Matiyu 5:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Sugaꞌ batnaa, ituu jaꞌ meꞌ ku maka kaam: Minsan ina lasu jaꞌ kam ni pagkahi bi, mastiꞌ piligru du kam kalabuan hukuman. Maka soysoy mahallingan pagkahi na, ‘Yaꞌ luu guna nu,’ mastiꞌ piligru du ya binoo pa baanan Sanhidrin hinukum. Maka soysoy ngawnan pagkahi na manusiyaꞌ dupang, mastiꞌ piligru du ya pinidjalaꞌ ni api nalkaꞌ.

Matiyu 5:22 ပူးပေါင်းရင်းမြစ်များ

Panagnaan 37:4

Pag liling ga siyaka na pabiddaꞌ aseꞌ mmaꞌ da ni siyali da, ilooy ma kinagigitan na ya. Dari pagpōꞌ-pagpōꞌ bitsala da ni si Yusup, kasla na jaꞌ.

Panagnaan 37:8

Dari iya halling siga danganakan na baw siꞌ tu, “Ā, bahasa dari sultan na baw ko mintu marintahan kami, hāꞌ?” Dari ilooy ma magdaruhun na duga da man sabapan upihan ma bay tuntut na.

Matiyu 10:17

Iyakin kam batan luu sina mintu masa bi sinungkuban sampay binoo gi pa mman baanan kapakihan nohoꞌ hinukum. Boꞌ llagpiꞌ gi sina kam ni pag-awpan siga jamaa ni siga langga da.

Matiyu 10:28

Daa na kam tawu ni jama ma takaya da mapatoy baran bi. Ndang-ndang yaꞌ du sina takaya da mapatoy nyawa bi. Arapun ilooy ya subay katawuhan bi yana Tuhan sabap labba man baran bi sampay nyawa bi ina tapabinasa du meꞌ na njawom nalkaꞌ.

Matiyu 12:24

Pag takale siga Parisi bitsala ga jama looy, yuk da, “Ē, kon na bina kapōꞌ seytan man jawom baran jama batan bay ya binuwanan kawasa meꞌ Belsibul, panghuluꞌ siga seytan.”

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Matiyu 18:21

Pag-anu siꞌ, lay na baw pasōng si Pitel pa mman si Isa nilaw, yuk na, “Tuwan, subay ilay min dangoy ampun ku pagkahi ku bong ya amu-amu buwat dusa niyaku? Sukup na kilay min pituꞌ?”

Matiyu 18:35

Damikiyan,” yuk si Isa, “meꞌ naa du sina meꞌ Mmaꞌ ku ni sulgaꞌ buwat kaam bong kam yaꞌ ngampun siga pagkahi bi ni kahilas atay bi.”

Matiyu 23:15

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Padile padilawut na kam maglanan bong pin kam nammu jaꞌ san lasa disu jama binuwat mulit bi. Pag lay jaꞌ kam nammu, sabapan tōꞌ bi, magdaruhun gi kalaatan na. Pag toklas na, mangkin na ya pataꞌ pinidjalaꞌ ni nalkaꞌ labi gi man kaam.

Matiyu 23:33

“Kaam ina, sibuꞌ du kam ka bay jaman kabboꞌ-bboan bi, subay ga baanan sō latsunan. Daa na kam ngaholat ga tailagan bi lagi hukuman nalkaꞌ.

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Matiyu 26:59

Na kuwan siga imam langkaw ka mimon pagkahi da paki njawom baanan Sanhidrin, miha na pin saksiꞌ nohoꞌ mitnahan si Isa supaya tasohoꞌ da na pinapatoy.

Matiyu 3:17

Maka luu suwara man sulgaꞌ, yuk na, “Ituu tu Anak ku, kakasi ku. Kasulutan ku banahan niiya.”

