Matiyu 5:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ “Na aku itu bay pitu, daa kam mista ga luu maksud ku matoyan saraꞌ Nabi Musa atawa siga suwat kanabi-nabihan. Arapun kon itu ku bay pitu majatu ilooy ma bay tinunaꞌ meꞌ da.

Matiyu 5:17 ပူးပေါင်းရင်းမြစ်များ

Matiyu 3:15

Sugaꞌ tampung si Isa, “Pilayun na ba. Dari du sina ko mandi aku, batan subay bean ta mimon kahandak Tuhan ningkita.” Dari lay na kuhi si Yahiya mandi si Isa.

Matiyu 7:12

“Pooy-pooy karomanan bi meꞌ jama buwat kaam, subay meꞌ naa du meꞌ bi buwat sila. Bong siꞌ ina inaa na bean bi, malaingkan sibuꞌ du ka lay na bogbogan bi mimon saraꞌ Nabi Musa sampay siga tōꞌ kanabi-nabihan.”

Lukas 16:17

Sugaꞌ yaꞌ baw tu sukat ku bay halling meꞌ tuu ga pinalungay na hagaꞌ saraꞌ Nabi Musa. Mas mura gi lungay gumi ka langit man disu batang suwat saraꞌ binaluba.

Yahiya 8:5

Na njawom saraꞌ bay dean Nabi Musa ningkitabi, bong danda meꞌ tuu, subay situ hiniyak ka batu mari matoy. Bong kau, subay pooy?”

Salsila siga Rasul 18:13

Yuk siga Yahudi looy siꞌ tu ni gubnul, “Lalla tuu tu, meꞌ na noan jama numba Tuhan, tud nulang ni lanan saraꞌ agama kami.”

Salsila siga Rasul 6:13

Takka ndooy, luu gi kasohean bay boo da paasok nohoꞌ buwat-buwat bitsala man nalloban si Esteben. Yuk da, “Lalla tuu la tud yaꞌ kuhi patagong mitsala pangka pasal langga mehe ka saraꞌ Nabi Musa.

Suwat si Pol pa mman Baanan Sukuꞌ si Isa ndooy ni Rom 10:4

Yaꞌ tahati da lay na ginantian meꞌ Tuhan jalan sibuwa ka jalan bahau. Batnaa tu, Almasi na yana jalan bahau man manusiyaꞌ initung intong, basta sila pitsayaꞌ jaꞌ niiya.

Suwat si Pol pa mman Baanan Sukuꞌ si Isa ndooy ni Rom 3:31

Sugaꞌ minsan itu lay na kitabi initung intong sabap meꞌ tabi pitsayaꞌ ni si Isa, saꞌ baw ina ga subay takupan tabi na saraꞌ Nabi Musa, gam pin tanggehan tabi lagi.

Suwat si Pol pa mman Baanan Sukuꞌ si Isa ndooy ni Rom 8:4

Maksud Tuhan buwat meꞌ looy supaya takaya tabi na buwat kaintongan meꞌ ilooy ma tinōꞌ njawom saraꞌ. Dari batnaa, saꞌ na napsu tabi pakutuꞌ tabi nduwan, arapun kahandak Rū Sutsiꞌ na.