Matiyu 7:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Maka yuk si Isa, “San ina meka jama ngawnan aku ‘Papuꞌ,’ saꞌ du baw sina mintu mimon sila tabeꞌ ni pamarinta Tuhan. Ilooy du ilay mintu tabeꞌ yana sagannap ma mean kahandak Mmaꞌ ku ni sulgaꞌ.

Matiyu 7:21 ပူးပေါင်းရင်းမြစ်များ

Matiyu 12:50

Batan sagannap ma mean kahandak Mmaꞌ ku ni sulgaꞌ, sila pun ina bilang ku du ga danganakan ku ka nneꞌ ku.”

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Matiyu 18:10

“Paayad-ayad kam taggahaꞌ meꞌ bi mista yaꞌ puntukan disu anak-anak meꞌ tuu. Batan baan ta kam banahan, luu sina siga malaikat para ninsila wā ni awpan Mmaꞌ ku ni sulgaꞌ.”

Matiyu 18:19

Maka luu gi bāꞌ ku ningkaam. Bong luu san lasa duwa jaꞌ kam ma mmeꞌ niyaku magbēꞌ pikilan pasal oy-oy paku bi man Mmaꞌ ku ni sulgaꞌ, nduwan jaꞌ sina kam.

Matiyu 18:3

Pag-anu, yuk na, “Ddong na kam ba ngulihal meꞌ bi patingkat. Baan ta kam banahan, bong ina yaꞌ halin bi pamiki bi supaya diyoꞌ pangatayan bi meꞌ karuha anak-anak tuu, malaingkan yaꞌ kam kapatabeꞌ ni pamarinta Tuhan.

Matiyu 18:35

Damikiyan,” yuk si Isa, “meꞌ naa du sina meꞌ Mmaꞌ ku ni sulgaꞌ buwat kaam bong kam yaꞌ ngampun siga pagkahi bi ni kahilas atay bi.”

Matiyu 19:24

Kamurahan gi untaꞌ papassūt ni lowang panahiꞌ man jama dayahan patabeꞌ ni pamarinta Tuhan.”

Matiyu 25:10

“Na likutan da siꞌ bay malli insallan, ilooy ma takka na pangantin ma lalla. Kuwan ilooy sikalima ma ndang sakap na, lay na pahaboy ni pangantin ma lalla paasok pa lumaꞌ pangawinan. Lay jaꞌ siꞌ sila njawom, lay na tinambo lawang.

Matiyu 25:21

“Tampung bōs na, ‘Tud bay mahap meꞌ nu buwat. Kau na tindog mahap maka kanaalla. Pagka ko bay kanaalla ni pabuwatan dangkitiꞌ, batnaa paeka ku na altaꞌ ku hinalap ningkau. Tu ko. Patabeꞌ ta na ko ni kagakan ku.’

Matiyu 26:39

Pag-anu siꞌ, lay na ya palawak-lawak dangkitiꞌ man bihing da boꞌ na pahangkop taꞌ tanaꞌ maku duwaa, yuk na, “Maꞌ, bong siꞌ luu dapat, hawasan nu na kabinsanaan ma bay gantaꞌ nu njataꞌ ku. Sugaꞌ subay kahandak nu binean, saꞌ ga niyaku.”

Matiyu 26:42

Pag-anu siꞌ, lakka na baw si Isa pabalik, boꞌ na maku duwaa ni kaminduwa na, yuk na, “Maꞌ, bong yaꞌ na luu dapat man ngalakkahan kamalasahiyan mehe ma song tuwaꞌ njataꞌ ku, mastiꞌ subay kahandak nu binean.”

Malkus 3:35

Batan sagannap ma mean kahandak Tuhan, sila pun ina bilang ku du ga danganakan ku ka nneꞌ ku.”

Malkus 9:47

Atawa pun, bong dambilaꞌ mata bi bay kaboo-boo ningkaam buwat dusa, kuwirian bi na. Gam na dambilaꞌ sa mata bi bong pin kam tabeꞌ jaꞌ ni pamarinta Tuhan, man bi nnaa tahiyakan pa jawom nalkaꞌ ddas ka mata bi sikaduwambilaꞌ.

Lukas 11:28

Sugaꞌ yuk si Isa, “Labi na baw bilay Daꞌ saꞌ sinupaatan sagannap ma pakale sampay ngasip ni palman Tuhan.”

Lukas 13:25

Pag mintu taabut waktu jama ma dapu lumaꞌ ngunsiꞌ lawang, bong kam masi ni poan, yaꞌ na luu dapat bi paasok. Tarasaw na kam. Bbuwatan bi ina mintu ngingan, yuk bi, ‘Papuꞌ, junjung kami na ningkau, bukisan nu na kami lawang.’ “Iya tampung na ina mintu, ‘Yaꞌ bina kam takila ku. Yaꞌ katoonan ku bong jama man ninggai kam.’

Lukas 18:25

Kamurahan gi untaꞌ papassūt ni lowang panahiꞌ man jama dayahan tumabeꞌ ni pamarinta Tuhan.”

