Matiyu 6:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Pag-anu, yuk si Isa lagi, “Bong ina kam ngampun jama ma dusahan ningkaam, inampun du sina kam meꞌ Mmaꞌ bi ni sulgaꞌ.

Matiyu 6:14 ပူးပေါင်းရင်းမြစ်များ

Matiyu 5:7

Njawom supaat sina sagannap ma manimbang ni pagkahi da manusiyaꞌ, batan pinanimbangan du sina sila meꞌ Tuhan.

Matiyu 6:12

Maka ampunun doꞌ kami ni dusa kami batan lay na du kami ngampun sagannap ma dusahan ningkami.

Matiyu 7:2

Batan pooy-pooy jaꞌ ina meꞌ bi manding jama, meꞌ naa du sina meꞌ Tuhan ka pagkahi bi manding kaam. Bong nnaꞌ ta pa sukatan bohas, pooy-pooy sukatan pakoy bi ni pagkahi bi, meꞌ naa du sina sukatan pinakoy ningkaam.

Malkus 11:25

Sugaꞌ bila kam maku duwaa, subay kam duhuꞌ ngampun soysoy dusahan ningkaam supaya inampun na du kam meꞌ Mmaꞌ bi ni sulgaꞌ.

Lukas 6:37

Maka yuk si Isa, “Daa kam os-os manding jama pa kalaatan, taggahaꞌ kaam na baw binanding pa kalaatan. Damikiyan, daa kam os-os nusunan jama, taggahaꞌ sinusunan du kam. Ampunun bi sagannap ma buwat maat ningkaam, boꞌ bi binuwanan du kaampunan.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.

Kolossa 3:13

Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.

Yaꞌkub 2:13

Batan pag ina mintu taabut llaw hukuman, soysoy yaꞌ bay manimbang ni pagkahi na manusiyaꞌ, yaꞌ du ya pinanimbangan meꞌ Tuhan. Sugaꞌ sagannap ma bay manimbang, yaꞌ na luu katawuhan da ni llaw hukuman.

1 Yahiya 3:10

Na meꞌ tabi ngila bong soy siga anak Tuhan maka soy siga anak Ibilis meꞌ tuu: Soysoy yaꞌ buwat kaintongan maka yaꞌ maasean siga pagkahi na manusiyaꞌ, saꞌ ya anak Tuhan.