Matiyu 6:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ “Sangkon, daa na kam hanggaw ni hāl meꞌ bi llum, meꞌ sapantun hāl kinakan ka inuman sampay pamakoy bi. Pagka ina Tuhan bay muwanan kaam napas ka baran, labi na baw bong sat kinakan ka pamakoy saꞌ tapamuwan na.

Matiyu 6:25 ပူးပေါင်းရင်းမြစ်များ

Matiyu 10:19

Bila kam mintu sinumariya na, daa na kam hanggaw bong oy tampung bi. Ndang-ndang luu du sina Rū Tuhan ngunungan kaam sampay muwanan kaam bitsala pataꞌ man nampung.

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Matiyu 6:31

Sangkon, daa na kam hanggaw ni kapasal pooy meꞌ bi koleꞌ kinakan ka inuman atawa pamakoy.

Matiyu 6:34

Sangkon, daa na kam hanggaw ni hāl ma inabut meꞌ bi sumawung. Saddong na siga problema ma luu ni llaw tuu, san daa na sampunan bi.”

Malkus 13:11

“Na bila kam mintu tasungkub sampay pina-ntan pa huwis sinumariya, daa na kam hanggaw bong oy subay halling bi man ngandaawa. Luu du Rū Sutsiꞌ ngunungan kaam sampay muwanan kaam bitsala pataꞌ man nampung. Dari bitsala bi ina mintu lakka man Rū Sutsiꞌ, saꞌ na lakka man pamiki bi dī bi.

Malkus 4:19

sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn sampay ni kajinisan. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Lukas 12:11

“Na luu du sina mintu masa bi sinungkuban sabap mmeꞌ na kam niyaku, boꞌ bi binoo pa langga atawa pa lumaꞌ saraꞌ hinukum. Pag ina mintu luu na katuwaꞌ ningkaam meꞌ looy, daa na kam hanggaw bong pooy meꞌ bi nampung atawa oy subay halling bi.

Lukas 8:14

Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ sugaꞌ wā sila hanggaw ni hāl meꞌ da llum ni junyaꞌ. Altaꞌ tud hagaan ninsila. Maka meꞌ da nganduwan napsu da ni kajinisan meꞌ punu njawom atay da. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Suwat si Pol pa mman Baanan Sukuꞌ si Isa ndooy ni Rom 8:32

Maka pagka Tuhan bay mangatas nongan umu Anak na kalnaꞌ kitabi sikamimon, mastiꞌ dean na du sina mintu ningkitabi mimon supaat ma bay njanjiꞌ meꞌ na.

1 Korin 7:32

Kon ku ilay siꞌ halling meꞌ looy mari kam sumunsayaꞌ makutuꞌ kahandak Papuꞌ. Bong nnaꞌ ta pa lalla yaꞌ ndahan, yaꞌ luu kasanggalang niiya maghulas-sangsāꞌ kalnaꞌ Papuꞌ ka nulut kahandak na.

Pilipi 4:6

Oy-oy jaꞌ katuwaꞌ ningkaam, daa kam susa. Gam pin maku kam pa Tuhan oy-oy jaꞌ gunahan ningkaam maka daa takupan bi muwan pagsukuhan niiya.

2 Timuti 2:4

Indanan nu bitsala ku. Bong ina sundalu kanaalla, yaꞌ ya palamud ni jinisan hāl ma pinandang leꞌ siga sibilyan. Iya pandang na, meꞌ na nulut kahandak komandel na.

1 Pitel 5:7

Suhuran bi na mimon kasusahan bi pa Tuhan sabap hagaan kam niiya.