Lukas 6:46

Pag-anu, yuk si Isa lagi, “Kannahun bi bitsala ku. Yaꞌ sina sikatuwaꞌ bong kam ngawnan aku ‘Papuꞌ,’ boꞌ yaꞌ baw kam mmeꞌ ni tōꞌ ku.

Yahiya 14:7

Bong sabana-bana katoonan bi ku, malaingkan katoonan bi du Mmaꞌ ku. Ni sabana na, labba man batnaa, katoonan bi na Mmaꞌ ku maka ndang lay na ya takita bi.”

Yahiya 15:23

Bong siꞌ ku tu yaꞌ bay mōꞌ siga pabuwatan kahaylan-haylan ma yaꞌ bay pingkaꞌ tapabuwat meꞌ manusiyaꞌ, yaꞌ gi sila tasusunan pasal dusa da nuwak aku. Sugaꞌ batnaa, tumatandaꞌ na dusa da, batan san lay na takita da siga pabuwatan meꞌ looy, amu-amu sila yaꞌ kuhi pitsayaꞌ niyaku. Boꞌ na, gam pin kalammisan da lagi ku sampay Mmaꞌ ku. Batan soysoy ina lammis niyaku, sibuꞌ du ya ka lammis ni Mmaꞌ ku.”

Yahiya 3:5

Pag tampung si Isa, “Baan ta ko banahan, yaꞌ sina jama kapatabeꞌ ni pamarinta Tuhan bong yaꞌ doꞌ duhuꞌ bay pinamaddihan meꞌ boheꞌ ka Rū Sutsiꞌ.

Yahiya 5:17

Sugaꞌ yuk si Isa ninsila, “Mmaꞌ ku ina buwat na pin llaw-llaw ngabut sampay batnaa. Aku pun mastiꞌ buwat jaꞌ du.”

Yahiya 7:17

Soysoy ina doman mean kahandak Tuhan, malaingkan tasilang na jaꞌ bong tōꞌ ku tud lakka man Tuhan atawa lakka man dī ku sadjaꞌ.

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Suwat si Pol pa mman Baanan Sukuꞌ si Isa ndooy ni Rom 12:2

Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

Epesus 6:6

Daa subay na pin ni awpan papuꞌ bi boꞌ bi buwat paayad. Arapun takita kam atawa niyaꞌ, subay kam magkanaalla buwat. Ingatun bi dī bi ata Almasi tiggo buwat kahandak Tuhan.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

1 Tesaloneka 4:3

Kahandak Tuhan ina subay kitabi sutsiꞌ. Sangkon bong kinawnan jina, basta palawak kam.

1 Tesaloneka 5:18

Maka mahap-maat kahalan bi, daa dohongan bi meꞌ bi muwanan Tuhan pagsukuhan. Batan ndang inaa sina kahandak Tuhan ningkitabi ma tibuuk na ka si Isa Almasi.

Taytus 1:16

Boꞌ sagannap ma nuwak tōꞌ sabanna, san ina sila māꞌ katoonan da Tuhan, tumatandaꞌ du ni tangge-tingkōꞌ da yaꞌ bana bitsala da. Pabuwatan da ina sinukang meꞌ Tuhan. Yaꞌ sila ngasip niiya. Maka yaꞌ sila tawop pinakoy ni oy-oy pabuwatan mahap.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

Hibrani 4:6

Kon ilay Tuhan bay magpalman meꞌ looy batan kabboꞌ-bboan tabi ilay, san lay na binaan umanat mahap pasal pahaliyan looy sampay sinohoꞌ paasok, yaꞌ du sila bay ngasip. Sugaꞌ ni masa batnaa, luu na pahaliyan sarī. Maka bukaꞌ na lawang na man manusiyaꞌ paasok.

Yaꞌkub 1:22

Daa sat pakale jaꞌ kam ni palman na, arapun bean bi du. Batan bong ina yaꞌ bean bi, ngandupang jaꞌ kam dī bi bong kam mista salamat kam.

1 Pitel 2:15

Kainagon Tuhan ina, sabapan kaayaran bi, tapampan bi na behe jama ma kulang akka mitsala kaam pa kalaatan ni kaawam da.

1 Pitel 4:2

Honaꞌ-honaꞌ na, ddong na ya nganduwan napsu na ma maat. Ilooy sa karomanan na sinulut yana kahandak Tuhan halloman na masi llum.

Siga Pakaradjaan bay Pinalahil 22:14

“Njawom supaat sina sagannap ma mopoan juba da mari yaꞌ na luu tamak na, batan binuwanan sila kapatut pingkaꞌ man siga lawang paasok pa jawom daira looy. Maka binuwanan du sila kapatut mangan buwaꞌ kayu looy ma muwan kaallum ma yaꞌ luu katapusan na.

Siga Pakaradjaan bay Pinalahil 3:5

“Na soysoy ina kanaalla mmeꞌ niyaku tanne-pasuꞌ, malaingkan pinapatukan du sina mintu pamakoy poteꞌ. Maka basta yaꞌ du sina pawman ku awon da man jawom Būk Kaallum man ngalista awon sagannap ma luu kasampulnaan nyawa da saumu-umu. Boꞌ na, mangaku du sina ku sila sukuꞌ ku ni awpan Mmaꞌ ku Tuhan ka ga malaikat na.