Matiyu 5:48 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁸ Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Matiyu 5:48 ပူးပေါင်းရင်းမြစ်များ

Panagnaan 17:1

Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Matiyu 5:45

Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Matiyu 5:47

Bong ina isu-isu bagay bi du hasi bi, malaingkan yaꞌ du luu pagbiddaan bi ka kasohean. Minsan ina siga kapil, biyasa du buwat meꞌ looy.

Lukas 6:36

Sangkon, subay du kam manimbang ni jama meꞌ karuha Mmaꞌ bi Tuhan.”

Lukas 6:40

Sarī gi, bong luu mulit baguru ni guru awam, mastiꞌ kapandoyan na yaꞌ du lumabi man guru na. San ina lay na takoleꞌ na mimon kapandoyan guru na, sibuꞌ du kaawaman da.

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

2 Korin 13:9

Dari basta hallot jaꞌ pangando bi ni Almasi, gāk du situ kami san kami pinamāꞌ na yaꞌ luu gaos kami. Sarī man naa, paku kami duwaa pa Tuhan, kamura-murahan magsasōng na pin hāp kawul-piil bi ngabut sampay yaꞌ na luu salla na samasakali.

2 Korin 7:1

Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

Epesus 3:1

Dari kalnaꞌ kaam siga bangsa saꞌ Yahudi, itu na ga ku lay tajīl sabap meꞌ ku bay masaplagan kaam kabanahan pasal si Isa Almasi.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

Yaꞌkub 1:4

Sangkon tatasan bi jaꞌ san gi oy katuwaꞌ ningkaam. Bong siꞌ ina kam natas, pag toklas na, taggu na iman bi ngabut sampay yaꞌ na luu salla ni kawul-piil bi samasakali.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.