Matiyu 6:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² “Sangkon bila kam naraka ni jama miskin, daa na kam ngakig jama ma magbawuꞌ-bawuꞌ jaꞌ sutsiꞌ. Jama meꞌ looy ilay naraka du bong meka jama kumpo ni langga atawa ni mayran bong pin sila sinanglitan jaꞌ meꞌ manusiyaꞌ. Sugaꞌ baan ta kam banahan, pag taabut da sinanglitan meꞌ jama, ngkod looy du silay tungbas takoleꞌ da.

Matiyu 6:2 ပူးပေါင်းရင်းမြစ်များ

Matiyu 15:7

Magbawuꞌ-bawuꞌ jaꞌ bina kam sutsiꞌ. Tud lay bana tuwaꞌ pa kaam palman ma bay sinuwatan meꞌ Nabi Isaya, ilooy ma yuk Tuhan,

Matiyu 22:18

Na si Isa baw siꞌ tu tasayu na du maksud da niit bitsala na. Dari yuk na, “Kaam tu, magbawuꞌ-bawuꞌ jaꞌ bina kam hilas nilaw. Ongoy kam nallok-nallok aku?

Matiyu 23:5

“Sikamimon tangge-tingkōꞌ da man magpakita-kita sadjaꞌ mari sila sinanglitan. Ndaun bi doꞌ ba pangannaan suwat man jawom kitab bay kinabit ni tundun da ka langngon da. Maka ndaun bi doꞌ ba tahaꞌ jambu ni battis juba da man da magpakita-kita.

Matiyu 23:6

Bong ni paballangan atawa ni langga, kainagon da pinatingkōꞌ ni paningkoan balbangsa.

Matiyu 24:51

Dari pinidjalaꞌ ya pabasag saꞌ alang-alang sampay inannaꞌ gi ni lugar sagannap ma magbawuꞌ-bawuꞌ jaꞌ sutsiꞌ. Boꞌ ndooy na sila mag-ulawi sampay magkattop naggaan paddi.”

Matiyu 5:18

Baan ta kam banahan, halloman itu luu gi gumi ka langit, bong inawnan saraꞌ Tuhan, yaꞌ sina luu tabaluba. San disu tumbuk atawa pun disu batang suwat siga saraꞌ, yaꞌ sina lungay ngkod-ngkoran yaꞌ gi bay magjatu garaꞌ Tuhan labbasakayi.

Matiyu 6:16

“Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 6:3

Sangkon bila kam naraka ni jama miskin, daa kam maan jama minsan gi bagay bi banahan

Matiyu 6:5

“Maka bila kam maku duwaa pa Tuhan, daa na du kam ngakig jama ma magbawuꞌ-bawuꞌ jaꞌ sutsiꞌ. Sila ina tigiꞌ maku duwaa bila meka na jama kumpo ni langga atawa ni mayran bong pin sila takita leꞌ manusiyaꞌ. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 7:5

Magbawuꞌ-bawuꞌ jaꞌ bina kam sutsiꞌ. Subay siꞌ kaddoan bi doꞌ duhuꞌ batang ni mata bi mari tampak pangandaan bi ngaddoan boboꞌ-boboꞌ man mata soheꞌ bi.”

Malkus 12:39

Bong ni jawom langga, kainagon da subay sila ni lugar patingkat ni duhuan. Luu-luu paballangan, kainagon da subay sila pinaehe nohoꞌ ningkōꞌ ni paningkoan numbul satu.

Malkus 7:6

Pag tampung si Isa, “Kaam tu, magbawuꞌ-bawuꞌ jaꞌ kam sutsiꞌ. Tud lay du bana tuwaꞌ pa kaam palman ma bay sinuwatan meꞌ Nabi Isaya mattoꞌ, ilooy ma yuk Tuhan, ‘Ga jama tuu, bong ni bitsala pōꞌ man jawom behe da, maehe sila aku. Sugaꞌ njawom atay da, yaꞌ san hagaan ninsila kahandak ku.

Lukas 11:41

Naraka kam ni jama miskin ni kahilas atay bi. Meꞌ looy ilay, luu na sipat sutsiꞌ na atay bi.

