Matiyu 6:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Yuk si Isa lagi, “Paayad-ayad kam. Bila kam magtaat, daa sabtanan bi subay na pin sasang meka jama ngita. Bong ina meꞌ naa maksud bi, yaꞌ sina luu tungbas takoleꞌ bi man Mmaꞌ bi Tuhan ni sulgaꞌ.

Matiyu 6:1 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 16:6

Pag-anu, yuk si Isa ninsila, “Paayad-ayad kam. Iyakinan bi pasulig siga Parisi ka ga Saddusi.”

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 23:5

“Sikamimon tangge-tingkōꞌ da man magpakita-kita sadjaꞌ mari sila sinanglitan. Ndaun bi doꞌ ba pangannaan suwat man jawom kitab bay kinabit ni tundun da ka langngon da. Maka ndaun bi doꞌ ba tahaꞌ jambu ni battis juba da man da magpakita-kita.

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Matiyu 5:46

Daa kam mista luu tungbas ayad man Tuhan ngagad kaam bong ilooy du kaasean bi isu-isu sagannap ma maasean kaam. Minsan ina siga tukang ninga sukay ma tanyag baldusa maaseꞌ du ni sagannap ma maaseꞌ ninsila.

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Matiyu 6:16

“Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 6:9

Bila kam maku duwaa pa Tuhan, meꞌ tuu hantang na, yuk bi, ‘Tuhan, Mmaꞌ kami ni sulgaꞌ, kamura-murahan pinaehe na pin awon nu meꞌ jama sikamimon.

Malkus 8:15

Na sasang da masi ngalē, lay sila binandaan meꞌ si Isa, yuk na, “Paayad-ayad kam. Iyakinan bi pasulig siga Parisi ka Gubnul Herod.”

Lukas 11:35

Sangkon paayad-ayad kam taggahaꞌ kanna bi lay na pinadantaan pamiki bi, boꞌ ko, masi kam njawom lindom.

Lukas 12:1

Na jaman looy siꞌ, libu-libuhan na manusiyaꞌ lay kumpo ni awpan si Isa. Magdogsog-dogsog na sila sampay sikagiok-kagiok battis na ga. Na pag nagnaꞌ si Isa mitsala, duhuꞌ-duhuꞌ yuk na ni ga mulit na, “Iyakin kam mari kam yaꞌ kalakkotan meꞌ arat siga Parisi. Sila ina magbawuꞌ-bawuꞌ jaꞌ sutsiꞌ. Kalaatan da ina meꞌ karuha pasulig njawom addunan taligu. Batan tabiat pasulig ina, san dangkitiꞌ du inannaꞌ, pag ngassob na, kalakkotan mimon addunan na.

Lukas 12:15

Pag-anu siꞌ, yuk si Isa ninsila sikamimon ndooy, “Iyakin kam. Ilagan bi napsu mulakab ni altaꞌ. San du ina dangoy eka altaꞌ manusiyaꞌ, yaꞌ du kasampulnaꞌ ni nyawa da.”

Lukas 16:15

Sugaꞌ yuk si Isa ninsila, “Kaam itu, tud alistu baw kam magpakita-kita intong ni mata manusiyaꞌ. Sugaꞌ yaꞌ san tabista bi katoonan Tuhan du kalaatan njawom atay bi. Indanan bi. Meka sina pakaradjaan ma meꞌ punu njawom atay manusiyaꞌ sinukang meꞌ Tuhan.”

Yahiya 12:43

Mas mehe gi ninsila sanglit manusiyaꞌ man sanglit Tuhan.

Yahiya 5:44

“Kaam ina, inaa katigian bi meꞌ bi sibuwan-buwan sanglit. Sugaꞌ bong sanglit man Tuhan, yaꞌ luu hagaꞌ na ningkaam. Sangkon tunmanūn sina meꞌ bi pitsayaꞌ niyaku.

Salsila siga Rasul 3:12

Pag ndaꞌ si Pitel meꞌ looy, yuk na ninsila, “Kaam, pagkahi ku jama Israil, ongoy kam inu-inu? Maka ongoy kam matong kami na pin saula-ula danan lalla tuu kapalān na man kawasa kami atawa sabap basag kami ngisbat Tuhan?

Galatiya 6:12

INDANAN BI, SAGANNAP MA MOGOS KAAM NOHOꞌ INISLAM, INAA DU INA PUHUNG DA SINANGLITAN SABAP MEꞌ DA MOGBOGAN SARAꞌ. YAꞌ SILA DOMAN MANGAKU ISU-ISU KAPATOY SI ISA ALMASI TAꞌ TEHANG YANA JALAN MAN JAMA INITUNG INTONG. ILOOY ILAGAN DA, TAGGAHAꞌ NILAUGAN NA BAW SILA MEꞌ SIGA PAGKAHI DA YAHUDI.

Hibrani 11:26

Maka honaꞌ-honaꞌ na, gam na ya natas pinadiyoꞌ sabapan holat na ni katakka Almasi bbos-bbos man na nnaa lakkop leꞌ mimon altaꞌ ni Ejip. Batan ilooy ya pandang na supaat man Tuhan ni sinōng.

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.

Hibrani 6:10

Tuhan ina intong. Sangkon mimon kaayaran bay pabuwat bi yaꞌ luu takupan na. Takita na du sina aseꞌ bi niiya sabap meꞌ bi nabang ni siga pagkahi bi sukuꞌ si Isa ngabut sampay batnaa.

2 Yahiya 1:8

Sangkon iyakin kam mari yaꞌ senseng mimon bay hulas-sangsāꞌ kami noan kaam maka supaya takoleꞌ bi du mimon supaat ma bay hinalliꞌ meꞌ Tuhan ningkaam.