Matiyu 6:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Kamura-murahan lillaꞌ na mimon manusiyaꞌ ni pamarinta nu supaya kahandak nu jaꞌ pinabuwat ni junyaꞌ meꞌ ndooy du ni sulgaꞌ.

Matiyu 6:10 ပူးပေါင်းရင်းမြစ်များ

Matiyu 12:50

Batan sagannap ma mean kahandak Mmaꞌ ku ni sulgaꞌ, sila pun ina bilang ku du ga danganakan ku ka nneꞌ ku.”

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 26:42

Pag-anu siꞌ, lakka na baw si Isa pabalik, boꞌ na maku duwaa ni kaminduwa na, yuk na, “Maꞌ, bong yaꞌ na luu dapat man ngalakkahan kamalasahiyan mehe ma song tuwaꞌ njataꞌ ku, mastiꞌ subay kahandak nu binean.”

Matiyu 3:2

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Matiyu 4:17

Dari pag takka si Isa pa Kapelniyum, labba mandooy lay na ya nagnaꞌ masaplagan jama, yuk na, “Nawbat na kam sabap tapit na katakka pamarinta Tuhan.”

Matiyu 7:21

Maka yuk si Isa, “San ina meka jama ngawnan aku ‘Papuꞌ,’ saꞌ du baw sina mintu mimon sila tabeꞌ ni pamarinta Tuhan. Ilooy du ilay mintu tabeꞌ yana sagannap ma mean kahandak Mmaꞌ ku ni sulgaꞌ.

Malkus 11:10

Sinupaatan pamarinta jama naa ma pagantiꞌ ni pagkasultan bboꞌ tabi Sultan Daud! Pudji tabi Tuhan ni sulgaꞌ!”

Malkus 3:35

Batan sagannap ma mean kahandak Tuhan, sila pun ina bilang ku du ga danganakan ku ka nneꞌ ku.”

Lukas 19:11

Na pag tapit jaꞌ siꞌ si Isa pa Jerusalem, kuwan ga jama ma mmeꞌ niiya, holat da pag takka da pilay, matangge na si Isa pamarinta Tuhan, boꞌ iya na magsultan ninsila. Pag tabistu si Isa meꞌ looy pamiki da, lay ya ngandalil,

Lukas 19:38

Yuk da, “Sinupaatan la sultan naa ma pitu ni kawasa-kapatut Papuꞌ tabi Tuhan. Itu na ya moo kasalassayan mari tabi mahap na pa Tuhan. Pudji tabi Tuhan ni sulgaꞌ.”

Lukas 22:42

Yuk na, “Maꞌ, bong siꞌ ko kuhi, hawasan nu na kamalasahiyan ma bay gantaꞌ nu njataꞌ ku. Sugaꞌ subay baw kahandak nu binean, saꞌ ga niyaku.”

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Yahiya 7:17

Soysoy ina doman mean kahandak Tuhan, malaingkan tasilang na jaꞌ bong tōꞌ ku tud lakka man Tuhan atawa lakka man dī ku sadjaꞌ.

Salsila siga Rasul 13:22

Pag lay llakkahan si Sol man ntan na meꞌ Tuhan, lay na baw pinagantiꞌ si Daud magsultan. Boꞌ luu gi silay palman tuwaꞌ pa iya, ilooy ma yuk Tuhan, ‘Kasulutan ku ni si Daud, anak si Jesse, sabap dambuwaꞌ atay kami. Iya ina mmeꞌ ni kahandak ku.’ ”

Salsila siga Rasul 21:14

Na pag yaꞌ jaꞌ siꞌ ya takoleꞌ kami binitsalahan, lay na jaꞌ kami diyam-diyam. Ilooy sa bay tapahalling kami, “Kamura-murahan kahandak Papuꞌ jaꞌ binean.”

Salsila siga Rasul 22:14

“Yuk si Ananiyas niyaku, ‘Kau na sina bay pineneꞌ meꞌ Tuhan kabboꞌ-bboan ta man na makitau bong oy kahandak na. Sangkon lay na silay pinalahil ningkau Ilooy ma Intong, yana si Isa Almasi, sampay lay na takale nu suwara na.

Suwat si Pol pa mman Baanan Sukuꞌ si Isa ndooy ni Rom 12:2

Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

Epesus 6:6

Daa subay na pin ni awpan papuꞌ bi boꞌ bi buwat paayad. Arapun takita kam atawa niyaꞌ, subay kam magkanaalla buwat. Ingatun bi dī bi ata Almasi tiggo buwat kahandak Tuhan.

