Matiyu 5:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Njawom supaat sina sagannap ma tiggo ngulihal kasalassayan, batan inawnan sila anak Tuhan.

Matiyu 5:9 ပူးပေါင်းရင်းမြစ်များ

Matiyu 5:45

Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Lukas 20:36

Maka yaꞌ na sila kuhi matoy saumu batan sibuꞌ na du karuha da ka malaikat. Boꞌ tumatandaꞌ na anak Tuhan sila batan lay na sila pinakallum pabalik.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Salsila siga Rasul 7:26

“Pag meꞌ sumawung, ngita na baw Boꞌ Musa ga pagkahi na bangsa Israil duwa sisuntuk. Pag-anu, lay na baw ya pasōng nalassay, yuk na, ‘Uy, ongoy doꞌ ina kam sisuntuk? Kaam bina sibuꞌ-sibuꞌ bangsa Israil. Saliꞌ du kam ka jama danganakan.’

Suwat si Pol pa mman Baanan Sukuꞌ si Isa ndooy ni Rom 12:18

Pagbuli-bulihan bi mogbogan kasalassayan ka mimon jama.

Suwat si Pol pa mman Baanan Sukuꞌ si Isa ndooy ni Rom 8:14

Batan sagannap ma pinagmundaan meꞌ Rū Tuhan, sila na sina anak Tuhan.

Suwat si Pol pa mman Baanan Sukuꞌ si Isa ndooy ni Rom 8:19

Llaw looy ilay mintu pag palahil Tuhan na kaayaran ka kabantugan ma bay hinalliꞌ ni siga anak na, tud mahap na saꞌ alang-alang. Minsan mimon-mimon ma bay pinapayak ni junyaꞌ, balnyawa maka saꞌ balnyawa, dari ko ngawon, pinagdautan du meꞌ da llaw looy mintu.

1 Korin 6:6

Kaam ina, inawnan baw kam danganakan, sugaꞌ kaam na baw pagkahi sipalkalaꞌ-palkalaꞌ! Boꞌ ilooy gi laat na, tuhiyan bi lagi palkalaꞌ bi nohoꞌ hinukum ni siga saraꞌ ma yaꞌ san pitsayaꞌ ni si Isa!

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

2 Korin 5:20

Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 4:1

Na meꞌ aku itu disu sosohoan Papuꞌ njawom jīl sabap meꞌ ku masaplag, junjung ku na ningkaam, bogbogan bi kawul-piil ma tawop ni jama ma bay lliyun meꞌ Tuhan binuwat sukuꞌ na.

Pilipi 4:2

Sugaꞌ kuwan ga si Yuriya ka si Sintiki, baan bi doꞌ niyaku, junjung ku na ninsila, ddong na sila magsaggaꞌ. Subay sila magsulut batan ndang inaa pataꞌ ni siga danganakan njawman Papuꞌ Isa.

Kolossa 3:13

Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.