌ na ni llaw looy mintu sabap lay na kam bay pitsayaꞌ ni kabanahan ma bay pasaplag kami ningkaam.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

2 Timuti 1:18

Kau pun ina, katoonan nu du, yaꞌ taambat bay tabang na niyaku bay jaman ku nnaa ni Epesus. Kamura-murahan pinanimbangan du ya meꞌ Papuꞌ ni llaw hukuman.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.