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.

Kolossa 1:9

Dari labba man llaw kami bay kaakahan pasal kaam, yaꞌ na situ bakkat meꞌ kami makuhan kaam duwaa pa Tuhan. Kamura-murahan binuwanan na pin kam meꞌ Rū Sutsiꞌ akka lawom ka pangahati supaya tahati bi na banahan bong oy kahandak Tuhan ningkaam.

1 Tesaloneka 4:3

Kahandak Tuhan ina subay kitabi sutsiꞌ. Sangkon bong kinawnan jina, basta palawak kam.

1 Tesaloneka 5:18

Maka mahap-maat kahalan bi, daa dohongan bi meꞌ bi muwanan Tuhan pagsukuhan. Batan ndang inaa sina kahandak Tuhan ningkitabi ma tibuuk na ka si Isa Almasi.

Hibrani 1:14

Boꞌ siga malaikat ina sosohoan Tuhan sadjaꞌ sinohoꞌ ngayaran mimon manusiyaꞌ ma koleꞌ kasalamatan man Tuhan.

Hibrani 10:36

Subay kam natas njawom kabinsanaan supaya tapabuwat bi kahandak Tuhan sampay pa katapusan. Meꞌ looy ilay, takoleꞌ bi na sina mintu mimon ma bay njanjiꞌ meꞌ Tuhan ni sukuꞌ na.

Hibrani 10:7

Sangkon yuk Almasi lagi pa Tuhan, “Sugaꞌ itu na du ku nganduwan kahandak nu meꞌ ndang bay tinunaꞌ njawom kitab pasal aku.”

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

1 Pitel 2:15

Kainagon Tuhan ina, sabapan kaayaran bi, tapampan bi na behe jama ma kulang akka mitsala kaam pa kalaatan ni kaawam da.

1 Pitel 4:2

Honaꞌ-honaꞌ na, ddong na ya nganduwan napsu na ma maat. Ilooy sa karomanan na sinulut yana kahandak Tuhan halloman na masi llum.

Siga Pakaradjaan bay Pinalahil 11:15

Pag-anu siꞌ, pasīng na baw malaikat looy ni kapituꞌ na niyup tabuliꞌ na. Pag pōꞌ halling na, ilooy ma luu siga suwara ngahowap ni sulgaꞌ, yuk da, “Labba man batnaa, yaꞌ na luu pamarinta manusiyaꞌ ni junyaꞌ, isu-isu pamarinta Papuꞌ tabi Tuhan ka ilooy ma bay peneꞌ na, yana Almasi. Boꞌ iya sa marinta saumu-umu.”

Siga Pakaradjaan bay Pinalahil 12:10

Pag-anu siꞌ, kale na baw ku suwara haddo lakka man sulgaꞌ, yuk na, “Batnaa luu na takka kasalamatan ka kawasa man Tuhan tabi ddas ka pamarinta na. Maka luu na takka kawasa-kapatut Almasi, ilooy ma bay pineneꞌ meꞌ Tuhan marinta. Batan lai na Ibilis pinōꞌ man sulgaꞌ, panumbung looy ma sangom-llaw malaat siga pagkahi tabi sukuꞌ Almasi pa Tuhan.

Siga Pakaradjaan bay Pinalahil 19:6

Pag-anu siꞌ, luu na baw takale ku meꞌ halling manusiyaꞌ sakiyan ngahowap, subay ga halling sōng mehe tumpa man taꞌ pampang ngallub atawa meꞌ halling guntu nagubtub pabasag, yuk da, “Pudji mehe pa Tuhan Sangat Kawasa batan iya Papuꞌ tabi magbayaꞌ ni mimon-mimon!

Siga Pakaradjaan bay Pinalahil 20:4

Pag-anu siꞌ, ngita na baw ku siga paningkoan ga sultan. Kuwan siga jama ma ningkōꞌ ndooy, lay kabuwanan kapatut ngahukum. Maka luu gi bay takita ku tabeꞌ ninsila siga nyawa sagannap ma bay pinonggolan kallong da sabap meꞌ da bay masaplag pasal si Isa Almasi ka palman Tuhan. Yaꞌ sila bay pingkaꞌ numba sattuwa looy atawa jama-jama bay pinabuwat ni limbagan na. Damikiyan, yaꞌ du sila bay kuhi sinapan ka sāp sattuwa looy ni tundun da atawa ni tangan da. Dari llum na sila pabalik sampay lay na tumabeꞌ ni Almasi magsultan njawom dalibu taun.