Matiyu 5:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Njawom supaat sina sagannap ma magkasusahan ni bay dusa da batan pinagamgaman du sina sila meꞌ Tuhan.

Matiyu 5:4 ပူးပေါင်းရင်းမြစ်များ

Lukas 16:25

“Sugaꞌ tampung Nabi Ibrahim, ‘Nges, intomun doꞌ jaman nu llum ni junyaꞌ. Lay jaꞌ ko masannang dī nu ngissahan jinisan pakaradjaan ayad halloman nu ni junyaꞌ. Boꞌ si Lasarus itu, ilooy du bay takissa na katiksaan. Pag batnaa, iya doꞌ baw magparasahan ayad. Kuwan kau, nnaa na jaꞌ ko njawom tiksaꞌ.

Lukas 6:21

Njawom supaat kaam ma lingantu, batan pinaasso du sina kam bbos-bbos. Njawom supaat kaam ma nangis ni batnaa, batan gāk du sina kam bbos-bbos.

Lukas 6:25

Damikiyan, kaam ma maabak meꞌ bi maasso dī bi sadjaꞌ, siya-siya du sina kam. Batan bbos-bbos kalingantuhan du sina kam. Maka siya-siya du sina kam ma tatto-tatto ngisbat jaꞌ kagakan ni hāl junyaꞌ, batan bbos-bbos ina, magkarukkaan du kam sampay nangis.

Lukas 7:38

Takka ndooy, lay ya nangge ka tuut na ni bihing battis si Isa sambayan na nangis. Sampay lay na ga baseꞌ battis si Isa kakattapan meꞌ boheꞌ mata na. Pag-anu siꞌ, lay puusan na battis si Isa ka dūn kōk na. Pus meꞌ looy, lay ūk na battis na, boꞌ lay gi nnaan na insallan hamut.

Lukas 7:50

Sugaꞌ gam pin ndarahan gi meꞌ si Isa halling na ni danda looy, yuk na, “Salamat na sina ko sabapan pangando nu niyaku. San ko moleꞌ na. Maka pasannangun na atay nu.”

Yaꞌkub 1:12

Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

Siga Pakaradjaan bay Pinalahil 21:4

Sagannap ma tumabeꞌ njawom daira looy, pinuusan na sina meꞌ Tuhan mimon boheꞌ mata da. Yaꞌ na luu kinasusahan ndooy. Kapatoy pun, ya na du luu. Damikiyan dukka maka tangis sampay paddi, yaꞌ na du luu ndooy, batan siga pakaradjaan maruhuꞌ meꞌ looy lay na lanyap.”