Matiyu 6:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ “Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 6:16 ပူးပေါင်းရင်းမြစ်များ

Matiyu 6:1

Yuk si Isa lagi, “Paayad-ayad kam. Bila kam magtaat, daa sabtanan bi subay na pin sasang meka jama ngita. Bong ina meꞌ naa maksud bi, yaꞌ sina luu tungbas takoleꞌ bi man Mmaꞌ bi Tuhan ni sulgaꞌ.

Matiyu 6:2

“Sangkon bila kam naraka ni jama miskin, daa na kam ngakig jama ma magbawuꞌ-bawuꞌ jaꞌ sutsiꞌ. Jama meꞌ looy ilay naraka du bong meka jama kumpo ni langga atawa ni mayran bong pin sila sinanglitan jaꞌ meꞌ manusiyaꞌ. Sugaꞌ baan ta kam banahan, pag taabut da sinanglitan meꞌ jama, ngkod looy du silay tungbas takoleꞌ da.

Matiyu 6:5

“Maka bila kam maku duwaa pa Tuhan, daa na du kam ngakig jama ma magbawuꞌ-bawuꞌ jaꞌ sutsiꞌ. Sila ina tigiꞌ maku duwaa bila meka na jama kumpo ni langga atawa ni mayran bong pin sila takita leꞌ manusiyaꞌ. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Malkus 2:18

Na luu disu waktu, siga mulit si Yahiya ma Tukang Mandi ka ga mulit siga Parisi saliꞌ-saliꞌ puwasa. Dari buwatan kasohean jama, lay bay pa mman si Isa nilaw, yuk da, “Ongoy ilay siga mulit si Yahiya ka ga mulit siga Parisi puwasa, boꞌ ningkau, niyaꞌ san?”

Lukas 18:12

Aku itu puwasa min duwa njawom sakayi pituꞌ, maka nganjakat ku sabahagiꞌ sapū ni mimon ma bay tausaha ku.’

Lukas 2:37

Boꞌ yaꞌ na san ya bay llahan pabalik. Iya siꞌ tu mag-umu na umpuꞌ-mpat taun. Sangom-llaw luu na pin ya ndooy ni langga mehe numba Tuhan. Boꞌ daran gi ya puwasa sampay maku duwaa pa Tuhan.

Salsila siga Rasul 10:30

Pag tampung si Kolniliyus, “Tuwan, bohoꞌ tallu ngallaw bay pingkaꞌ, lay ku maku duwaa njawom lumaꞌ kami ga meꞌ tuu du lisag tallu kohap. Mindangoy ko, luu na lalla tulun ni awpan ku nahayaꞌ na pamakoy na.

Salsila siga Rasul 14:23

Na ni siga daira looy siꞌ man da bay pilay, ninggai-ninggai luu baanan sukuꞌ si Isa, lay sila binoo meꞌ si Pol ka si Balnabas kumpo-kumpo. Boꞌ lay gi sila puwasa ka maku duwaa pa Tuhan. Pus meꞌ looy, lay na baw ga si Pol nguwakilan kasohean sila binuwat siga pa-mmean. Pag-anu, boꞌ ga si Pol makuhan siga pa-mmean looy ka sikamimon ndiyoan da duwaa mari sila inayaran meꞌ Papuꞌ Isa ma kinapitsayaan na meꞌ da.

1 Korin 7:5

Sangkon, daa na kam sisaggaꞌ-saggaꞌ ka dawom soheꞌ bi sitampu. Sugaꞌ bong baw luu pagsulutan bi naggaan napsu bi sabap luu san lasa dangoy ngallaw bay pagniyatan bi man maku duwaa, dari san kam yaꞌ na doꞌ sitapit. Sugaꞌ pag lupus waktu meꞌ looy, subay du kam siduwan-duwan dawom, taggahaꞌ yaꞌ na taagak bi dī bi sampay man bi takoleꞌ sinasat meꞌ Ibilis.

2 Korin 11:27

Min meka na situ ku bay lumingkaꞌ lamma banahan hangat magtuyuꞌ kalnaꞌ Tuhan. Daran ku bay pingkaꞌ yaꞌ tuli timpus dambahangi. Kansang gi ku bay naggaan lingantu sampay tohoꞌ kallong. Daran gi ku bay kakatisan balanjaꞌ sampay natasan tanne, boꞌ kulang pamakoy gi ku.

2 Korin 6:5

Tamūd llagpiꞌ kami sampay njīl. Tamūd llān kami meꞌ siga baanan jama hiluhalaꞌ nguntra kami. Sarī gi, daran yaꞌ luu kahali kami hangat kami maghulas-sangsāꞌ masampay umanat mahap. Tamūd natas na jaꞌ kami yaꞌ tuli timpus dambahangi sampay naggaan lingantu.