Lukas 11:43

“Siya-siya kam la siga Parisi! Bong kam njawom langga, kainagon bi subay na pin kaam ni lugar patingkat ni duhuan. Maka tuktuk bi ni mayran, kainagon bi subay na pin kam inalak.

Lukas 12:33

Bong ina kam ngumpo altaꞌ ntuu ni junyaꞌ, adakala tatangkaw lagi meꞌ sugaru atawa tapakaat meꞌ bokeꞌ. Sangkon gam na kam maballihan altaꞌ bi boꞌ pagsarakahun bi ni siga jama miskin. Meꞌ looy ilay, sibuꞌ du kam ka ngumpo altaꞌ ni sulgaꞌ ma yaꞌ na kuhi lungay atawa katis saumu.

Lukas 12:56

Pandoy baw kam mindogahan kaadaan lahat, sugaꞌ ongoy baw taggahaꞌ yaꞌ san tabistu bi bong oy pabuwat Tuhan ni batnaa? Mag-awam-awaman jaꞌ bitu kam.

Lukas 13:15

Tampung Papuꞌ Isa niiya, “Uy la, kaam bitu magbawuꞌ-bawuꞌ jaꞌ intong pa Tuhan. Kira ku san gi Llaw Pahali, yaꞌ san kam luu san disu yaꞌ bay ngalakkahan ingkot sapiꞌ bi atawa kuraꞌ bi, boꞌ tinondaꞌ pa boheꞌ pinainum.

Lukas 20:46

“Iyakin kam taggahaꞌ lay na baw kam mintu kalakkotan meꞌ tabiat siga guru saraꞌ agama. Sila ina bong lumān, tigiꞌ sila magparorog ka juba ayad. Kainagon da subay sila inalak ni mayran. Bong ni jawom langga, kainagon da subay na pin sila ni lugar patingkat ni duhuan. Luu-luu paballangan, kainagon da subay sila pinaehe nohoꞌ ningkōꞌ ni paningkoan numbul satu.

Lukas 6:24

“Boꞌ kaam ina ma dayahan, ma masannang dī bi sadjaꞌ ka altaꞌ bi, tud siya-siya sina kam. Lay na takoleꞌ bi kasannangan bi ntuu ni junyaꞌ, pag ni sinōng, yaꞌ na luu.

Lukas 6:42

Yaꞌ sina sikatuwaꞌ bong kam magtuyuꞌ ngalakkahan boboꞌ-boboꞌ ni mata soheꞌ bi, bong masi luu batang ni mata bi. Magbawuꞌ-bawuꞌ jaꞌ sina kam sutsiꞌ bong kam buwat meꞌ looy. Subay siꞌ kaddoan bi doꞌ duhuꞌ batang ni mata bi mari tampak pangandaan bi ngaddoan boboꞌ-boboꞌ man mata soheꞌ bi.”

Yahiya 13:29

Sangka kasohean pagka si Judas tukang ngantanan sīn da, bay jaꞌ ya sohoꞌ si Isa malli barang halliꞌ ni paballangan da atawa nohoꞌ muwanan jama miskin sīn.

Yahiya 5:41

“Na aku tu mitsala meꞌ tuu, yaꞌ du tu ku muhung sanglit manusiyaꞌ.

Yahiya 5:44

“Kaam ina, inaa katigian bi meꞌ bi sibuwan-buwan sanglit. Sugaꞌ bong sanglit man Tuhan, yaꞌ luu hagaꞌ na ningkaam. Sangkon tunmanūn sina meꞌ bi pitsayaꞌ niyaku.

Yahiya 7:18

Bong ina luu jama nōꞌ makoy akka ma lakka man dī na sadjaꞌ, ilooy du puhung na, sanglit ni dī na. Boꞌ aku tu saꞌ meꞌ naa. Bila ku nōꞌ na, ilooy ya puhung ku sanglit ni jataꞌ ilooy ma bay mapitu aku. Kamura-murahan tabista bi du bonto ku maka intong jaꞌ niyat ku.

