Matiyu 6:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ supaya yaꞌ tasayu jama. Ndang-ndang takita du leꞌ Mmaꞌ bi Tuhan ni sulgaꞌ, maka iya sa nungbasan kaam.

Matiyu 6:4 ပူးပေါင်းရင်းမြစ်များ

Matiyu 10:42

Maka soysoy ina muwan san lasa disu sawan boheꞌ ni mulit ku, san du pooy diyoꞌ mulit ku ni bandingan manusiyaꞌ, basta tinungbasan jaꞌ sina ya leꞌ Tuhan.”

Matiyu 6:18

Batan minsan ina yaꞌ tasayu jama, takita du leꞌ Mmaꞌ bi ma yaꞌ takita. Boꞌ iya sa nungbasan kaam.”

Matiyu 6:3

Sangkon bila kam naraka ni jama miskin, daa kam maan jama minsan gi bagay bi banahan

Matiyu 6:6

Arapun bila kam maku duwaa, pilay kam pa jawom bilik bi maka tambohun bi lawang gantaꞌ yaꞌ takita meꞌ jama. Batan minsan ina yaꞌ tasayu jama, takita du sina meꞌ Mmaꞌ bi ma yaꞌ takita. Maka iya sa nungbasan kaam.

Lukas 14:14

Bong siꞌ ina ko buwat meꞌ naa, mastiꞌ sinupaatan sina ko. Batan minsan gantaan yaꞌ tatungbasan da buddi nu njataꞌ da, Tuhan sa nungbasan kau ni llaw man na makallum sagannap ma intong ni mata na.”

Lukas 8:17

Batan basta ina lay na ginowet palitaan, yaꞌ luu saꞌ karantaan meꞌ na. Intong na, pag pōꞌ kabanahan, mimon ma bay llimbuhan, pinalahil na. Damikiyan, mimon ma bay sinipuk, kinatoonan na.

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

Hibrani 4:13

Tuhan ina yaꞌ talimbuhan. Mimon-mimon mastiꞌ takita na jaꞌ. Boꞌ na, iya na sina mintu man tabi paawop magsabanna ni mimon bay pabuwat tabi.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.