Matiyu 5:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Njawom supaat sina sagannap ma manimbang ni pagkahi da manusiyaꞌ, batan pinanimbangan du sina sila meꞌ Tuhan.

Matiyu 5:7 ပူးပေါင်းရင်းမြစ်များ

Malkus 11:25

Sugaꞌ bila kam maku duwaa, subay kam duhuꞌ ngampun soysoy dusahan ningkaam supaya inampun na du kam meꞌ Mmaꞌ bi ni sulgaꞌ.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Suwat si Pol pa mman Baanan Sukuꞌ si Isa ndooy ni Rom 11:30

Kaam ina, siga bangsa saꞌ Yahudi, sibuwa yaꞌ kam bay pitsayaꞌ pa Tuhan. Pag batnaa, pitsayaꞌ na kam. Kon na ilay meꞌ looy sabap timbang ma bay tinuwak meꞌ bangsa Yahudi lay na takka pa mman bi.

1 Korin 7:25

Na pasal kaam ma yaꞌ gi llahan atawa ndahan, luu du situ palbiatan ku ningkaam. Sugaꞌ saꞌ baw tu ga panohoan lakka man Papuꞌ mismu, arapun ituu tu yana palbiatan pamuwan ku ningkaam meꞌ aku disu jama kanaalla ni Papuꞌ sabapan aseꞌ na niyaku.

2 Korin 4:1

Ni kaehe timbang Tuhan, lay kami peneꞌ na masaplag umanat mahap. Sangkon yaꞌ kami jamu maghulas-sangsāꞌ kalnaꞌ iya.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

1 Timuti 1:16

San meꞌ looy, lay gi baw ku bay pinanimbangan meꞌ Tuhan. Dari man sabapan bay kadarihan ku, luu na pamintangan mehe ni jama man da mindoga bong pooy tahaꞌ pasensiya si Isa Almasi ni siga baldusa. Kamura-murahan ilooy na poonan da pitsayaꞌ na niiya sampay koleꞌ kasampulnaan nyawa ma yaꞌ luu katapusan na.

Hibrani 4:16

Dari pagka luu na panghuluꞌ imam asahan tabi ma yaꞌ luu sibuꞌ sabanding na, daa na kitabi loman maku tabang pa Tuhan yana poonan aseꞌ. Batan iya ina manimbang ningkitabi maka iya du muwanan kitabi tabang sumilan-sumilan gunahan ningkitabi.

Hibrani 6:10

Tuhan ina intong. Sangkon mimon kaayaran bay pabuwat bi yaꞌ luu takupan na. Takita na du sina aseꞌ bi niiya sabap meꞌ bi nabang ni siga pagkahi bi sukuꞌ si Isa ngabut sampay batnaa.

Yaꞌkub 2:13

Batan pag ina mintu taabut llaw hukuman, soysoy yaꞌ bay manimbang ni pagkahi na manusiyaꞌ, yaꞌ du ya pinanimbangan meꞌ Tuhan. Sugaꞌ sagannap ma bay manimbang, yaꞌ na luu katawuhan da ni llaw hukuman.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 2:10

Sibuwa ilay, saꞌ gi kam sukuꞌ Tuhan, pag batnaa sukuꞌ na na kam. Maka sibuwa ilay, yaꞌ gi bay takissa bi aseꞌ Tuhan, pag batnaa lai na.