Matiyu 6:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Bila kam maku duwaa pa Tuhan, meꞌ tuu hantang na, yuk bi, ‘Tuhan, Mmaꞌ kami ni sulgaꞌ, kamura-murahan pinaehe na pin awon nu meꞌ jama sikamimon.

Matiyu 6:9 ပူးပေါင်းရင်းမြစ်များ

Matiyu 10:29

“Yaꞌ du sina kam pinabiya meꞌ Tuhan. Mindoga jaꞌ kam ni siga maya ma ndagangan ni tabuꞌ. San yaꞌ meꞌ noy hagaꞌ da, njagahan du meꞌ Mmaꞌ tabi Tuhan. Bong luu san lasa disu bay labuꞌ pa taꞌ tanaꞌ, mastiꞌ katoonan na jaꞌ.

Matiyu 26:29

Baan ta kam, ituu sa situ katapusan waktu ku nginum tubaꞌ anggul ka kaam. Sakayi ku itu nginum ka kaam pabalik, noy bahau na kahalan tabi njawom pamarinta Mmaꞌ ku.”

Matiyu 26:42

Pag-anu siꞌ, lakka na baw si Isa pabalik, boꞌ na maku duwaa ni kaminduwa na, yuk na, “Maꞌ, bong yaꞌ na luu dapat man ngalakkahan kamalasahiyan mehe ma song tuwaꞌ njataꞌ ku, mastiꞌ subay kahandak nu binean.”

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Matiyu 6:14

Pag-anu, yuk si Isa lagi, “Bong ina kam ngampun jama ma dusahan ningkaam, inampun du sina kam meꞌ Mmaꞌ bi ni sulgaꞌ.

Matiyu 6:6

Arapun bila kam maku duwaa, pilay kam pa jawom bilik bi maka tambohun bi lawang gantaꞌ yaꞌ takita meꞌ jama. Batan minsan ina yaꞌ tasayu jama, takita du sina meꞌ Mmaꞌ bi ma yaꞌ takita. Maka iya sa nungbasan kaam.

Matiyu 7:11

Na bong kaam manusiyaꞌ ma ndang dusahan pandoy muwan pabuwatan ayad ni anak bi, labi na Mmaꞌ bi Tuhan ni sulgaꞌ saꞌ pandoy muwan ga pakaradjaan ayad ni sagannap ma maku niiya.

Lukas 15:18

Gam na ku pabeleng pa mman mmaꞌ ku. Takka ku mintu, yuk ku, “Maꞌ, tud mehe dusa ku pa Tuhan sampay ningkau.

Lukas 15:21

Yuk anak na niiya, ‘Maꞌ, tud mehe la dusa ku pa Tuhan sampay ningkau. Yaꞌ na san ku pataꞌ inawnan anak nu.’

Lukas 2:14

“Pudji mehe pa Tuhan ni sulgaꞌ! Luu na kasalassayan bay papitu na pa junyaꞌ ni kaehe timbang na pa manusiyaꞌ.”

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Suwat si Pol pa mman Baanan Sukuꞌ si Isa ndooy ni Rom 1:7

Meꞌ kaam siga kakasi Tuhan nnaa ni Rom ma bay lliyun binuwat sukuꞌ na, kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

Suwat si Pol pa mman Baanan Sukuꞌ si Isa ndooy ni Rom 8:15

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

Galatiya 1:1

Ituu itu aku, yana si Pol, disu rasul si Isa Almasi. Itu suwat ku pa mman bi siga baanan sukuꞌ si Isa nnaa ni sikaliput Galatiya. Ni kapasal pagkarasul ku itu, saꞌ manusiyaꞌ bay nguwakilan aku nohoꞌ masaplag. Ilooy ya bay nguwakilan aku yana si Isa Almasi mismu ka Mmaꞌ tabi Tuhan ma bay makallum iya pabalik. Duhuꞌ-duhuꞌ bitsala ku, salam duwaa ningkaam man kami ka mimon soheꞌ ku ntuu ma pitsayaꞌ ni si Isa.

Galatiya 4:6

Dari pagka anak Tuhan na kitabi, lay na kitabi pinaasokan leꞌ Tuhan Rū Anak na pa jawom atay tabi. Maka ilooy na poonan tabi dari na ngawnan Tuhan Mmaꞌ tabi.

1 Timuti 6:16

Isu-isu iya yaꞌ luu kapatoy na. Maglahat ya njawom dantaꞌ saꞌ alang-alang ma yaꞌ tasōng leꞌ manusiyaꞌ ni kasilaw na. Yaꞌ luu manusiyaꞌ bay pingkaꞌ ngita iya batan ndang niyaꞌ ya takita. Maka iya du ngantanan kawasa magbayaꞌ saumu-umu. Tawop ya binuwanan kabantugan mehe. Amin.

1 Pitel 1:17

Na san ina kam magmmaꞌ na ni Tuhan, ingatun bi masi du sina ya tukang ngahukum. Iya du sina mintu nungbasan manusiyaꞌ saliꞌ-saliꞌ magbēꞌ ka pabuwatan da mahap-maat. Yaꞌ ya minig jama. Sangkon, halloman tabi magsampihan ni junyaꞌ tuu, subay luu tawu tabi pa Tuhan.

Siga Pakaradjaan bay Pinalahil 4:11

“Kau ina Papuꞌ kami maka Tuhan kami. Tawop ko binuwanan pudji ka kabantugan mehe. Kau Sangat Kawasa batan kau bay mapayak mimon-mimon. Yaꞌ luu oy maka oy na bong saꞌ man kahandak nu.”

Siga Pakaradjaan bay Pinalahil 5:12

Bbuwatan da labbasakayi haboy-haboy ngahowap, yuk da, “Bili-bili tuu ma bay pingkaꞌ sinumbaliꞌ tud tawop pinudji sampay binuwanan kabantugan mehe. Tawop ya ngantanan mimon kawasa, mimon daya, mimon pangahati, ka mimon gaos.”