Matiyu 5:45 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁵ Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Matiyu 5:45 ပူးပေါင်းရင်းမြစ်များ

Matiyu 5:9

Njawom supaat sina sagannap ma tiggo ngulihal kasalassayan, batan inawnan sila anak Tuhan.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Yahiya 13:35

Bong ina kam sikaaseꞌ-kaaseꞌ du, inaa na sina pindoga man mimon jama toon mattan kaam mulit ku.”

Salsila siga Rasul 14:17

Sugaꞌ san meꞌ looy, man awwal jaman lagi, ndang luu na siga sipat man bi kabistu ndang luu Tuhan maka iya du buwat kaayaran ni manusiyaꞌ. Batan iya na sina muwanan kitabi uwan sampay masulig jinisan tinanom tabi ngabut sampay timpu ngattom. Dari man sabapan na, sukup na balanjaꞌ tabi ka kagakan tabi.”

Epesus 5:1

Na pagka kitabi anak Tuhan kinaasean meꞌ na, sapatut na akig tabi na arat-tabiat na.

Pilipi 2:15

Meꞌ naa ina, tumatandaꞌ sutsiꞌ na kam maka anak Tuhan na kam ma yaꞌ luu sutsutan njataꞌ bi. Dari sabapan hāp kawul-piil bi sasang bi maglahat ka jama angkat-angkatan batnaa ma bingkok ka sabu, tadalil na sina kam pa siga potean ninag njawom lindom.

1 Yahiya 3:9

Dari sagannap ma lay na dari anak Tuhan, labbahan da na sina meꞌ da buwat dusa sabap luu na ninsila pangatayan bahau man Tuhan. Maka pagka Mmaꞌ da na Tuhan, yaꞌ sila kasogsog buwat dusa.