Salsila siga Rasul 10:2

Iya ilay siꞌ sampay na mimon jama lumaꞌ na ngisbat Tuhan maka luu du tawu da niiya. Sarī gi, daran ya narakahan jama miskin sampay basag ya maku duwaa pa Tuhan.

Salsila siga Rasul 10:31

Yuk na, ‘Ū Kolniliyus, siga duwaa nu ilay ka ga saraka nu ni jama miskin lay na du inindanan meꞌ Tuhan.’ Maka yuk na,

Salsila siga Rasul 10:4

Na si Kolniliyus siꞌ tu tud bay tawu njawom na matong malaikat looy. Yuk na, “Oy lay siꞌ Tuwan?” Pag tampung malaikat looy, “Siga duwaa nu ilay sampay na siga saraka nu ni jama miskin lay na du inindanan meꞌ Tuhan.

Salsila siga Rasul 11:29

Dari sabap luu na takka gotom looy siꞌ, kuwan sagannap ma mmeꞌ ni si Isa ndooy ni Antiyok, lay isun mokon sīn ngkod ma takaya da pa mman pagkahi da sukuꞌ si Isa ndooy ni Yahudiya.

Salsila siga Rasul 24:17

“Na paddus ku bay ngalataan kalahat-lahatan daka dangon taun na, bahau jaꞌ situ ku bay pabeleng pa Jerusalem. Maksud ku masampay sīn bay pinokonan meꞌ siga bangsa sarī man narakahan siga pagkahi ku Yahudi ma njawom tiksaꞌ. Maka luu du maksud ku ndooy mmeꞌ nong kulban pa Tuhan.

Salsila siga Rasul 9:36

Na ni lahat looy siꞌ, luu gi disu daira inawnan Joppa. Ndooy siꞌ, luu disu danda ma mmeꞌ ni si Isa inawnan si Tabita. Bong ni pallun Greek, si Dolkas. Iya ilay wā buwat mahap ni jama sampay nulung jama miskin.

Suwat si Pol pa mman Baanan Sukuꞌ si Isa ndooy ni Rom 12:8

Damikiyan, ma kaladjikian magamgaman atay jama, subay du pakutuꞌ na. Ma bay kaladjikian sīnan, subay yaꞌ tingot nulung siga pagkahi na ma sigpit. Bong luu bay kaladjikian alistu magpa-mmean, subay du ya tiggo magtakōk. Ma kaladjikian manimbang, subay du ya manimbang ni kagāk atay na nabangan jama.

1 Korin 13:3

San gi dean ta mimon altaꞌ ta jama miskin, maka san gi atas ta baran ta tinunu kalnaꞌ si Isa, bong yaꞌ du luu aseꞌ ta ni jama, yaꞌ du luu sōng na.

Galatiya 2:10

Ilooy du bay amay-amayan da ningkami, subay kami yaꞌ mabiya siga jama miskin. Boꞌ ndang tigiꞌ du ku nulung ninsila.

Epesus 4:28

Bong kam luu nnaa tangan-tanganan, tagongan bi na. Arapun miha na kam usaha halal mari luu sampay man bi nulung jama miskin.

1 Tesaloneka 2:6

Maka yaꞌ du kami bay muhung subay na pin pinaehe meꞌ bi atawa pinaehe meꞌ jama sarī.

1 Timuti 6:18

Maka baan nu sila subay sila tigiꞌ buwat mahap ni jama. Mangkin meka na pilak da, mangkin subay meka na kaayaran pabuwat da. Daa sila sohoun sēng nulung jama njawom tiksaꞌ, gam pin subay sila mahampitan jama tiksaꞌ paeka.

Pilimun 1:7

Tud gāk ku danganakan, maka hayang na situ pamiki ku sabapan aseꞌ nu ni siga pagkahi nu sukuꞌ Tuhan nnaa. Dari man sabapan aseꞌ nu ina, mehe na meꞌ da gāk.

Hibrani 13:16

Maka daa na layam-layam tabi meꞌ tabi buwat mahap ni jama sampay meꞌ tabi nulung sagannap ma sigpit. Batan meꞌ naa ina, sibuꞌ du kitabi ka bay nongan jakat ma kasulut ni Tuhan.

1 Pitel 4:11

Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.