Matiyu 5:34

Sugaꞌ batnaa, ituu jaꞌ meꞌ ku maka kaam: Daa na kam napa samasakali. Bong kam nganjanjiꞌ, daa subay na pin kam napa nabbut oy-oy jaꞌ ni sulgaꞌ atawa ni junyaꞌ. Batan sulgaꞌ ina yana paningkoan Tuhan. Kuwan junyaꞌ, yana panukoran battis na. Intong na, saꞌ kaam dapu junyaꞌ ka sulgaꞌ saula-ula luu kapatut bi napa makoy awon da. Damikiyan, daa du kam napa nabbut Jerusalem, batan inaa ina daira Sultan ninggi taꞌ mimon sultan, saꞌ kaam dapu.

Matiyu 5:44

Sugaꞌ ituu jaꞌ meꞌ ku ka kaam: Kaasean bi sagannap ma manta kaam maka pakuhan bi duwaa sagannap ma ngalaugan kaam.

Malkus 14:55

Na kuwan siga imam langkaw baw siꞌ tu sampay na mimon pagkahi da paki ni baanan Sanhidrin, miha na pin danan man da malkalaꞌ si Isa mari tasohoꞌ da na pinapatoy. Sugaꞌ yaꞌ luu tatammu da sangdanan pataꞌ man na kalabuan hukuman kapatoy.

Malkus 15:1

Pag kallat llaw, kuwan ga imam langkaw ka ga guru saraꞌ agama ka ga matatoa ni agama, sampay na mimon pagkahi da njawom baanan Sanhidrin, lay na isun bong pooy meꞌ da buwat si Isa. Pag lupus, lay na ya iningkotan meꞌ da, boꞌ na binoo pa mman Gubnul Pilatu.

Lukas 12:5

Arapun ilooy ya subay katawuhan bi yana Tuhan, batan sarī man ngalakkahan umu bi, luu gi kawasa na ngahiyakan kaam pa jawom nalkaꞌ. Sangkon, subay iya kinatawuhan.

Lukas 22:66

Pag sayu, luu na kumpo-kumpo baanan ga pa-mmean agama ma ngantanan kapatut ngahukum inawnan Sanhidrin. Njawom baanan da, luu siga imam langkaw ka ga guru saraꞌ agama. Dari lay na si Isa binoo pa awpan da sinumariya.

Yahiya 11:47

Dari bbuwatan siga Parisi ka ga imam langkaw, magti bay nawag baanan Sanhidrin binoo isun. Kumpo jaꞌ siꞌ sila sikamimon, yuk da, “Pooy tu pamiki tabi? Lalla looy ilay, meka na pabuwatan kahaylan-haylan bay pinōꞌ meꞌ na.

Yahiya 15:25

Dari lay na binakbul tunaꞌ looy njawom kitab, ilooy ma yuk na, “Lammis sila niyaku san yaꞌ luu pataꞌ poon sabap na.”

Yahiya 7:20

Pag tampung siga jama ndooy, “Sineytan bina ko! Soy doꞌ itu doman mapatoy kau?”

Yahiya 8:48

Pag tampung siga Yahudi ndooy, “Tud bana du hati bay halling kami kau bangsa Samariya, boꞌ sineytan gi ko.”

Salsila siga Rasul 17:18

Ndooy siꞌ ni Aten, luu duwa palhimpunan ga guru ma tigiꞌ magbilmaarup pasal jinisan hāl ma kinapitsayaan meꞌ manusiyaꞌ. Disu palhimpunan inawnan Epikuru, kuwan ilooy disu Istoik. Na ga jama looy siꞌ tu, pag lay jaꞌ pinasaplagan meꞌ si Pol pasal si Isa sampay hāl meꞌ na bay pinakallum, yuk kasohean, “Uy, magligaw jaꞌ bina lalla naa! Bitsala oy doꞌ ina meꞌ naa?” Yuk kasohean baw siꞌ tu, “Marean ta bina binitsala meꞌ na siga tuhan ma yaꞌ gi tasayu tabi.”

Salsila siga Rasul 22:30

Na komandel looy siꞌ tu, masi na pin doman toon bong ongoy si Pol pinalkalaꞌ meꞌ siga Yahudi looy. Dari pag meꞌ sumawung, lay tinawag meꞌ na siga imam langkaw ka baanan paki ma ngahukum, yana Sanhidrin. Luu jaꞌ siꞌ sila, lay na sohoꞌ na si Pol pinōꞌ man jawom jīl boꞌ nohoꞌ binoo pa awpan da.

Salsila siga Rasul 23:1

Na luu jaꞌ siꞌ si Pol, lay doꞌ ya ngandaꞌ pa mman baanan Sanhidrin looy, boꞌ na mitsala ninsila, yuk na, “Siga mbuwaꞌ danganakan, labba man sibuwa ngabut sampay batnaa, yaꞌ situ ku bay buwat oy maka oy na bong bistahan ku maat ni mata Tuhan.”

Salsila siga Rasul 24:20

Sugaꞌ pagka yaꞌ sila luntuu, bong dari Tuwan Gubnul, sōn doꞌ siga Yahudi naa māꞌ bong oy dusa ku bay tatammu da waktu ku bay sinumariya meꞌ baanan Sanhidrin.

Salsila siga Rasul 4:15

Dari siꞌ, lay na doꞌ sinohoꞌ ga si Pitel pōꞌ man jawom lumaꞌ saraꞌ samantalaꞌ. Kuwan siga pa-mmean looy, lay na doꞌ isun,

Salsila siga Rasul 5:21

Dari siꞌ, pag kallat llaw, lay na du sila pilay pa langga mehe sampay lay na sila noan jama ndooy. Kuwan panghuluꞌ imam baw siꞌ tu ka ga soheꞌ na, kanna da masi na pin luu siga rasul looy njawom jīl. Dari bbuwatan da lay nawag baanan kapakihan inawnan Sanhidrin ka ga matatoa ni agama bangsa Israil. Luu jaꞌ siꞌ kumpo labbasakayi, lay na sohoꞌ da kinaddoꞌ siga rasul looy siꞌ man jawom jīl binoo pa mman da sinumariya.

Salsila siga Rasul 5:27

Luu jaꞌ siꞌ siga rasul looy ni awpan baanan Sanhidrin, kinalasuhan na sila meꞌ panghuluꞌ imam, yuk na,

Salsila siga Rasul 6:12

Na sabap meꞌ looy, lasu na ga jama ndooy ni Jerusalem ka ga matatoa ni agama sampay ga guru saraꞌ agama. Dari lay na ga sinungkuban si Esteben sampay binoo pa awpan baanan Sanhidrin nohoꞌ hinukum.

Salsila siga Rasul 6:15

Dari siꞌ pinaimanan na pin si Esteben meꞌ kapakihan Sanhidrin sikamimon sampay takita da na ninag na ga luwa na, subay ga luwa malaikat.

Salsila siga Rasul 7:37

Maka Boꞌ Musa na silay bay nunaꞌ ni bangsa tabi Israil, ilooy ma yuk na, ‘Ni sinōng, luu sina disu nabi meꞌ aku du pinatakka meꞌ Tuhan pa mman bi. Iya ilay mintu meꞌ aku du turunan bangsa tabi Israil.’ ”

Suwat si Pol pa mman Baanan Sukuꞌ si Isa ndooy ni Rom 12:10

Subay kitabi sikaaseꞌ-kaaseꞌ meꞌ kadari jama danganakan. Maka subay kitabi tinagi magmaltabat ni mimon pagkahi tabi sukuꞌ si Isa.

1 Korin 6:10

Damikiyan, sagannap ma panangkaw, magnapsu mulakab ni altaꞌ, palalango, pamitna, maka pangalupig, mastiꞌ yaꞌ du sina pinatabeꞌ ni pamarinta Tuhan.

1 Korin 6:6

Kaam ina, inawnan baw kam danganakan, sugaꞌ kaam na baw pagkahi sipalkalaꞌ-palkalaꞌ! Boꞌ ilooy gi laat na, tuhiyan bi lagi palkalaꞌ bi nohoꞌ hinukum ni siga saraꞌ ma yaꞌ san pitsayaꞌ ni si Isa!

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

Taytus 3:2

Baan nu sila subay sila yaꞌ mitsala soysoy pa kalaatan. Maka daa sila sohoun sasaꞌ-manasaꞌ. Arapun subay lammaꞌ sampay diyoꞌ jaꞌ pangatayan da ni mimon manusiyaꞌ.

Hibrani 12:25

Sangkon, amay-amay daa tuwakun bi umanat Tuhan ningkaam batnaa. Mamintang doꞌ kam ni bay jaman kabboꞌ-bboan tabi. Bong sila bay pinidjalaꞌ sabap meꞌ da nuwak bitsala lalla looy man junyaꞌ, yana Nabi Musa, labi na saꞌ kitabi pinidjalaꞌ bong tuwak tabi na baw bitsala lalla looy ma lakka man sulgaꞌ.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

Yaꞌkub 2:20

Na kaam ina, bong kam mista sukup pitsayaꞌ jaꞌ ni si Isa, tud kulang pangahati bi. Subay siꞌ soysoy pitsayaꞌ niiya, mastiꞌ subay gapiꞌ ka siga pabuwatan mahap. Bong ina niyaꞌ, yaꞌ du luu pūs meꞌ na pitsayaꞌ.

Yaꞌkub 3:6

Damikiyan behe ta pun, bong yaꞌ du njagahan, subay ga api nalkaꞌ ma kabinasa ningkita sampay ni pagkahi ta manusiyaꞌ. Yaꞌ taambat kalaatan tapabuwat meꞌ behe ta. Boꞌ inaa na katamak ni pagkajama ta labbasakayi.

1 Pitel 2:23

San ya bay pinadiyoꞌ, yaꞌ du ya bay ngumbang. San ya bay bininsanaꞌ, yaꞌ du ya bay nanggup mawos. Gam pin, lay jaꞌ suhuran na pa Tuhan, yana huwis ma patingkat intong.

1 Pitel 3:9

Sagannap ma buwat maat ningkaam, daa na tungbasan bi ka maat. Damikiyan, bong luu madiyoꞌ kaam, san daa na umbangan bi. Gam pin buwat gi kam kaayaran ninsila, batan ndang inaa sina kahandak Tuhan ningkaam. Bong siꞌ inaa bean tabi, mastiꞌ sinupaatan jaꞌ kitabi meꞌ Tuhan.

1 Yahiya 2:9

Na soysoy mangaku njawom dantaꞌ, boꞌ lammis baw ni pagkahi na, malaingkan masi du ya njawom lindom.

1 Yahiya 3:10

Na meꞌ tabi ngila bong soy siga anak Tuhan maka soy siga anak Ibilis meꞌ tuu: Soysoy yaꞌ buwat kaintongan maka yaꞌ maasean siga pagkahi na manusiyaꞌ, saꞌ ya anak Tuhan.

1 Yahiya 5:16

Na katapusan bitsala ku, bong kita ngita disu danganakan ta sukuꞌ si Isa buwat dusa, subay ya pakuhan ta duwaa supaya ya pinanimbangan meꞌ Tuhan sampay sinampulnaꞌ nyawa na pabalik. Sugaꞌ bong baw dusa na yana ilooy disu ma katiksaꞌ ni nyawa saumu-umu, san kita yaꞌ na mahusaan dī ta makuhan iya duwaa.

Suwat Lakka man si Jūd 1:9

Minsan baw Mikail yana disu malaikat langkaw banahan kawasa-kapatut na, yaꞌ du bay nawakka buwat meꞌ sila. Batan jaman Mikail ilay bay magsaggaꞌ ka Ibilis pasal mayat Nabi Musa, yaꞌ du ya bay nawakka madiyoꞌ Ibilis. Ilooy du bay halling na niiya, “Papuꞌ sa bahalaꞌ naggong kau.”

Siga Pakaradjaan bay Pinalahil 20:14

Dari sagannap ma yaꞌ bay tasuwat awon da njawom Būk Kaallum, lay na hiniyakan pa jawom danaw looy ma pannoꞌ leꞌ api. Na ilooy ilay siꞌ inawnan kapatoy ni kaduwa na. Kapatoy pun sampay tahanan jama matoy, lai na du hiniyakan pa jawom danaw looy. Dari labba mandooy ilay mintu, yaꞌ na luu kapatoy maka tahanan jama matoy.